Ubwandilo 32:4 - IBAYIBOLO 2024

⁴ Akababuzya akati, “Mumubuzye umukulu wane u Esabu muti, ‘Ane ne mubombi wako u Yakobo. Nikalagha nu Labani, sona nikalagha nawe mupaka akabalilo aka.

Ubwandilo 32:4 Iomraidhean Croise

Ubwandilo 23:6

“Wee mwene, ivwa kuno awe we mwene uwamaka nkani pakasi papitu. Kamusyile mwipumpa ilyiza nkani mumapumpa ghitu ghagho wasala wemwenecho. Nayumo umuntu pakasi papitu yuyo angakwima ipumpa ilyakuti umusyile umuchi wako.”

Ubwandilo 25:30

Akamubuzya umuzuna wache u Yakobo akati, “Wee muzuna, izala yikumbaba, umpeko amalima amachesamu.” Ichi cho chifukwa bakamwita ukuti we Edomu.

Ubwandilo 27:29

Inko izya bantu zikubombelaye, sona abantu bakufughamililaye. Ubanje we mulaghili uwa bakamu bako bosi, sona abaluko ulwa nyoko bakufughamililaye. Abantu bosi babo bakukughuna, bope baghuniwanje, sona abantu bosi babo bakukusaya, bope basayiwanje.”

Ubwandilo 27:37

U Yisaki akamwamula u Esabu akati, “Namwimika pakuba we mwene wako, sona abakamu bache nabapela bambombo bache. Namupa ingano nu vinyo. Wee mwana wane, chitalipo nachimochimo chicho ningakubombela.”

Ubwandilo 31:41

Umu momumo nkikalila amaka ghosi 20, bo indi munyumba yako. Nkakubombela amaka 14 pachifukwa icha bana bako abalindu babili, nukukudimila ing'ozi ni mbuzi zyako amaka sikisi. Pope bulo ukandulannya amalipilo ghane aka teni.

Ubwandilo 32:18

Umwamule uti, ‘Vya mubombi wako u Yakobo. Amutumila u mwene wache u Esabu pakuba chabupi, sona u Yakobo umwenecho akwiza kwisinda.’ ”

Ubwandilo 32:5

Indi ni ng'ombe ni mpunda ni mbuzi ni ng'ozi na bazya abanavuli na bakolo. Wee mwene, ilelo nkutuma amazyu ukuti umpelele ichisa.’ ”

Ubwandilo 33:14

Wee mwene wane, nalamba longolela, po nkwiza pakukonka panandipanandi kwisinda ukwa vitekwa vyane na bana bane mupaka nkwaghe mu Seyili.”

Ubwandilo 33:8

U Esabu akalalusya akati, “Nkimba akabukatila aka vitekwa kako nakomana nako kachoni?” U Yakobo akamula akati, “Mwene wane, vila vyabupi ukuti tuchaghe ichisa pantazi papako.”

Ubwandilo 36:8

Po u Esabu akikala muchisu icha maghamba icha Edomu.

Ubwandilo 36:9

Aba bo abaluko ulwa Esabu umunyenya uwa bantu aba Edomu babo bakikala muchisu icha maghamba icha Edomu.

Ubwandilo 4:7

Nanti ukabombagha chicho chiza, nkimba ngali intakahoboka nawe? Loli pachifukwa ichakuti wabomba ichintu ichibibi, imbibi yinyonyotaye pamulyango ngati chinyamana ichikali. Yikulonda ukuti yikuleme, loli awe uyipotaye.”

1 Abamwene 20:32

Bakabuka kwa mwene uwa Izilayeli bo bavwalite amasaka mumisana yabo, sona bo bapinyite inkusa musingo zyabo nukuti, “Umubombi wako u Beni Hadadi ati, ‘Nalamba utakangoghe.’ ” Po u Ahabu akabalalusya akati, “Fwandi achili mumi? Pakuti mukamu wane.”

Ukufuma 32:22

U Aloni akamwamula akati, “Utakankalalilaye. Awe uzimenye bulo namumo abantu banaba bakwilaghila pakubomba imbibi.”

Ivyili 15:1

Ukwamulila mubufisalyoyo kukuzimya ubukali, loli ukwamula mwalwemwalwe kukunyamusya ubukali.

Ivyili 25:15

Ubufisalyoyo bo bubo bukumupota umulongozi, sona ululimi ulwa myee lungapyola ni fupa bulo.

Ivyili 6:3

po mwana wane, ubombaye ichi ukuti wipoke wemwene, pakuti wawila munyobe izya mupalamani wako: Buka lubilolubilo umulambilizye ukuti akusatule.

Umulumbilili 10:4

Nanti umulongozi akukalaliye, utakepayepo pabuzilo bwako ubwa mbombo. Pakuti ubololo bukumazya ukupuvya ukukulu nkani.

Yesaya 21:11

Agha gho mazyu aghabulaghuzi ghagho ghakunena nizya chisu icha Edomu: Weka akunyitizya muchisu icha Seyili akuti, “Wee mulindilili, nkimba ubusiku bwame bulibuli? Wee mulindilili, nkimba ubusiku bwame bulibuli?”

Luka 14:11

Pakuti umuntu wesi yuyo akwikwezya mwene akwiza pakwisiwa, sona umuntu wesi yuyo akwiyisya mwene akwiza pakukweziwa.”

1 Pitala 3:6

Umu momumo u Sala akabela, akamwivwila u Abulahamu nukumwitizya ukuti u mwene wache. Ilelo amwe mwe bana bache abalindu nanti mukubomba ingolosu, sona mutakunyila nachimochimo.

Abalongi 5:4

Wee Mwene, bo wepapo pighamba ilya Seyili, sona bo wiza muchisu icha Edomu, ichisu ichapasi chikaneng'ena, sona ivula yikatima. Eee, amabingu ghakasunguluka kumwanya nukupungulila amizi.

1 Samuweli 26:17

U Sabuli akalimanya izyu ilya Devedi, po akalalusya akati, “Nkimba awe te we Devedi, umwana wane?” U Devedi akamwamula akati, “Nene, mwene wane.”