Ubwandilo 32:29 - IBAYIBOLO 2024

²⁹ U Yakobo akamulalusya akati, “Nkimba po awe itabwa lyako wewenu.” Loli wepe umuntu yula akamulalusya u Yakobo akati, “Nkimba choni chicho ukulonda pakumanya itabwa lyane?” Po umuntu yula akamusaya.

Ubwandilo 32:29 Iomraidhean Croise

Ubwandilo 17:5

Itabwa lyako lite likabe sona we Abulamu, loli we Abulahamu, pakuti indi pakukupela pakuba munyenya uwa inko inyinji nkani.

Ubwandilo 35:10

Po u Chala akamubuzya akati, “Itabwa lyako we Yakobo, loli ukwanda ilelo ukwiza pakwitiziwanga we Izilayeli.” U Chala akamwita ukuti we Izilayeli.

Ubwandilo 35:9

U Chala akamubonekela sona u Yakobo, bo abwelako ku Mesopotamiya, po akamusaya.

1 Abamwene 18:31

U Eliya akasenda amabwe 12 ukuyana nuluko, ghagho ghali namatabwa agha bana aba Yakobo, yuyo u Mwene akamubuzya ukuti, “Itabwa lyako likwiza pakuba we Izilayeli.”

2 Abamwene 17:34

Bachili bakubomba bunubu mupaka nilelo bulo. Batakamwiputagha u Mwene, pamo ukuzikonka indaghilo zyache, na malamulo ghagho akabalamula abaluko ulwa Yakobo, yuyo akamwita ukuti we Izilayeli.

1 Imbili 1:34

U Abulahamu akapapa: U Yisaki. U Yisaki akapapa: U Esabu nu Yakobo.

Yobu 11:7

Nkimba ungivwisya ivyakubusyefu ivya Chala? Nkimba ungayimanya impaka iya mahala agha Wamaka ghosi?

Ivyili 30:4

Nkimba wewenu yuyo akweliteko kumwanya nukwikako sona, sona yuyo ayivumbatiyepo impepo munyobe zyache? Nkimba wewenu yuyo aghanyembeteleyepo amizi mumwenda wache? Fwandi wewenu yuyo akabika impaka pachisu ichapasi, sona itabwa lyache wewenu sona itabwa ilya mwana wache wewenu? Mbuzya nanti uzimenye!

Yesaya 9:6

Pakuti u mwana atupapiliwa aswe, u mwana umwanavuli apeghiwa kukwitu, weyuyo akwiza pakulaghila. Akwiza pakwitiziwa ukuti mumanyisya amahala uwakuswighisya, u Chala Uwamaka Ghosi, U tata uwa bwila na bwila, u Mwene uwa mutende.

Hoseya 6:1

Abantu bakuti, “Zagha tunyokele kwa Mwene. Napapo atuzepulannya mutuvigaba, loli akwiza pakutupozya. Napapo atuvulazya, loli akwiza pakutupinya ivilonda.

Ukubelengiwa 20:14

Bo bali pa Kadeshi, u Mozesi akatuma intumi kwa mwene uwa chisu icha Edomu na mazyu aghakuti, “Abakamu bako aba Izilayeli bakuti, uzimenye intamyo zyosi zizyo twakomanite nazyo.

Luka 1:19

Uwantumi yula akamula akati, “Ane ne Gabiliyeli, umubombi uwa Chala, yuyo akantuma pakunena nawe nukukubuzya Amazyu Amiza ghanagha.

Ukukumbusya Amalamulo 29:29

Vilipo ivyakubusyefu vimo vivyo u Mwene u Chala witu atatuvumbuliye, loli atuvumbuliye aswe na bana bitu amalamulo ghache, umwakuti tughakonkaye amalamulo ghanagha bwila na bwila.