Ubwandilo 31:3 - IBAYIBOLO 2024

³ Po u Mwene akamubuzya u Yakobo akati, “Nyokela kuchisu icha ghuso na bakamu bako, po nkwiza pakuba nawe.”

Ubwandilo 31:3 Iomraidhean Croise

Ubwandilo 13:15

Nkwiza pakukupa awe na baluko lwako ichisu chosi chicho ukuchennya, po chikwiza pakuba chako ni chako bwila na bwila.

Ubwandilo 21:22

Pakabalilo kalakala u Abimeleki nu Fikolo usongo uwa basilikali akabuka kwa Abulahamu nukuti, “U Chala ali nawe muvyosi vivyo ukubomba.

Ubwandilo 26:24

Ubusiku bulabula u Mwene akamubonekela nukuti, “Ane ne Chala uwa ghuso u Abulahamu. Utakanyilaye pakuti indi nawe. Nkwiza pakukusaya, sona abaluko lwako bakwiza pakuba binji nkani pachifukwa icha layizyo lilyo nkamulayizya uwambombo wane u Abulahamu.”

Ubwandilo 28:13

Po u Mwene akimilila mulubazu lwache nukuti, “Ane ne Mwene u Chala uwa Abulahamu, sona nuwa Yisaki. Nkwiza pakukupa awe na baluko bako pachisu chicho ughonitepo.

Ubwandilo 28:15

Nkwiza pakuba nawe nukukusungilila kosi kuko ukubuka, sona nkwiza pakukunyosezya kuchisu chinichi. Ntakwiza pakukuleka nalumolumo mupaka papo nakubombela zyosi zizyo nkakulayizya.”

Ubwandilo 28:4

Akusaye awe poka na baluko lwako ukuyana namumo akamusayila u Abulahamu, umwakuti ufyule ichisu chicho ukwiza pakwikalaghamo pakuba we muyeni, ichisu chicho u Chala akamupa u Abulahamu.”

Ubwandilo 30:25

Bo u Lakelo apapa u Yosefu, u Yakobo akamulaba u Labani akati, “Unyitikizye ukuti inyokele kuchisu chitu.

Ubwandilo 31:13

Ane ne Chala, nene nkakubonekela pa Beteli kuko ukimika ibwe pakuba chikumbusyo pakulipungulila amafuta gha syunguti, sona kuko ukalapa ichilapo ukuti ukwiza pakumbombela. Po losi ulu epamo muchisu ichi nukunyokela kuchisu chinyu.’ ”

Ubwandilo 31:18

Po akavisokolela muntazi ivitekwa vyache vyosi, poka nu katundu wesi yuyo akakaba, bo akwikala mu Mesopotamiya nukubuka ku Kenani kuchisu icha wise u Yisaki.

Ubwandilo 31:2

U Yakobo akazyaghannya sona ukuti u Labani akamwennyanga ni lyiso ichesamu nukuchila pakwanda.

Ubwandilo 31:4

U Yakobo akabatumila amazyu abachi bache bala, u Lakelo nu Leya ukuti bakomane nawe kuko akadimagha ing'ozi ni mbuzi zyache.

Ubwandilo 32:10

Ane ntabaghiye napo panandi ukuti undanjizye ichisa nu busubiliwa bwako kune mubombi wako. Bo nkuloboka ulusoko ulwa Yolodani, ntakaba nako nakamokamo, loli indisa yene. Ilelo nanyokela nu tubukatila tubili utu.

Ubwandilo 32:5

Indi ni ng'ombe ni mpunda ni mbuzi ni ng'ozi na bazya abanavuli na bakolo. Wee mwene, ilelo nkutuma amazyu ukuti umpelele ichisa.’ ”

Ubwandilo 32:9

U Yakobo akiputa akati, “Wee Chala uwa munyenya wane u Abulahamu, sona nu Chala uwa wise u Yisaki, wee Mwene, ukambuzya ukati, ‘Nyokela kuchisu chako nicha bakamu bako nukundayizya ukuti ivintu vikwiza pakunyendela akiza.’

Ubwandilo 35:1

U Chala akamubuzya u Yakobo akati, “Nyamuka bukagha ku Beteli nukwikalana kulakula. Kulakula umuzengele ichighemo u Chala yuyo akakubonekela, bo ukumuchimbila umukulu wako u Esabu.”

Ubwandilo 35:3

Tukwiza pakwepamo muno nukubuka ku Beteli, kuko nkwiza pakumuzengela ichighemo u Chala, yuyo akanyavwa muntamyo zyane, sona yuyo akaba nane kosi kuko nkabukagha.”

Ubwandilo 50:24

Po u Yosefu akababuzya abawamwabo akati, “Indi papipi pakufwa; loli u Chala akwiza pa pakubasungilila nukubefyamo muchisu ichi ukubuka kuchisu chicho akamulayizya u Abulahamu nu Yisaki, sona nu Yakobo.”

Masalimo 46:1

U Chala we wapakuvwama pitu, sona we maka ghitu, yuyo iyanizye pakutwavwa pakabalilo akantamyo.

Masalimo 50:15

Munyitizyanje pakabalilo akantamyo, nkwiza pakubapoka po mukwiza pakunchindika.”

Masalimo 90:15

Utuhobosyanje ukuyana na masiku aminji ghagho watuyivizizya, ukuyana namaka aminji ghagho twakomana nintamyo.

Ukufuma 3:12

Po u Chala akamwamula akati, “Nkwiza pakuba nawe. Ichi cho chimanyilo ichakuti naloli nene nakutuma. Bo wabefyamo abantu bane mu Ijiputi, mukwiza pakunyiputa pighamba ili.”

Yesaya 41:10

Utakanyilaye, pakuti indi poka nawe, utakatetemaye pakuti ane ne Chala winyu. Nkwiza pakukupa amaka nukukwavwa, nkwiza pakukuvighilila ni nyobe yane indilo ingolosu.

Aba Hebeli 13:5

Amoyo ghinyu ghatakabanje ghakughana indalama, mwikutaye na vivyo muli navyo. U Chala akati, “Ntakwiza pakubaleka. Ntakwiza pakubataghapo nalumo.”