Ubwandilo 32:10 - IBAYIBOLO 2024

¹⁰ Ane ntabaghiye napo panandi ukuti undanjizye ichisa nu busubiliwa bwako kune mubombi wako. Bo nkuloboka ulusoko ulwa Yolodani, ntakaba nako nakamokamo, loli indisa yene. Ilelo nanyokela nu tubukatila tubili utu.

Ubwandilo 32:10 Iomraidhean Croise

Ubwandilo 18:27

U Abulahamu akanena sona akati, “Mwene, nalamba unhobokele pakunena nawe mubujivu bunubu, ane ne muntu bulo pamaso papako.

Ubwandilo 24:12

Po akiputa akati, “Wee Mwene, u Chala uwa mwene wane u Abulahamu, nkukulaba ukuti ivintu vinyendele akiza ilelo, nukubomba zizyo ukamulayizya u mwene wane.

Ubwandilo 24:27

Akati, “Apaliwanje u Mwene, u Chala uwa mwene wane u Abulahamu, yuyo akusunga umwakusubiliwa zizyo akamulayizya u mwene wane. U Mwene andongolela ane kunyumba iya bakamu abamwene wane.”

Ubwandilo 28:13

Po u Mwene akimilila mulubazu lwache nukuti, “Ane ne Mwene u Chala uwa Abulahamu, sona nuwa Yisaki. Nkwiza pakukupa awe na baluko bako pachisu chicho ughonitepo.

Ubwandilo 28:15

Nkwiza pakuba nawe nukukusungilila kosi kuko ukubuka, sona nkwiza pakukunyosezya kuchisu chinichi. Ntakwiza pakukuleka nalumolumo mupaka papo nakubombela zyosi zizyo nkakulayizya.”

Ubwandilo 30:43

Pakubomba bunubu u Yakobo akaba muntu mukabi nkani. Akaba ni vitekwa ivyinji nkani, na bazya abanavuli na bakolo abinji nkani, ni ngamila, sona ni mpunda.

Ubwandilo 31:3

Po u Mwene akamubuzya u Yakobo akati, “Nyokela kuchisu icha ghuso na bakamu bako, po nkwiza pakuba nawe.”

Ubwandilo 32:5

Indi ni ng'ombe ni mpunda ni mbuzi ni ng'ozi na bazya abanavuli na bakolo. Wee mwene, ilelo nkutuma amazyu ukuti umpelele ichisa.’ ”

Ubwandilo 32:7

Bo u Yakobo ivwa zinizi, akanyila nkani nukupasya. Akabagabannya abantu babo akaba nabo mutubukatila tubili nukubomba bunubu ni ng'ozi ni mbuzi ni ng'ombe sona ni ngamila zyache.

2 Samuweli 17:24

U Devedi akabuka ku Mahanayimu, wepe u Abisalomu akaloboka ulusoko ulwa Yolodani, poka naba Izilayeli bosi.

2 Samuweli 7:18

U mwene u Devedi akinjila muchisakasa nukwikala pamaso pa Mwene, po akiputa akati, “Wee Mwene Uwamaka Ghosi, nkimba ane ne wenu, sona abamunyumba yane bo bawenu, ukuti unfisye mupaka po indi pano ilelo?

Yobu 17:9

Pope bulo, abagholosu bakwenda muzila zyabo, po yuyo musita chifukwa akukula wamaka.

Yobu 8:7

Napapo pakwanda ukaba ni vintu ivinandi nkani, loli pabumalilo ukwiza pakuba navyo ivyinji nkani.

Masalimo 16:2

Nkamubuzya u Mwene nkati, “Awe we Mwene wane sona ivyiza vyosi vivyo indi navyo wewe ukumpa.”

Masalimo 18:35

Ukunvighilila ni ngulu yako iya bupoki, inyobe yako indilo yanyavwanga, ubwavwilizi bwako bwankwezya.

Masalimo 61:7

Wee Chala, umwitikizyanje ukuti ikalaye pachitengo chache icha bumwene pamaso papako bwila na bwila. Ulughano lwako, sona nu busubiliwa bwako vimuvighililaye.

Masalimo 8:5

Ukamupela pakuba munandi nkani ukuchila u Chala, po ukamuvwika impumpu iya buchindamu nu muchizi.

Masalimo 84:7

Amaka ghabo ghakukulilakulila, po bakwiza pakuboneka pamaso pa Chala mu Ziyoni.

Masalimo 85:10

Ulughano nu busubiliwa vikomanaye, ubugholosu nu mutende vilamunkanaye nu lughano ulwenecho.

Ivyili 4:18

Izila iya bagholosu yili ngati ko kubuche, kuko kukulama nkani mupaka izuba lyafika pamutu.

Yesaya 6:5

Po nkati, “Chighune kukwane! Nkufwa pachifukwa ane ne muntu uwa milomo iminyazu, sona nkwikala pakasi pabantu babo imilomo yabo minyazyu. Po namaso aghane na ghane na mwennya u Mwene, u Mwene Uwamaka Ghosi.”

Yesaya 63:7

Nkwiza pakuchinenagha ichisa icha Mwene, nkwiza pakumupala pambombo zizyo abomba, ukuyana nazizyo atubombela, ivintu ivyinji ivyiza, ababombela aba Izilayeli, ukuyana ni chililizi chache, sona ni chisa chache ichikulu.

Mika 7:20

Ukwiza pakuba musubiliwa kwa Yakobo, nukuba wachisa kwa Abulahamu, ngati mumo ukalapila ichilapo na banyenya bitu mumasiku aghakale.

Luka 17:10

Chiyanite bulo namwe, nanti mwabomba vyosi vivyo mubuziwe munenaye ukuti, ‘Aswe twe bambombo twe tutabaghiye, twabomba bulo zizyo twabaghiye pakubomba.’ ”

Luka 5:8

Bo u Simoni Pitala ennya vivyo vikabombiwa, akafughama pamaso pa Yesu nukuti, “Wee Mwene, epako kukwane! Ane ne muntu wambibi!”

2 Aba Kolinti 12:11

Nipela nemwene pakuba ne mupunganu, loli amwe mwemwe mumpelite pakuba bunubu. Amwe mwemwe mubaghiye pakunsimikizya ane pakuti ane intakaba ne munandi uwabumalilo pa batumiwa abapamwanya nkani aba, napapo ne wabulo.

Ukukumbusya Amalamulo 8:18

Loli mukumbukaye ukuti we Mwene u Chala winyu yuyo akubapa amaka aghakuti mubanje nu bukabi. Akabomba bunubu pachifukwa ichakuti atakalondagha pakulunangannya ulufingo lwache, lulo akalapa kubanyenya binyu ukuyana namumo vibeleye nilelo.

1 Pitala 5:5

Umwakuyana bulo, namwe mwe balumendo, mubivwilaye abantu abasongo. Mwebosi mubanje nu moyo uwakwiyisya bo mukubombelana mwebenebene pakuti Amasimbo ghakuti, “U chala akubasusya abantu abamituvyo, loli akubalanjizya ichisa abantu abakwiyisya.”