Ubwandilo 32:30 - IBAYIBOLO 2024

³⁰ U Yakobo akati, “Namwennya u Chala pamaso na pamaso, loli pope bulo indi nubumi.” Po akabwita ubuzilo bula ukuti Penuweli.

Ubwandilo 32:30 Iomraidhean Croise

Ubwandilo 16:13

Po u Hagala akamwita u Mwene yuyo akanena nawe ukuti, “Awe we Chala yuyo akwennya,” pakuti akati, “Ilelo namwennya yuyo akunyennya ane.”

Ubwandilo 28:19

Ubuzilo bula akabwita ukuti Beteli, Pakwanda akaya kala kakitiziwanga ukuti Luzi.

Ubwandilo 35:9

U Chala akamubonekela sona u Yakobo, bo abwelako ku Mesopotamiya, po akamusaya.

1 Abamwene 12:25

U Yelobowamu akakazenga sona akaya akakulu nkani aka Shekemu muchisu icha maghamba icha Efulayimu nukwikala mulamula. Pisinda pache akabuka pakukazenga akaya akakulu nkani aka Penuweli.

Ukufuma 33:14

Po u Mwene akamula akati, “Ane nemwene nkwiza pakubuka nawe, sona nkwiza pakubapa umutende.”

Yesaya 6:5

Po nkati, “Chighune kukwane! Nkufwa pachifukwa ane ne muntu uwa milomo iminyazu, sona nkwikala pakasi pabantu babo imilomo yabo minyazyu. Po namaso aghane na ghane na mwennya u Mwene, u Mwene Uwamaka Ghosi.”

Yesaya 9:5

Isapato zyosi zizyo abalwabwite bakabombezya kubwite, sona amenda ghosi ghagho ghatonyeliwa nibanda, ghakwiza pakochiwa numoto ngati nkwi.

Ukubelengiwa 12:8

Ane nkunena nawe pamaso na pamaso. Nkunena nawe umwakwivwika sona ntakunena nawe muvyili, awe. Akwennya akabele aka Mwene, po nkimba choni chicho mukamususya umubombi wane u Mozesi?”

Yohani 1:18

Nayumo umuntu yuyo amubonyepo lumo u Chala, loli u Mwana mwene, yuyo we Chala, weyuyo amubonye, sona umughaniwa uwa Wise, weyuyo akatuvumbulila u Chala.

1 Aba Kolinti 13:12

Chicho ilelo tukwennya chiyanite bulo nu muzyezye pigalasi ilyakwenezyapo, loli pakabalilo kalakala tukwiza pakwenannya icheni ni cheni. Chicho inchimenye ilelo ukuti chite chakufikapo, chikwiza pakuba chakufikapo—ngati mumo u Chala amanyiye umwakufikapo.

2 Aba Kolinti 3:18

Polelo aswe twebosi, tukulanjizya ubuchindamu ubwa Mwene nivyeni vyitu vivyo vite ni chakuvwinka. Tukwanduliwa pakuba chifwani chache nu buchindamu ubwakonjelelakonjela, bubo bukufuma kwa Mwene, yuyo we Muzimu Umuzelu.

2 Aba Kolinti 4:6

Pakuti we Chala yuyo akati, “Ulukozyo lulamaye muchisi!” sona we Chala yunuyu yuyo akalamisya ulukozyo lwache mumoyo ghitu, ukuti abantu babumanye ubuchindamu ubwa Chala, bubo bukulama pacheni icha Kilisitu.

Aba Galatiya 1:6

Nkubaswigha nkani pakuti mwamuleka umwalubilolubilo bulo, yuyo akabitizya amwe ni chisa icha Kilisitu nukupindukila ku mazyu amiza aghanji bulo,

Aba Efeso 1:17

u Chala uwa Mwene witu u Yesu Kilisitu, sona nu Tata umuchindamu, ukuti abape umuzimu uwamahala nu wabuvumbuli ukuti mumumanye akiza.

Ukukumbusya Amalamulo 34:10

Ukwandila pakabalilo kalakala, atalipo nayumoyumo umulaghuzi uyunji mu Izilayeli uwakuyana nu Mozesi, yuyo u Mwene akanenagha nawe pamaso na pamaso.

Ukukumbusya Amalamulo 5:24

nukuti, “U Mwene u Chala witu akatulanjizya ubuchindamu nu bukulu bwache, sona tukivwa izyu lyache bo ali mumoto! Ilelo twennya ukuti umuntu angaba nubumi napapo u Chala anena nawe.

Aba Kolosi 1:15

U Kilisitu we chifwani icha Chala yuyo atakuboneka na maso, sona we katote yuyo ali pamwanya pavipeliwa vyosi.

2 Timoti 1:10

Loli ilelo chavumbuliwa kukwitu nukwiza ukwa Mupoki witu, u Kilisitu u Yesu. Amazizye amaka agha bufwe, sona ukwendela mu Mazyu Amiza avumbula pabuzelu ubumi bubo butangafwapo nalumolumo.

Aba Hebeli 11:27

Lukaba lwitiko lulo lukamupela u Mozesi ukwepamo mu Ijiputi ukusita ukunyila ubukali ubwa Mwene, pakuti akajimba nkani ngati muntu yuyo akamwennyanga u Chala umusita ukuboneka na maso.

Yoshwa 5:13

Bo u Yoshwa apalamila ku Yeliko, akinusya icheni chache nukumwennya umuntu yumo imite kuntazi kukwache, bo alemite upanga munyobe yache. Po u Yoshwa akabuka pakumulalusya ukuti, “Nkimba we mumanyani, pamo we mulwani?”

Abalongi 13:17

Po u Manowa akamulalusya uwantumi yula akati, “Nkimba itabwa lyako wewenu, umwakuti tungakuchindika nanti amazyu ghako ghakwanilisiwa?”

Abalongi 13:18

Uwantumi yula akamula akati, “Nkimba choni chicho ukundalusya itabwa lyane? Itabwa lyane utangalyivwisya.”

Abalongi 8:17

Akamongolannya sona ichitembe mu Penuweli nukubaghogha abantu bosi mukaya akakulu kalakala.

Abalongi 8:8

Bo epako kulakula u Gidiyoni akabuka ku Penuweli pakulaba ivibama vimo. Loli bakamwamula ngati mumo bakamwamulila abantu aba mu Sukoti.