Ubwandilo 31:2 - IBAYIBOLO 2024

² U Yakobo akazyaghannya sona ukuti u Labani akamwennyanga ni lyiso ichesamu nukuchila pakwanda.

Ubwandilo 31:2 Iomraidhean Croise

Ubwandilo 30:27

Loli u Labani akamwamula akati, “Unyitikizye ukuti inene ivyakusingo. Ane nazimanya pachifukwa icha vimanyilo ukuti u Mwene ansaya pachifukwa icha wewe.

Ubwandilo 31:1

U Yakobo akivwa ukuti abana aba Labani bakuti, “U Yakobo afyula ivintu vyosi ivya tata witu, sona ubukabi bosi bubo ali nabo bwafuma kwa tata witu.”

Ubwandilo 31:3

Po u Mwene akamubuzya u Yakobo akati, “Nyokela kuchisu icha ghuso na bakamu bako, po nkwiza pakuba nawe.”

Ubwandilo 31:5

Po akababuzya akati, “Nazyaghannya ukuti ughuso akunyennya ni lyiso ichesamu. Loli u Chala uwise uwa tata wane akunyimila.

Ubwandilo 4:5

Loli u Mwene atakahoboka nu Kayini, po atakapokela ichakwiyipa chache. Pachifukwa chinichi u Kayini akakalala nkani nukusiluka icheni chache.

Ukufuma 4:10

U Mozesi akati, “Wee Mwene nalamba, utakantume ane. Ane te ne muneni umwiza ukwanda kale, pamo ukwandila pakabalilo kako ukanda pakunena nane ne mubombi wako. Ululumi lwane lung'wamite, sona ne muntu uwachilita.”

Daniyeli 3:19

U mwene yula akamukalalila nkani u Shadiliki nu Meshaki nu Abedinego, sona akakalala nkani ukuchila pakwanda pala. Po akalamula ukuti bapembe umoto uwa muvuno akaseveni ukuchilapo,

Ukukumbusya Amalamulo 19:4

Ulu lo lulaghilo ulwakunena nizya muntu yuyo amughogha uwamwabo, nukuchimbilila mulamula ukuti apone. Umuntu wesi yuyo amughogha uwamwabo umwakusita kumanya angachimbilila mulamula nukupona.

Ukukumbusya Amalamulo 28:54

Nayumoyumo umuntu pakasi papinyu, manyi muntu umumanyikwe manyi wamahala yuyo akwiza pakumupelela ichisa uwamwabo pamo umuchi wache yuyo umughanite pamo abana bache babo basyalapo,

1 Samuweli 19:7

Po u Yonatani akamwitizya u Devedi nukumubuzya zyosi zizyo akanenezannya nu wise. U Yonatani akiza nu Devedi pamaso pa Sabuli, po u Devedi akamubombela imbombo ngati po pakwanda pala.