Ubwandilo 32:13 - IBAYIBOLO 2024

¹³ Bo aghona kulakula ubusiku bula, u Yakobo akamusabulila umukulu wache u Esabu ivintu ivi pakuba chabupi:

Ubwandilo 32:13 Iomraidhean Croise

Ubwandilo 13:16

Nkwiza pakukupa abaluko abinji nkani umwakuti atalipo nayumoyumo yuyo angababelenga. Nanti umuntu angabelenga ulufumbi ulwa muchisu ichapasi, kokuti angababelenga abaluko lwako.

Ubwandilo 15:5

U Mwene akamusendela kuzi nukumubuzya ukuti, “Inusya amaso ghako kumwanya, yezya pakubelenga intondwa, nanti naloli ungazibelenga. Abaluko lwako bakwiza pakuba binji nkani ngati zyo ntondwa.”

Ubwandilo 18:2

Akatalankannya nukubennya abanavuli batatu bimiliye. Bo abennya bulo akachimbila pakubalamuka. Akafughama

Ubwandilo 22:17

Naloliloli nkwiza pakukusaya nkani, sona nkwiza pakubapela abaluko lwako pakuba binji nkani ngati zyo ntondwa, sona ngati musesenga uwa mulubazu ulwa nyanja. Abaluko lwako bakwiza pakubapota abalwani babo bosi.

Ubwandilo 32:14

Imbuzi inkolo 200 na basabwe 20, ing'ozi inkolo 200 na badubi 20,

Ubwandilo 33:10

U Yakobo wepe akamula pakulambilizya ukuti, “Awe, nanti wampelela ichisa, senda ivyabupi ivi. Nanti nkwennya icheni chako chikuba ngati po nkwennya icheni icha Chala pachifukwa ichakuti wampokela ni nyobe zibili.

Ubwandilo 33:8

U Esabu akalalusya akati, “Nkimba akabukatila aka vitekwa kako nakomana nako kachoni?” U Yakobo akamula akati, “Mwene wane, vila vyabupi ukuti tuchaghe ichisa pantazi papako.”

Ubwandilo 42:6

Pakuti u Yosefu akaba mulaghili uwa chisu, akabaghulizizya abantu ivyakulya babo bakafumagha kuvyisu vyosi ivya muchisu ichapasi. Po bope abawamwabo aba Yosefu bakiza nukufughama pamaso papache.

Ubwandilo 43:11

Po uwise u Yakobo akababuzya akati, “Nanti zingaba bunubu, mubombe ichi: Mumusendele umuntu yula ivikomwa ivyiza nkani ivya muchisu chitu ichi mumasaka ghinyu pakuba chabupi: Amafuta aghakupakazya nu buchi panandi, amafuta aghakununkila aghakulekanalekana nu mila ni mbalala, sona ni seke izya muposya.

Ubwandilo 43:26

Bo u Yosefu afika munyumba bakiza ni vyabupi munyumba vivyo bakaba navyo, po bakafughamila.

Nehemiya 4:13

Po nkababika abantu bamo kwisinda kuntende ukwa lupaso pabuzilo ubwakubonekela. Nkababika ukuyana ni nyumba zyabo sona bakaba na bapanga ni mpalala nubwele.

Ivyili 17:8

Amabeko ghali ngati mulembo walusako ku yuyo akupa ukwinong'ona ukuti ivintu vikumwendelagha akiza kosi kuko akubuka.

Ivyili 18:16

Ichabupi icha muntu chikumwighulila imilyango, sona chikumufisya pamaso pabantu abakwivwika.

Ivyili 19:6

Abinji bakulonda pakuba bamanyani aba muntu umumanyikwe, sona umuntu wesi akulonda pakuba mumanyani uwa muntu umupi.

Ivyili 21:14

Ichabupi ichakubusyefu chikubwisya ubukali, sona amabeko aghakubusyefu ghakuzimyanga ubukali.

1 Samuweli 25:27

Po pokela ivyabupi vivyo ne wambombo wako niza navyo ukuti ubape abantu bako babo bali poka nawe.

1 Samuweli 25:8

Ubalalusye abambombo bako, po bakwiza pakubabuzya. Ilelo twiza kulusekelo, po ubapokele ni chisa abantu bane. Nalamba ubape abambombo bane, sona nane bulo ne mumanyani wako u Devedi ivintu vyosi vivyo ungaba navyo.’ ”