Ubwandilo 35:1 - IBAYIBOLO 2024

¹ U Chala akamubuzya u Yakobo akati, “Nyamuka bukagha ku Beteli nukwikalana kulakula. Kulakula umuzengele ichighemo u Chala yuyo akakubonekela, bo ukumuchimbila umukulu wako u Esabu.”

Ubwandilo 35:1 Iomraidhean Croise

Ubwandilo 12:8

Pisinda pache akakwela kuchisu icha maghamba kubufumilo bwizuba ubwa Beteli nukuzenga ivisakasa vyache pakasi pa Beteli kubwinjililo bwizuba nu Ayi kubufumilo bwizuba. Kulakula akazenga sona ichighemo nukumwiputa u Mwene.

Ubwandilo 16:8

nukumulalusya u Hagala ukuti, “Wee Hagala, uwambombo uwa Salayi, nkimba wafuma kwiyi sona ukubuka kwiyi?” U Hagala akamula akati, “Nkumuchimbila u mwene wane u Salayi.”

Ubwandilo 22:14

U Abulahamu akabwita ubuzilo bula ukuti “U Mwene akupa.” Nilelo bulo abantu bakuti, “Pighamba ilya Mwene, yuyo akupa.”

Ubwandilo 29:1

U Yakobo akendelela nu bulendo bwache nukufika kuchisu icha bantu abakubufumilo bwizuba.

Ubwandilo 31:13

Ane ne Chala, nene nkakubonekela pa Beteli kuko ukimika ibwe pakuba chikumbusyo pakulipungulila amafuta gha syunguti, sona kuko ukalapa ichilapo ukuti ukwiza pakumbombela. Po losi ulu epamo muchisu ichi nukunyokela kuchisu chinyu.’ ”

Ubwandilo 31:3

Po u Mwene akamubuzya u Yakobo akati, “Nyokela kuchisu icha ghuso na bakamu bako, po nkwiza pakuba nawe.”

Ubwandilo 34:31

Loli bakamwamula bakati, “Tutangitikizya ukuti umuyemba witu abanje ngati po we malaya.”

Ubwandilo 35:15

Po u Yakobo akabwita ubuzilo bubo u Chala akanenagha nawe ukuti Beteli.

Ubwandilo 35:7

Kulakula akazenga ichighemo nukubwita ubuzilo bula ukuti Eli Beteli pachifukwa ichakuti bukaba buzilo bubo u Chala akivumbulila mwene kwa Yakobo, bo akumuchimbila umukulu wache.

Masalimo 46:1

U Chala we wapakuvwama pitu, sona we maka ghitu, yuyo iyanizye pakutwavwa pakabalilo akantamyo.

Masalimo 47:4

Akatusalila ichisu chinichi pakuba mpyana yitu, chicho chakwituvikizyamo icha Yakobo yuyo akamughana nkani.

Masalimo 91:15

Bo akunyitizya, ane nkwiza pakumwamula. Nkwiza pakuba nawe muntamyo zyache zyosi, nkwiza pakumupoka nukumuchindika.

Ukufuma 2:15

Bo u Falabo ivwa zinizi, akalondagha pakumughogha u Mozesi. Loli u Mozesi akachimbilila kuchisu icha Midiyani, kuko akikala papipi ni chiziba.

Hoseya 12:4

Akalwana nu wantumi nukumupota, akalila nukulaba ukuti amupelele ichisa. U Chala akakomana nawe pa Beteli po akanenezannya nawe palapala

Nahumu 1:15

Ennya, kumaghamba kula, inyayo izya muntu yuyo akwiza na mazyu amiza, yuyo akulumbilila umutende! Mwee bantu aba mu Yuda, banga nu lusekelo lwinyu, nukukwanilisya ivilapo vyinyu. Abantu ababibi batakwiza pakulwa namwe sona ubwite bakwiza pakuzimila zila.

Ukukumbusya Amalamulo 32:36

U Mwene akwiza pakubalonga abantu bache. Akwiza pakubapelela ichisa ababombi bache bo ennya ukuti amaka ghabo ghamala, sona nukuti atalipo nayumoyumo umuntu uwakusyala, manyi muzya, pamo musatuke.

1 Samuweli 10:3

Bo wadumusannya palapala, ukwiza pakufika pikwi ilya mupandapanda mu Taboli. Palapala ukwiza pakukomana na bantu batatu, weka anyamuye abana aba mbuzi batatu, yumo anyamuye ivibama vitatu, sona uyunji anyamuye inyambi iya ikwela inyizule nu vinyo, bakubuka ku Beteli pakumwiputa u Chala.