Ubwandilo 31:32 - IBAYIBOLO 2024

³² Loli nanti wamwagha yumo yuyo ali nu twachala twako, akwiza pakughoghiwa. Pamaso pa bakamu bitu, ulondelezye ichintu chicho chako, nanti ungachagha usendecho.” U Yakobo atakamanyagha ukuti we Lakelo yuyo akiba utwachala tulatula.

Ubwandilo 31:32 Iomraidhean Croise

Ubwandilo 13:8

Po u Abulamu akamubuzya u Loti akati, “Awe nane twe banamuntu, polelo patakabe ivyongo pakasi papako nane, sona na pakasi pa badimi bako na badimi bane.

Ubwandilo 19:7

Akababuzya akati, “Mwee, bamanyani, mutakabombaye ichintu ichibibi chinichi.

Ubwandilo 30:33

Muntazi muno, bo ukwiza pakwennya amalipilo ghane, ukwiza pakuzyaghannya nanti nabomba zinizi mubusita busubiliwa. Nanti ukwiza pakuyagha imbuzi yiyo yite na mabalamabala pamo madoba, pamo ing'ozi yiyo yite nfitu, umanye bulo ukuti yo yabwiba.”

Ubwandilo 31:19

Bo u Labani abuka pakudumulila ameya agha ng'ozi zyache, bo achili ali kulakula u Lakelo akaghilapo ulusako nukwiba utwachala utwa munyumba iya wise.

Ubwandilo 31:23

U Labani akasenda abantu bache nukumukonka u Yakobo amasiku seveni mupaka bakamwagha muchisu icha maghamba icha Giliyadi.

Ubwandilo 31:30

Inzimenye ukuti ukachimbila pachifukwa ichakuti ukasamba nkani pakubwela kukaya kinyu. Po nkimba choni chicho ukiba utwachala utwa munyumba yane?”

Ubwandilo 31:31

U Yakobo akamwamula u Labani akati, “Nkanyilagha pachifukwa ichakuti nkinong'onagha ukuti ukwiza pakunfyula abana bako aba.

Ubwandilo 31:33

Po u Labani akinjila pakulondelezya muchisakasa icha Yakobo, nicha Leya, nivya bambombo abakolo babili, loli atakatwaghamo utwachala twache. Pisinda pache akinjila muchisakasa icha Lakelo.