Ubwandilo 35:5 - IBAYIBOLO 2024

⁵ Bo u Yakobo na bana bache bakunyamuka, ubogha ubukulu nkani bukabalema abantu bosi aba mutwaya utwakuzyungulila, umwakuti atakabapo nayumo uwakubakonka.

Ubwandilo 35:5 Iomraidhean Croise

Ubwandilo 34:30

U Yakobo akamubuzya u Simiyoni nu Levi akati, “Awe mwampalaghulila intamyo. Aba Kenani naba Pelezi bosi bakwiza. Aswe tute twe binji, po nanti babungana pakulwa naswe bakwiza pakungogha ane na bamunyumba yane bosi, twebosi tukwiza pakughoghiwa.”

Ubwandilo 35:4

Po bakamupa u Yakobo utwachala tosi tuto bakaba nato, sona ni ndelebele zizyo bakavwala. U Yakobo akavifukila pasi muntende mwikwi ilya mupandapanda lilyo likaba papipi nu Shekemu.

2 Imbili 14:13

sona u Asa na basilikali bache bakabachimbizya mupaka ku Gelala. Pisiku lilalila aba Etiyopiya abinji bakafwa, umwakuti patakabapo nayumoyumo umuntu uwakupona. Bakabanangannya pamaso pa Mwene na pamaso pabasilikali bache. Abantu aba mu Yuda bakafyula ivintu ivyinji nkani.

2 Imbili 14:14

Bakatunangannya utwaya tosi utwakuzyungulila akaya akakulu aka Gelala, pachifukwa ichakuti u Mwene akabavulungannya. Bakatufyula utwaya tosi tunutu, pakuti mukaba ivintu ivyinji ivyiza nkani.

2 Imbili 17:10

U Mwene akabapelela ubogha abantu bosi aba muvyisu ivipalamani, umwakuti batakalondagha pakulwa ubwite nu Yehoshafati.

Masalimo 105:14

Atakamwitikizyapo nayumoyumo umuntu ukuti abayivyanje, sona akabachemela abamwene bamo, pachifukwa icha bantu bache balabala ukuti:

Masalimo 14:5

Po bakwiza pakuba nubogha, pakuti u Mwene ali pakasi pa bagholosu.

Ukufuma 23:27

“Nkwiza pakubapelela ubogha abantu babo bakubasusya ukuti banganyila. Nkwiza pakubavulungannya abantu babo bakulwa namwe umwakuti bakwiza pakubachimbila.

Ukufuma 34:24

Nkwiza pakubachimbizya abantu aba inko izyakulekanalekana pantazi papinyu nukukuzya impaka iya chisu chinyu, sona atalipo nayumo umuntu uwakubapota, bo mukwiza katatu pamwaka pakunyiputa ane ne Mwene u Chala winyu.

Ukukumbusya Amalamulo 11:25

Atalipo nayumoyumo yuyo akwiza pakubakanizya. U Mwene u Chala winyu akwiza pakubapelela abantu banaba ubogha umwakuti bakwiza pakubanyila muchisu chinichi kosi kuko mukubukako, ukuyana namumo akabalayizizya.

Ukukumbusya Amalamulo 2:25

Ukwanda ilelo mupaka muntazi, nkwiza pakubapelela ubogha umwakuti abantu aba inko zyosi izya muchisu ichapasi babanyilaye. Nanti umuntu wesi ivwa bulo nizya mbili yinyu, akwiza pakutetema nubogha.”

Yoshwa 5:1

Abamwene bosi aba ba Amoli babo bakikalagha kubwinjililo bwizuba ubwa Yolodani, sona na bamwene bosi aba ba Kenani babo bakikalagha mulubazu ulwa Nyanja iya Medeteleniya, bakivwa ukuti u Mwene akakamula ulusoko ulwa Yolodani pamaso paba Izilayeli mupaka abantu bosi bakaloboka. Po bakaba nubogha nkani nukuwa amaka pachifukwa icha ba Izilayeli bala.

1 Samuweli 11:7

Akasendapo inkambaku zibili zila nukuzighogha, sona akazidumulannya muvipuza. Po akazituma intumi ni vipuza vila muchisu chosi icha Izilayeli nukunena ukuti, “Umuntu wesi yuyo atakumukonka u Sabuli nu Samuweli, inkambaku zyache zikwiza pakuboliwa ngati bunubu.” Po abantu bala bakamunyila nkani u Mwene, sona abantu bosi bakanyamuka ngati muntu weka.

1 Samuweli 14:15

Abasilikali babo bakaba muvisakasa, na babo bakaba mumaghunda, na balindilili, sona naba mukabukatila akakufyula ivintu bakavulungana nkani pachifukwa icha bogha. U Chala akabatumila ukuvulungana ukukulu nkani, umwakuti ichisu chikaneng'ena, sona kukaba akasenyenta.