Ubwandilo 31:30 - IBAYIBOLO 2024

³⁰ Inzimenye ukuti ukachimbila pachifukwa ichakuti ukasamba nkani pakubwela kukaya kinyu. Po nkimba choni chicho ukiba utwachala utwa munyumba yane?”

Ubwandilo 31:30 Iomraidhean Croise

Ubwandilo 31:19

Bo u Labani abuka pakudumulila ameya agha ng'ozi zyache, bo achili ali kulakula u Lakelo akaghilapo ulusako nukwiba utwachala utwa munyumba iya wise.

Ubwandilo 31:31

U Yakobo akamwamula u Labani akati, “Nkanyilagha pachifukwa ichakuti nkinong'onagha ukuti ukwiza pakunfyula abana bako aba.

Ubwandilo 35:2

Po u Yakobo akababuzya abamunyumba yache, sona na bosi babo bakaba nawe akati, “Tagha utwachala utuyeni tuto muli nato pakasi papinyu. Mwiswefye mwebene, sona muvwalaye amenda aghanji amiza.

2 Samuweli 5:21

Aba Filisiti bakavileka ivifwani vyabo kulakula, po u Devedi na bantu bache bakavisenda nukubwela navyo.

Ukufuma 12:12

“Ubusiku bunubu nkwiza pakudumusannya muchisu chosi icha Ijiputi, po nkwiza pakumughogha ukatote wesi umulumendo nu mwana wesi uwakwanda pakupapiwa uwa chinyamana. Nkwiza pakubafunda abachala abanji bosi aba muchisu icha Ijiputi. Ane ne Mwene.

Yesaya 37:19

Babasumbila abachala babo mumoto nukubanangannya, pakuti batakaba bo bachala, loli bakaba bo bachala abamakwi na bamabwe, babo bakapangiwa ni nyobe izya bantu.

Yelemiya 10:11

Mubabuzye ukuti, “Abachala aba batakapela ichisu icha kumwanya ni ichapasi, bakwiza pakuzimila pachisu chosi sona na kusi kuchisu.”

Yelemiya 43:12

Akwiza pakuyocha inyumba iya kwiputilamo abachala aba Ijiputi. Akwiza pakuzyocha inyumba zyabo izyakwiputilamo nukubasenda abachala babo pakuba bazya. Ngati mumo umudimi akwefesezya impanyi mumwenda wache, momumo akwiza pakumuswefesezya u Ijiputi sona akwiza pakwepamo mu Ijiputi mumutende.

Ezekiyeli 21:21

Pakuti u mwene uwamu Babiloni akwiza pakwimilila pamisebo mibili yiyo yilekanite, ukuti alabe amahala ku bachala abanji. Akwiza pakubomba amayele numusinda, nukubuzikizya kuvifwani vyache, sona akwiza pakwennya amatima agha vinyamana agha vyakwiyipa.

Ukubelengiwa 10:30

Loli u Hobabu akamula akati, “Awe, ntakubukako, loli nkunyokela kuchisu chane, kuko kuli abakamu bane.”

Ukubelengiwa 33:4

Pakabalilo kalakala aba Ijiputi bakaba pakusyila abana babo abakatote, babo u Mwene akabaghogha pakasi papabo, pakuti u Mwene akabatanizya abachala babo.

Yoshwa 24:2

U Yoshwa akababuzya abantu bosi akati, “U Mwene u Chala uwa ba Izilayeli akuti, ‘Kale abanyenya binyu poka nu Tela uwise uwa Abulahamu nu Naholi, bakikalagha kwisila ilya lusoko ulwa Yufuleti nukubiputa abachala abanji.

Abalongi 18:17

Abatendezi fayivi bala bakinjila munyumba nukusenda ichifwani ichakubiza nu efodi na bachala abanji, sona ni chifwani icha siliva, bo umuputi poka na bantu 600, babo bakaba ni vilwilo ivya bwite bimiliye pamulyango uwa lupaso.

Abalongi 18:24

U Mika akabamula akati, “Mwanyibila abachala bane, babo nkipangila nemwene, poka nu muputi wane nukubuka. Nkimba nasyalapo ni choni? Po mukundalusya bulibuli ukuti, ‘Nkimba choni chatamya?’ ”

Abalongi 6:31

Loli u Yowashi akabamula abantu abakalale, babo bakamuzyungulila akati, “Nkimba kokuti amwe mukumulongela u Baala? Fwandi mukulonda pakumupoka? Umuntu wesi yuyo akumwimila, aghoghiwanje pandabindabi! Nanti naloli u Baala we chala, iyimile mwene bo umuntu akumongolannya ichighemo chache.”