Ubwandilo 35:2 - IBAYIBOLO 2024

² Po u Yakobo akababuzya abamunyumba yache, sona na bosi babo bakaba nawe akati, “Tagha utwachala utuyeni tuto muli nato pakasi papinyu. Mwiswefye mwebene, sona muvwalaye amenda aghanji amiza.

Ubwandilo 35:2 Iomraidhean Croise

Ubwandilo 18:19

Namusala umwakuti angabalamula abana bache na baluko ukuti banyivwilaye nukubomba chicho chanaloli ni chigholosu. Nanti bakubomba bunubu, nane nkwiza pakumubombela zyosi zizyo nkamulayizya.”

Ubwandilo 31:19

Bo u Labani abuka pakudumulila ameya agha ng'ozi zyache, bo achili ali kulakula u Lakelo akaghilapo ulusako nukwiba utwachala utwa munyumba iya wise.

Ubwandilo 31:30

Inzimenye ukuti ukachimbila pachifukwa ichakuti ukasamba nkani pakubwela kukaya kinyu. Po nkimba choni chicho ukiba utwachala utwa munyumba yane?”

Ubwandilo 31:34

U Lakelo akatufisa utwachala tula muchakwikalilapo icha pangamila yache, sona akikalapo umwenecho. U Labani akalondelezya muchisakasa chache, loli atakatwaghamo natumotumo.

Ubwandilo 34:2

Bo u Shekemu umwana uwa Hamoli umu Hivi, yuyo akaba we mwene uwa chigaba chilachila, amwennya, akumulema pamaka nukumusamula.

Ubwandilo 35:22

Bo u Yakobo akwikala muchisu chilachila, u Lubeni akaghona nu Biliha umuchi umuzya uwa wise. Po u Yakobo akazyivwa zinizi. U Yakobo akaba na bana abalumendo 12.

2 Samuweli 7:23

Nkimba bo bawenu babo bayanite na bantu bako aba Izilayeli, uluko loka muchisu ichapasi, lulo u Chala akabuka pakwitabulila mwene, nukuti itabwa lyache limanyikwanje pakubomba iviswigho ivikulu ni vyakoghofya. Ukazichimbizya inko izinji, poka na bachala babo pamaso pabantu bako, babo ukabatabula mu Ijiputi?

2 Abamwene 17:29

Loli uluko losi lukipangila lwene ichifwani mutwaya utukulu utwakulekanalekana mumo bakikalagha nukuvibika munyumba izyakwiputilamo zizyo aba Samaliya bakazenga pabuzilo ubwapamwanya ubwakwiputilapo ivifwani.

2 Abamwene 5:10

U Elisha akayituma intumi yache pakumubuzya ukuti, “Buka koghe mulusoko ulwa Yolodani akaseveni, po ukwiza pakupola nukuswepa.”

1 Imbili 16:26

Pakuti abachala abanji bosi aba inko vifwani bulo, loli u Mwene weyuyo akapela kumwanya.

Yobu 1:5

Bo amasiku agha lusekelo ghamala, u Yobu akabukagha na bana bache pakubaswefya. Pandabindabi akabikagha ichakwiyipa ichakocha icha mwana wesi pakuti akinong'onagha ukuti, “Lumo abana bane banangite nukumusamula u Chala umwakusita kumanya.” U Yobu akabombagha ulwiho ulu bwila na bwila.

Masalimo 51:2

Ubusukaye ububibi bwane bosi, sona unswefyanje kumbibi zyane.

Masalimo 51:7

Unswefye ni chisilo, po nkwiza pakuswepa naloli, sona unyosyanje, po nkwiza pakuswepa ngati we kabefu.

Ukufuma 19:10

U Mwene akamulamula u Mozesi akati, “Bukagha ku bantu ukuti ilelo ni ndabi biswefye nukuchapa amenda ghabo.

Ukufuma 19:14

U Mozesi akika pighamba pala nukubuka ku bantu pakubaswefya, sona abantu bakachapa amenda ghabo.

Ukufuma 23:13

“Teghelezya zyosi zizyo Ane ne Mwene nanena. Utakabiputaye abachala abanji, sona utakaghatambulaye amatabwa ghabo napo panandi.

Umulumbilili 5:1

Uchebaye nkani bo ukwinjila mu Nyumba iya Chala. Palamila ukuti uteghelezye ukuchila pakubika ichakwiyipa ichakuyana na chicho abapunganu bakubika, babo batakumanya ukuti bakunanga.

Yesaya 1:16

Musukusulaye munyobe zyinyu umwakuti muswepaye. Muzileke imbombo zyinyu imbibi pamaso papane, sona mutakabombaye ububibi.

Yesaya 52:11

Epamo, epamo, fumamo muchisu icha Babiloni, mutakapalamasyanje nachimo ichintu chicho chinyazu! Fumamo mwiswefye mwebene, amwe mwe mukunyamula ivibombelo ivya mu Nyumba iya Chala.

Yelemiya 13:27

Nabwennya ubunyazu bwako, ubwamalaya bwako, ni chinyonywa chako! Navyennya ivyakubombiwa vyako ivinyazu, ivyakubombiwa pamaghamba sona namumaghunda. Wee Yelusalemu! Chighune kukwako. Nkimba ukwiza pakuswefiwa liyi?”

Yelemiya 16:20

Nkimba abantu bangipangila bene abachala ababo na babo? Awe, nanti bangapanga, kokuti batangaba bo bachala aba naloli.”

Yelemiya 5:7

U Mwene akuti, “Nkimba choni chicho imbahobokele? Abana binyu bankanite, sona nukulapa ku bachala babo bate bo bachala. Nkabapa vyosi vivyo bakalondagha, loli pope bulo bakalowa bakatagha akabalilo munyumba izya bamalaya.

Ezekiyeli 18:31

Efyamo ukunanga kosi kuko mwabomba, nukusenda umoyo umupya nu muzimu umupya. Mwee ba Izilayeli, nkimba choni chicho mu kufwa?

Ezekiyeli 20:7

Po nkababuzya ukuti, “Umuntu wesi efyemo ivifwani vivyo akuvyiputa, sona mutakinyazyanje ni vifwani ivya muchisu icha Ijiputi. Ane ne Mwene u Chala winyu.”

Ezekiyeli 36:25

Nkwiza pakubanyafila amizi amiza, po mukwiza pakuswepa, nkwiza pakubaswefya ubunyazu bosi ubwa vifwani vyinyu vyosi.

Daniyeli 5:4

Bo bakung'wela uvinyo bakabapalagha abachala aba golide naba siliva naba mukuba naba chela naba makwi sona naba mabwe.

Aba Levi 15:5

Nanti umuntu akuchipalamasya ichitala chilachila, achape amenda ghache, sona oghe, loli akuba muntu munyazu mupaka pachamabwila.

Aba Levi 17:16

Loli nanti atakuchapa amenda ghache, sona nanti atakogha, inongwa yibanje pamutu wache.

Ukubelengiwa 31:24

Pisiku ilyaseveni muchape amenda ghinyu, po mukwiza pakuswepa. Pisinda pache munginjila muvisakasa.”

Imbombo 19:26

Ilelo mukwennya nukwiyivwila mwebene zizyo uwamwitu u Pabuli ali pakubomba. Akunena ukuti abachala abakupangiwa ni nyobe izya bantu bate bo bachala napo panandi, sona akubadeba nukubapetula abantu abinji muno mu Efeso, sona na muchigaba bulo chosi icha Asiya.

1 Aba Kolinti 10:7

Tutakiputaye ivifwani ukuyana namumo bamo bakabombelagha. Pakuti Amasimbo ghakuti, “Abantu bala bakalya nukung'wela, po bakanda pakwimba nukwisamula bene.”

2 Aba Kolinti 7:1

Mwee bamanyani bane abaghaniwa, pakuti twaba na malayizyo ghosi ghanagha, zagha twisuke twebene ku vintu vyosi vivyo vikunyazya umubili pamo amoyo ghitu, nukwipela twebene pakuba bantu abazelu, sona nukuba bantu abakumunyila u Chala.

Aba Galatiya 4:8

Pakwanda bo mutamumenye u Chala, amwe mukaba mwe bazya aba bachala, babo bate bo bachala abanaloli.

Ukukumbusya Amalamulo 11:28

Loli mukwiza pakupokela ichighune nanti mutakughakonka amalamulo agha Mwene u Chala winyu, sona nanti mutakuvibomba vivyo nkubalamula ilelo nukubiputa abachala abanji, babo mutakabiputapo nalumo.

Ukukumbusya Amalamulo 32:16

U Mwene akaba nu buzuba, pachifukwa ichakuti bakabiputa abachala abanji. Bakamukalalizya nkani, pachifukwa ichakwiputa ivifwani vyabo ivyamwiko.

Ukukumbusya Amalamulo 5:7

“Utakabiputaye abachala abanji, loli ane nemwene.

Ukukumbusya Amalamulo 6:14

Mutakabiputaye abachala abanji, babo abapalamani binyu bakubiputa.

Ukukumbusya Amalamulo 7:25

Muvyoche ivifwani vyabo vyosi, sona mutakamunyonywanje usiliva, pamo u golide wabo. Mutakavisendaye, lumo vingaba chipingo, pakuti vyo vyamwiko pamaso pa Mwene u Chala winyu.

Aba Hebeli 10:22

po zagha tupalamile kwa Chala nu moyo uwanaloli nu moyo uwa lwitiko, sona na moyo ghagho ghaswefiwe umabyebye umubibi, sona na mabili ghagho ghasukiwe na mizi amiza.

Yakobo 4:8

Palamila kwa Chala, po wepe akwiza pakupalamila kukwinyu. Ozya inyobe zyinyu mwe bantu bambibi mwee! Suka amoyo ghinyu, amwe mwe amoyo ghinyu ghali mumwanyamwanya bulo!

Yoshwa 23:7

Mutakangalilaye poka ninko zizyo zyasyala pakasi papinyu. Mutakaghatambulaye amatabwa agha bachala babo, pamo ukulapila mumatabwa agha bachala banaba. Mutakababombelaye, pamo ukumwiputa.

Yoshwa 24:14

“Polelo mumunyile u Mwene nukumubombela mubwanaloli bwinyu bosi. Mwefyemo abachala abanji babo abanyenya binyu bakabiputagha mulubazu lwalusoko ulwa Yufuleti na mu Ijiputi, po mumubombelaye u Mwene.

Yoshwa 24:15

Nanti mutakulonda pakumubombela u Mwene, po ilelo musalepo yuyo mukwiza pakumubombelagha manyi abachala aba abanyenya binyu, babo bakabachindikagha mulubazu lwalusoko, pamo abachala aba ba Amoli, muchisu chicho mukwikalamo. Loli ane na bamunyumba yane tukwiza pakumubombela u Mwene.”

Yoshwa 24:2

U Yoshwa akababuzya abantu bosi akati, “U Mwene u Chala uwa ba Izilayeli akuti, ‘Kale abanyenya binyu poka nu Tela uwise uwa Abulahamu nu Naholi, bakikalagha kwisila ilya lusoko ulwa Yufuleti nukubiputa abachala abanji.

Yoshwa 24:20

Nanti mwamukana u Mwene nukubabombela abachala abanji, po wepe akwiza pakubakana nukubatumila intamyo, sona akwiza pakubazimizya, napapo kale akababombela ivyiza.”

Yoshwa 24:23

U Yoshwa akanena sona akati, “Losi ulu efya abachala abayeni babo bali pakasi papinyu, po mumupanje u Mwene u Chala uwa Izilayeli amoyo ghinyu ghosi.”

Yuda 1:23

loli mubapokaye abantu abanji pakubipula pamoto. Sona abantu abanji mubapelelaye ichisa, loli mubombaye nubogha, sona mughabengaye na menda ghabo bulo, ghagho ghanyaziwe ni mbibi zyabo.

Abalongi 10:16

Po bakabefya abachala abayeni bala pakasi papabo nukumubombela u Mwene. U Mwene akaba ni chitima naba Izilayeli pachifukwa icha mayimba ghabo.

Luti 1:15

U Nabomi akati, “Ennya, uwamwinyu abwela kukwabo, sona na kwa chala wache. Po bwelagha poka nawe.”

1 Samuweli 16:5

U Samuweli akabamula akati, “Eee, kwa mutende. Niza pakubika ichakwiyipa kwa Mwene. Mwipaghule mwebene, tubukaye poka pakubika ichakwiyipa.” Po u Samuweli akamupaghula u Yese, poka na bana bache abalumendo, sona akabitizya ukuti babuke poka nawe pakubika ichakwiyipa.

1 Samuweli 7:3

U Samuweli akababuzya aba Izilayeli bosi akati, “Nanti mukulonda pakunyokela kwa Mwene nu moyo winyu ghosi, mubefye abachala abayeni, ni vifwani ivya Ashitoleti. Mumubombelaye u Mwene nu moyo winyu ghosi, po akwiza pakubapoka munyobe izya ba Filisiti.”