Ubwandilo 34:27 - IBAYIBOLO 2024

²⁷ Abana abanji aba Yakobo bakabuka pabantu babo bakabaghogha bala nukunangannya akaya kosi pakutanizya ukulemiwa pamaka ukwa muyemba.

Ubwandilo 34:27 Iomraidhean Croise

Ubwandilo 34:2

Bo u Shekemu umwana uwa Hamoli umu Hivi, yuyo akaba we mwene uwa chigaba chilachila, amwennya, akumulema pamaka nukumusamula.

Ubwandilo 34:26

Bakamughogha u Hamoli poka nu mwana wache u Shekemu Po bakamwefyamo u Dina munyumba iya Shekemu po bakabuka.

Ubwandilo 34:28

Bakafyula ing'ozi ni mbuzi ni mpunda, na vyosi vivyo vikaba mukaya akakulu nkani kala, sona na vyosi ivya mumaghunda.

Ubwandilo 34:31

Loli bakamwamula bakati, “Tutangitikizya ukuti umuyemba witu abanje ngati po we malaya.”

Esitele 9:10

babo bakaba bana 10 aba Hamani, umwana uwa Hamedata, yuyo akaba mulwani uwa ba Yuda. Loli batakafyula ichintu nachimochimo.

Esitele 9:16

Pakabalilo kalakala aba Yuda babo bakasyala muvigaba vivyo u mwene akalamulagha, bope bakabungana poka ukuti bipoke bene kubalwani babo. Po bakabaghogha abantu 75,000 loli batakafyula ichintu nachimochimo.

Ukufuma 2:14

Umuntu yula akamula akati, “Nkimba wewenu akakubika pakuba mulaghili nu mulongi pakasi papitu? Nkimba ukulonda pakungogha ngati mumo ukamughoghela umu Ijiputi yula?” Po ubogha bukamulema nkani u Mozesi nukwinong'ona ukuti, “Abantu bazimenye zizyo nabomba.”

Ezekiyeli 39:10

Pakuti batakwiza pakubunganika inkwi ukufuma munkolongo pamo pakudumula mumusitu, pachifukwa ichakuti bakwiza pakubombezya ivilwilo pakuba nkwi. Sona bakwiza pakubafyula babo bakabafyulagha sona nukubazompola babo bakabazompolagha, u Mwene Uwamaka Ghosi anena.

Amosi 3:11

Polelo u Mwene Uwamaka Ghosi akuti, “Umulwani akwiza pakuchizyungulila ichisu nukughamongolannya amalinga ghinyu, akwiza pakubafyula ivintu vyosi mumalinga ghinyu.”

1 Timoti 6:10

Pakuti ukuzighana indalama yo mpenya iya mbibi izya kulekanalekana. Pachifukwa icha kuzighana indalama, abantu bamo baluleghuka ulwitiko lwabo, nukwivulazya mumoyo ghabo ni vyakubaba ivikulu nkani.

Yoshwa 7:1

Loli aba Izilayeli bamo batakaba basubiliwa pazizyo u Mwene akabalamula ukuti batakasendepo nachimochimo chicho chibaghiye pakunanganika. U Akani umwana uwa Kalimi umwizukulu uwa Zabidi, umwana uwa Zela, yuyo akaba waluko ulwa Yuda akibapo vimo ivintu vila. Po u Mwene akabakalalila nkani aba Izilayeli.

Yoshwa 7:13

“Nyamuka ubalamule abantu ukuti biswefye bene pakwiyanizizya zila nizya ndabi, pakuti u Mwene u Chala uwa ba Izilayeli ati, ‘Mwee ba Izilayeli, ivintu ivyamwiko vivyo nkabalamula ukuti muvinangannye, vichili vili pakasi papinyu. Amwe mutangalwa na balwani binyu nanti mutakuvyefyapo ivintu vinivi pakasi papinyu.

Yoshwa 7:21

Pavintu vivyo tukavifyula nkennya inkazo inyiza nkani iya ku Babiloni poka ni salabazya izya siliva 200, sona nu golide umung'wamu amakilogalamu 500. Nkavinyonywa nkani ivintu vinivi, umwakuti nkasendapo vimo nukuvikumbila pasi muchisakasa chane, sona pasi papo pali usiliva.”