Ubwandilo 34:7 - IBAYIBOLO 2024

⁷ Pakabalilo kalakala abana aba Yakobo bakabwelako kuludimo kula. Bo abana bala bivwa zizyo zikabombiwa bakakalala nkani pachifukwa ichakuti u Shekemu akabomba ichintu ichamusamu nkani mu Izilayeli pakumulema pamaka umwana uwa Yakobo.

Ubwandilo 34:7 Iomraidhean Croise

Ubwandilo 20:9

U Abimeleki akamwitizya u Abulahamu nukumulalusya ukuti, “Nkimba watubombela choni? Nkimba nakunangila choni ukuti wize nu lufundo ulukulu ulu papane, sona na pabumwene bwane? Wabomba ivintu vivyo vitambaghiye pakumbonekele.

Ubwandilo 34:6

U Hamoli uwise uwa Shekemu akabuka kwa Yakobo ukuti banenezannye pafundo yiniyi.

Ubwandilo 34:8

Loli u Hamoli akamubuzya akati, “Umwana wane u Shekemu umoyo wache ghumughanite nkani umwana winyu umulindu. Nalamba mumwitikizye pakuba muchi wache.

Ubwandilo 46:7

na bana bache, abalumendo na bizukulu abalumendo, na bana bache abalindu na bizukulu bache abalindu.

2 Samuweli 13:21

Bo u mwene u Devedi ivwa zyosi zinizi, akakalala nkani.

Masalimo 93:5

Amalamulo ghako ghatakwanduliwa nalumolumo. Wee Mwene ubuzelu bwako bulaghilaye inyumba yako bwila na bwila.

Ivyili 7:7

Po pakasi pabantu abapunganu, pakasi pa balumendo, nkamwennyapo umulumendo yuyo ate na mahala.

Yelemiya 29:23

Pakuti babombite ivya bupunganu mu Izilayeli, balowa na bachi aba bapalamani babo, sona banenaye mwitabwa lyane ivyabumyasi vivyo intakababuzyapo ukuti banene. Ane inzimenye sona ne kaboni. Ane ne Mwene nanena.”

Aba Levi 4:13

“ ‘Nanti aba Izilayeli bosi bananga umwakusita kumanya nukubomba ivyamwiko pamaso pa Mwene, napapo umwakusita kumanya, kokuti bosi bapalaghula inongwa.

Aba Levi 4:2

“Ubabuzye aba Izilayeli uti, ‘Izi zyo zizyo babaghiye pakubombagha nanti umuntu ananga indaghilo izya Mwene umwakusita kumanya, pamo abomba ivyamwiko.

Aba Levi 4:27

“ ‘Nanti muntu bulo ananga umwakusita kumanya pakubomba ivyamwiko pamaso pa Mwene, kokuti umuntu yula apalaghula inongwa.

1 Aba Kolinti 10:8

Tutakabombaye ubwamalaya bubo abantu bamo bakabombagha, umwakuti pisiku lyoka abantu 23,000 bakafwa.

1 Aba Kolinti 6:18

Mubuleghuke ubwamalaya. Imbibi izinji zyosi zizyo umuntu akubomba zitakupalamasya umubili wache, loli nanti umuntu akubomba ubwamalaya akughunangila umubili wache.

Aba Efeso 5:3

Loli mumwinyu mutakabemo izya bwamalaya, pamo ubunyazu, pamo ubupafu, pakuti abantu abazelu aba Chala batangabomba ivintu vinivi.

Ukukumbusya Amalamulo 22:20

Loli nanti zizyo akunena umwanavuli yula zyanaloli, sona ubwakaboni butalipo ubwakusimikizya ukuti umukolo yula atakaba mulindu yuyo atamumenyemo nalumo umwanavuli,

Ukukumbusya Amalamulo 22:21

po bamusendele umulindu yula pamulyango uwa nyumba iya wise. Abanavuli aba mukaya kala bamughoghe na mabwe. Umulindu yunuyu abomba ichintu ichamusamu pakasi paba Izilayeli pakulowa, bo achili ali munyumba iya wise. Bunubu mukwiza pakwefya ububibi pakasi papinyu.

Ukukumbusya Amalamulo 23:17

Patakabepo nayumo umwanavuli pamo umukolo umu Izilayeli uwakuba we malaya mu Nyumba iya Chala.

Aba Kolosi 3:5

Polelo ghogha ivinyonywa vyosi ivya moyo ghinyu vivyo vikakatiye ivintu ivya muchisu ichapasi: Ubwamalaya nu bunyazu nu bubibi, sona nu bupafu. Pakuti ubupafu ko kwiputa ivifwani.

1 Timoti 5:13

Abene bangamanyila pakuba bakata, umwakuti bakwendakwenda kunyumba iyi na yila. Vite vyo vinivi vyene, loli bakumanyila sona ukuyeba, na balumannye pakunena ivintu vivyo vitababaghiliye pakunena.

Aba Hebeli 13:4

Isendwa yichindikiwanje na bantu bosi, umuchi nu mulume basubilanaye. Pakuti u Chala akwiza pakubalonga abamalaya na balowe.

Yakobo 3:10

Amazyu aghamapalo na mazyu aghanguno ghosi ghakufuma pa mulomo ghoka ghulaghula. Mwee bakamu bane, ichi chitakabombiwanje!

Yoshwa 7:15

Umuntu yuyo akwiza pakwaghiwa ni vintu vilavila, ochiwanje numoto, poka na vyosi vivyo ali navyo, pachifukwa ichakuti alusamula ulufingo ulwa Mwene, sona abomba ichintu ichakukozya isoni nkani mu Izilayeli.’ ”

1 Pitala 2:9

Loli amwe mwe luko ulupaghuliwa, abaputi aba bumwene, abantu abache na bache aba Chala. Akabasala ukuti mulumbilile imbombo izyakuswighisya izya Chala, yuyo akabefyamo muchisi nukubinjizya mu lukozyo lwache ulwakuswighisya nkani.

Abalongi 20:6

Nkaghusenda umuvimba wache nukughudumulannya muvigabamuvigaba. Po nkazitumila inko zyosi izya ba Izilayeli, pachifukwa ichakuti abantu banaba bakabomba ichintu ichamwiko, sona ni chamusamu mu Izilayeli.