Ubwandilo 35:3 - IBAYIBOLO 2024

³ Tukwiza pakwepamo muno nukubuka ku Beteli, kuko nkwiza pakumuzengela ichighemo u Chala, yuyo akanyavwa muntamyo zyane, sona yuyo akaba nane kosi kuko nkabukagha.”

Ubwandilo 35:3 Iomraidhean Croise

Ubwandilo 28:15

Nkwiza pakuba nawe nukukusungilila kosi kuko ukubuka, sona nkwiza pakukunyosezya kuchisu chinichi. Ntakwiza pakukuleka nalumolumo mupaka papo nakubombela zyosi zizyo nkakulayizya.”

Ubwandilo 31:3

Po u Mwene akamubuzya u Yakobo akati, “Nyokela kuchisu icha ghuso na bakamu bako, po nkwiza pakuba nawe.”

Ubwandilo 31:42

Nanti u Chala uwa batata bane, u Chala uwa Abulahamu, nuwa Yisaki atakanyimilagha, ilelo ngali wambwezya nyobe zyene. Loli u Chala akennya intamyo zyane, sona ni mbombo izya nyobe zyane. Ichi cho chifukwa akakuchemela ubusiku bubo bwamalagha.”

Ubwandilo 32:24

U Yakobo akasyala mwene palapala. Umuntu yumo akiza nukutoba nawe busiku bosi mupaka kubuche.

Ubwandilo 32:7

Bo u Yakobo ivwa zinizi, akanyila nkani nukupasya. Akabagabannya abantu babo akaba nabo mutubukatila tubili nukubomba bunubu ni ng'ozi ni mbuzi ni ng'ombe sona ni ngamila zyache.

Ubwandilo 35:4

Po bakamupa u Yakobo utwachala tosi tuto bakaba nato, sona ni ndelebele zizyo bakavwala. U Yakobo akavifukila pasi muntende mwikwi ilya mupandapanda lilyo likaba papipi nu Shekemu.

Ubwandilo 35:7

Kulakula akazenga ichighemo nukubwita ubuzilo bula ukuti Eli Beteli pachifukwa ichakuti bukaba buzilo bubo u Chala akivumbulila mwene kwa Yakobo, bo akumuchimbila umukulu wache.

Ubwandilo 48:15

Po akamusaya u Yosefu akati, “U Chala yuyo abatata bane u Abulahamu nu Yisaki bakamubombelagha abasaye abana banaba. U Chala yuyo ansungilila mupaka pakabalilo aka, abasaye abana banaba.

Masalimo 107:6

Muntamyo zyabo, bakamulilila u Mwene, akabapoka mumayimba ghabo.

Masalimo 107:8

Bamupalaye u Mwene, pachifukwa icha lughano lwache ulwa bwila na bwila, pachifukwa icha mbombo zyache izyakuswighisya pabantu.

Masalimo 46:1

U Chala we wapakuvwama pitu, sona we maka ghitu, yuyo iyanizye pakutwavwa pakabalilo akantamyo.

Masalimo 50:15

Munyitizyanje pakabalilo akantamyo, nkwiza pakubapoka po mukwiza pakunchindika.”

Masalimo 91:15

Bo akunyitizya, ane nkwiza pakumwamula. Nkwiza pakuba nawe muntamyo zyache zyosi, nkwiza pakumupoka nukumuchindika.

Ivyili 3:6

Pavyosi vivyo ukubomba witikaye ukuti u Mwene aliko, sona akwiza pakuzipela izila zyako pakuba ngolosu.

Yesaya 30:19

Mwee bantu aba mu Ziyoni, mwe mukwikala mu Yelusalemu, mutakwiza pakulila sona. Naloli u Mwene akwiza pakuba ni chisa namwe pakwivwa ukulila kwinyu ukuti abavwe! Bo ivwa bulo umwalubilolubilo akwiza pakubamula.

Yesaya 43:2

Bo ukuloboka pamizi, nkwiza pakuba nawe, sona bo ukuloboka isoko, zitakwiza pakukudwibizya. Bo ukwenda pamoto, utakwiza pakupya, ghutakwiza pakukulungulizya, indimi izya moto zitakwiza pakubazimizya.

1 Samuweli 10:3

Bo wadumusannya palapala, ukwiza pakufika pikwi ilya mupandapanda mu Taboli. Palapala ukwiza pakukomana na bantu batatu, weka anyamuye abana aba mbuzi batatu, yumo anyamuye ivibama vitatu, sona uyunji anyamuye inyambi iya ikwela inyizule nu vinyo, bakubuka ku Beteli pakumwiputa u Chala.