Ubwandilo 32:31 - IBAYIBOLO 2024

³¹ Bo izuba lyafuma u Yakobo akepapo pa Penuweli. Po u Yakobo akagontagha pachifukwa icha chinama chache.

Ubwandilo 32:31 Iomraidhean Croise

Ubwandilo 16:13

Po u Hagala akamwita u Mwene yuyo akanena nawe ukuti, “Awe we Chala yuyo akwennya,” pakuti akati, “Ilelo namwennya yuyo akunyennya ane.”

Ubwandilo 19:15

Pandabindabi nkani bo kwacha, abantumi bala bakayezya nkani ukumwendelezya u Loti nukuti, “Lubilo, umusende umuchi wako na bana bako abalindu babili nukwepamo, umwakuti mupone bo u Chala ali pakukanangannya akaya akakulu nkani kanaka.”

Ubwandilo 19:23

Bo izuba lyafuma u Loti akaba ukuti afika kale mu Zowala.

Ubwandilo 32:25

Bo umuntu yula ennya ukuti atakumupota u Yakobo, akamukoma u Yakobo mumpingu iya mumusana, po ichinama chikavyughuka.

Ubwandilo 32:32

Ichi cho chifukwa nilelo bulo aba Izilayeli batakulya inyama iya mumpingu iya mumusana pachifukwa ichakuti bukaba buzilo bubo u Yakobo akakomiwapo.

1 Abamwene 12:25

U Yelobowamu akakazenga sona akaya akakulu nkani aka Shekemu muchisu icha maghamba icha Efulayimu nukwikala mulamula. Pisinda pache akabuka pakukazenga akaya akakulu nkani aka Penuweli.

1 Abamwene 18:26

Po bakasenda inkambaku yiyo bakayisala nukuyibola. Bakamwitizya u Baala ukwandila pandabindabi mupaka pamusanya ukuti abakozezye umoto. Bakatinji, “Wee Baala, twamule.” Loli atakabapo nayumoyumo uwakubamula, kukaba bulo myee. Bakimbagha umwakuzyungulila ichighemo chicho bakazenga.

Masalimo 38:17

Pakuti indi papipi pakuwa, inchili nkwivwa ububavu.

Ukufuma 24:10

nukumwennya u Chala uwa ba Izilayeli. Pasi panyayo zyache pakaba ichintu chimo ichakuboneka ngati musebo uwa mabwe agha safile, sona ichabuluu ngati ko kumwanya.

Ukufuma 24:11

Loli u Chala atakababombela nachimochimo ichintu ichibibi abalongozi aba ba Izilayeli. Bakamwennya u Chala, po bakalya nukung'wela.

Yesaya 6:5

Po nkati, “Chighune kukwane! Nkufwa pachifukwa ane ne muntu uwa milomo iminyazu, sona nkwikala pakasi pabantu babo imilomo yabo minyazyu. Po namaso aghane na ghane na mwennya u Mwene, u Mwene Uwamaka Ghosi.”

Malaki 4:2

Loli amwe mwe mukunchindika ane, izuba ilya bugholosu likwiza pakubafumila nukubapozya ukwa kulama kwache. Mukwiza pakunyelanyela umwakuhoboka ngati tungwata tuto batwabula muchibagha.

2 Aba Kolinti 12:7

Loli pakunyila ukuti ningitutumula pachifukwa icha buvumbuli ubukulu ubu, u Chala akabika umwivwa mu mubili wane pakuba wantumi uwa Satana ukuti ghunjivye nkani ukuti intakitutumulaye.

2 Aba Kolinti 12:9

Loli u Mwene akambuzya akati, “Ichisa chane chakuyana pakuti amaka ghane ghakuba ghakufikapo mumuntu umudedebazu.” Polelo muvintu vyosi nkwiza pakwituvya umwakuhoboka nizya budedebazu bwane, umwakuti amaka agha Kilisitu ghabanje papane.

Ukukumbusya Amalamulo 5:24

nukuti, “U Mwene u Chala witu akatulanjizya ubuchindamu nu bukulu bwache, sona tukivwa izyu lyache bo ali mumoto! Ilelo twennya ukuti umuntu angaba nubumi napapo u Chala anena nawe.

Ukukumbusya Amalamulo 5:26

Nkimba alipo umuntu yuyo akendelela pakuba nubumi, bo amwivwa u Chala umumi akunena mumoto?

Abalongi 6:22

Bo u Gidiyoni azyaghannya ukuti akaba wantumi uwa Mwene, akakolomoka akati, “Wee Mwene Uwamaka Ghosi! Namwennya uwantumi uwa Mwene namaso!”

Abalongi 6:23

Loli u Mwene akamubuzya akati, “Umutende ghubanje nawe! Utakanyilaye, utakwiza pakufwa.”

Abalongi 8:8

Bo epako kulakula u Gidiyoni akabuka ku Penuweli pakulaba ivibama vimo. Loli bakamwamula ngati mumo bakamwamulila abantu aba mu Sukoti.