Ubwandilo 33:3 - IBAYIBOLO 2024

³ Po u Yakobo umwene akalongolela kuntazi nukufughama akaseveni bo akumupalamila umukulu wache u Esabu.

Ubwandilo 33:3 Iomraidhean Croise

Ubwandilo 18:2

Akatalankannya nukubennya abanavuli batatu bimiliye. Bo abennya bulo akachimbila pakubalamuka. Akafughama

Ubwandilo 33:2

Akabalongolezya abalindu abambombo bache poka na bana babo, po akonka umuchi u Leya na bana bache, pisinda pache pakonka umuchi u Lakelo nu Yosefu.

Ubwandilo 42:6

Pakuti u Yosefu akaba mulaghili uwa chisu, akabaghulizizya abantu ivyakulya babo bakafumagha kuvyisu vyosi ivya muchisu ichapasi. Po bope abawamwabo aba Yosefu bakiza nukufughama pamaso papache.

Ubwandilo 43:26

Bo u Yosefu afika munyumba bakiza ni vyabupi munyumba vivyo bakaba navyo, po bakafughamila.

Ubwandilo 48:12

Po u Yosefu akabefyapo pavimpevu ivya Yakobo, nukumufughamilila.

Ivyili 6:3

po mwana wane, ubombaye ichi ukuti wipoke wemwene, pakuti wawila munyobe izya mupalamani wako: Buka lubilolubilo umulambilizye ukuti akusatule.

Umulumbilili 10:4

Nanti umulongozi akukalaliye, utakepayepo pabuzilo bwako ubwa mbombo. Pakuti ubololo bukumazya ukupuvya ukukulu nkani.

Luka 14:11

Pakuti umuntu wesi yuyo akwikwezya mwene akwiza pakwisiwa, sona umuntu wesi yuyo akwiyisya mwene akwiza pakukweziwa.”

Yohani 10:15

ukuyana bulo namumo Utata amanyiye, sona nane imumenye Utata, nkubutagha ubumi bwane pachifukwa icha ng'ozi zila.

Yohani 10:4

Bo azifumya zyosi kuzi, umwene akulongolela kuntazi, izyene ing'ozi zikumukonka mwisinda pakuti zilimenye izyu lyache.

1 Samuweli 2:5

Abantu babo kale bakikuta ilelo bakulaba ichakulya. Loli babo bakaba nizala, ilelo bakwikuta. Umukolo yuyo akaba mughumba, ilelo apapa abana seveni. Loli umukolo yuyo akapapa abana abinji, ilelo asyala bulo mwene.