Ubwandilo 31:53 - IBAYIBOLO 2024

⁵³ U Chala uwa Abulahamu nu Chala uwa Naholi, alonge pakasi papitu.” Po u Yakobo akalapa mwitabwa ilya Chala, yuyo uwise u Yisaki akamunyilagha.

Ubwandilo 31:53 Iomraidhean Croise

Ubwandilo 11:31

U Tela akamusenda umwana wache u Abulamu nu Loti umwizukulu wache, yuyo akaba mwana uwa Halani. Akamusenda sona u Salayi umulasagha wache yuyo akaba muchi uwa Abulamu nukufumamo mukaya akakulu nkani aka Uli, muchisu icha Babiloni. Bakabuka ku Kenani muchisu icha Halani nukwikala kulakula.

Ubwandilo 14:22

U Abulamu akamwamula akati, “Nkulapa pamaso pa Mwene u Chala Uwakumwanya Nkani, Umupeli uwakumwanya ni chisu ichapasi,

Ubwandilo 16:5

U Salayi akilumbusya kwa Abulamu akati, “Ukunanga kosi ukwa Hagala kunuku ukwakuti ansamulaye pachifukwa icha wewe. Ane nkakupa uwambombo wane yunuyu pakuba muchi wako, po ukwandila akabalilo kako akamelela ulwanda, akunsamula ko kunsamula. U Mwene witu weyuyo alonge ukuti wewenu ananga pakasi papako nane.”

Ubwandilo 17:7

Ulufingo lwane ulwa bwila na bwila lukwiza pakwikala pakasi papako nane, sona napa baluko lwako ni nkulilo zyosi izya muntazi. Nkwiza pakuba ne Chala wako, sona nu Chala uwa baluko lwako.

Ubwandilo 28:13

Po u Mwene akimilila mulubazu lwache nukuti, “Ane ne Mwene u Chala uwa Abulahamu, sona nuwa Yisaki. Nkwiza pakukupa awe na baluko bako pachisu chicho ughonitepo.

Ubwandilo 31:42

Nanti u Chala uwa batata bane, u Chala uwa Abulahamu, nuwa Yisaki atakanyimilagha, ilelo ngali wambwezya nyobe zyene. Loli u Chala akennya intamyo zyane, sona ni mbombo izya nyobe zyane. Ichi cho chifukwa akakuchemela ubusiku bubo bwamalagha.”

Ubwandilo 31:52

Ivintu vyosi vibili vinivi: Ichibunga nibwe ili cho chikumbusyo papako nane. Ntakwiza pakunyela nalumo ichibunga ichi pakwiza kukwako pakukubombela ichintu ichibibi, sona nawe utakanyele nalumo ichibunga ichi pakwiza kukwane pakumbombela ichintu ichibibi.

Ubwandilo 47:31

U Yakobo akamubuzya Yosefu ukuti, “Lapa pamaso pa Chala ukuti ukwiza pakubomba.” Po u Yakobo akalapa nukumwiputa u Chala.

Ukufuma 3:6

Po akati, “Ane ne Chala uwa banyenya bako, u Chala uwa Abulahamu nu Chala uwa Yisaki sona nu Chala uwa Yakobo.” U Mozesi akavwinka icheni chache, pachifukwa ichakuti akanyilagha pakumwennya u Chala.

Ukufuma 5:21

Po bakababuzya bakati, “U Mwene ennya zizyo mwatubombela, po abafunde pakuti mwamupela u Falabo na makambala ghache pakuba balwani bitu. Amwe mwabapa upanga ukuti batughoghe.”

Ukukumbusya Amalamulo 6:13

Mumuchindikaye u Mwene u Chala winyu, mumubombelaye yuyo mwene. Bo mukulapa ichilapo mulapilaye mwitabwa lyache lyene.

Yoshwa 24:2

U Yoshwa akababuzya abantu bosi akati, “U Mwene u Chala uwa ba Izilayeli akuti, ‘Kale abanyenya binyu poka nu Tela uwise uwa Abulahamu nu Naholi, bakikalagha kwisila ilya lusoko ulwa Yufuleti nukubiputa abachala abanji.

Abalongi 11:27

Ane intabanangiyepo nalumolumo, loli amwe mukunangila pakulwa nane ubwite. U Mwene yuyo we Mulongi ilelo alongaye inongwa yiniyi pakasi paba Izilayeli naba Amoni.”

1 Samuweli 20:23

Polelo nizya lufingo lulo twafingana, u Mwene we kaboni pakasi papako nane uwa bwila na bwila.”

1 Samuweli 24:12

U Mwene alonge yuyo amunangila uwamwabo pakasi papako nane, sona akufunde pachifukwa icha vivyo wambombela, loli ane ntakwiza pakukubombela nachimochimo ichintu ichibibi.