Ubwandilo 33:11 - IBAYIBOLO 2024

¹¹ Nalamba pokela ivyabupi vivyo niza navyo, pakuti u Chala ampelela ichisa, sona ampa ivyakusobelwa vyane vyosi.” U Yakobo akamulambilizya nkani u Esabu, mupaka pabumalilo akatonta nukupokela.

Ubwandilo 33:11 Iomraidhean Croise

Ubwandilo 30:43

Pakubomba bunubu u Yakobo akaba muntu mukabi nkani. Akaba ni vitekwa ivyinji nkani, na bazya abanavuli na bakolo abinji nkani, ni ngamila, sona ni mpunda.

Ubwandilo 32:21

Po u Yakobo akalongolezya ivyabupi, loli umwenecho akaghona muchisakasa ubusiku bulabula.

Ubwandilo 33:10

U Yakobo wepe akamula pakulambilizya ukuti, “Awe, nanti wampelela ichisa, senda ivyabupi ivi. Nanti nkwennya icheni chako chikuba ngati po nkwennya icheni icha Chala pachifukwa ichakuti wampokela ni nyobe zibili.

Ubwandilo 33:12

Po u Esabu akati, “Zagha tubukaye, ane nkwiza pakulongolela.”

Ubwandilo 33:9

Loli u Esabu akati, “Wee muzuna wane, indi navyo ivyinji. Isungila vivyo uli navyo.”

2 Abamwene 2:17

Loli bakamufyenga mupaka u Elisha akabitikizya ukuti babukaye. Po abantu 50 bala bakabuka pakumulonda u Eliya amasiku matatu, loli batakamwagha.

2 Abamwene 5:23

U Naamani akamubuzya akati, “Senda isalabazya 6,000 izya siliva.” Akamulambilizya u Gehazi ukuti apokele nukuzipinyilila inyambi zibili izya salabazya izya siliva, poka na menda mabili. Bakabapa ababombi bache babili bala, po bakavinyamula nukulongolela pantazi pa Gehazi.

Luka 14:23

Po u mwene wache akamubuzya uwambombo yula akati, ‘Bukagha mumisebo na kuzila izya kaya aka wize na bantu pamaka, ukuti inyumba yane yizule.

1 Aba Kolinti 3:21

Polelo patakabepo umuntu uwakwituvya pavintu vivyo abantu bangabomba, pakuti ivintu vyosi vyinyu,

2 Aba Kolinti 6:10

Napapo bakutupela pakuba ni chitima bwila na bwila, loli tukuhoboka nkani. Napapo tuyanite bulo na bantu abapina, loli tukubapela abantu abinji pakuba bakabi. Napapo tuyanite bulo na bantu abapotwe, loli tuli navyo vyosi.

Aba Filipi 4:18

Naloli napokela vyosi, sona indi navyo ivyinji. Ilelo indi navyo vyosi ivyakusobelwa, pakuti u Epafulodito ampiye vivyo mukantumila. Viyanite bulo ni chakwiyipa ichamunusi umwiza, ghugho ghukumuhobosya nkani u Chala.

1 Timoti 4:8

Ukwizubizya umubili kukumwavwa umuntu panandi, loli pakuba nubumi ubwakumuchindika u Chala kukumwavwa nkani umuntu muvintu vyosi, pakuti bukutupa aswe ilayizyo ilya bumi ubwilelo nubwa muntazi.

Yoshwa 15:19

U Akisa akamwamula uwise akati, “Nalamba, natinji umpeko ichabupi, pachifukwa ichakuti umpiye ichisu ichumizu mu Negebu, po umpeko sona ni mbwibwi izya mizi.” Po Kalebu akamupako imbwibwi izya mizi. Akamupa imbwibwi izya kumitu nizya kuntende.

Abalongi 1:15

U Akisa akamwamula uwise akati, “Nalamba, natinji umpeko ichabupi, pachifukwa ichakuti umpiye ichisu ichumizu mu Negebu, po umpeko sona ni mbwibwi izya mizi.” Po Kalebu akamupako imbwibwi izya mizi. Akamupa imbwibwi izya kumitu nizya kuntende.

1 Samuweli 25:27

Po pokela ivyabupi vivyo ne wambombo wako niza navyo ukuti ubape abantu bako babo bali poka nawe.

1 Samuweli 30:26

Bo u Devedi afika mu Zikilagi, akabatumila abasongo aba ba Yuda, babo bakaba bamanyani bache ivintu vimo vivyo akavifyula nukuti, “Nabatumila ichabupi icha vintu vivyo tukabafyula abalwani aba Mwene.”