Ubwandilo 31:1 - IBAYIBOLO 2024

¹ U Yakobo akivwa ukuti abana aba Labani bakuti, “U Yakobo afyula ivintu vyosi ivya tata witu, sona ubukabi bosi bubo ali nabo bwafuma kwa tata witu.”

Ubwandilo 31:1 Iomraidhean Croise

Ubwandilo 30:43

Pakubomba bunubu u Yakobo akaba muntu mukabi nkani. Akaba ni vitekwa ivyinji nkani, na bazya abanavuli na bakolo abinji nkani, ni ngamila, sona ni mpunda.

Ubwandilo 31:2

U Yakobo akazyaghannya sona ukuti u Labani akamwennyanga ni lyiso ichesamu nukuchila pakwanda.

Ubwandilo 31:43

Po u Labani akamwamula u Yakobo akati, “Abana abalindu aba, bana bane, abana babo, bane, poka ni ing'ozi ni mbuzi zyope zyane. Vyosi vivyo ukuvyennya vyane. Po nkimba ningababombela ichoni abana bane banaba, pamo abana babo?

Ubwandilo 45:13

Mumupangile utata nizya buchindamu bubo indi nabo muchisu icha Ijiputi ichi. Mumubuzye sona vyosi vivyo mwavyennya. Lubilolubilo kamusende utata nukwiza nawe kuno.”

Esitele 5:11

U Hamani akanda pakwituvya bo akubalingannya nizya bukabi bwache, na bana bache abalumendo abinji, na mosi mumo u mwene akamuchindikila, sona namumo u mwene akamukwezezya pachitengo icha muchizi ukubachila abalongozi na makambala ghosi.

Yobu 31:31

nanti abantu abamunyumba yane batanenitepo lumo ukuti, “Nkimba wewenu yuyo atikutitepo inyama iya Yobu?”

Masalimo 17:14

Wee Mwene na maka ghako, mpoka munyobe izya bantu banaba. Mpokagha munyobe izya bantu aba muchisu ichapasi, babo umuvwalo wabo ghuli mubumi bunubu. Ubafundaye ni vyakubaba vivyo ubasungiye. Abana babo babanje navyo ivyinji nkani, ukuti vibakwanaye abana babo.

Masalimo 57:4

Indi pakasi pa nkalamu, sona indambalaye pakasi pa vinyamana ivyakoghofya. Banaba bo bantu babo bali na mino ngati zyo mpalala nu tulasilo, sona zyope indimi zyabo zikwete nkani ngati bapanga.

Ivyili 14:30

Umoyo uwakufwasa ghukumupa umuntu ubumi ubwiza, loli akabini kakubozya amafupa.

Ivyili 27:4

Ubukali bukupela umoyo pakuba mupalapala, loli akabini ko kako kachilitepo.

Umulumbilili 4:4

Po nkazyaghannya ukuti imbombo zyosi inkafu sona ni mbombo izya bwafundi zikubombiwanga pachifukwa icha kabini kako umupalamani ali nako pa wamwabo. Vyope vinivi vite ni mbombo, sona ko kuyimba bulo.

Yesaya 5:14

Po ipumpa likwiza pakwighula imilo lyache, sona nukwasama nkani umulomo wache, likupokela abantu abapamwanya na bapasi, Abantu babo bakuzuma ichongo nababo bakusekela bakwiza pakuwilamo.

Yelemiya 9:23

U Mwene akuti, “Uwamahala atakituvyanje chifukwa icha mahala ghache pamo uwamaka atakituvyanje pachifukwa icha maka ghache, pamo umukabi atakituvyanje pachifukwa icha bukabi bwache.

Ezekiyeli 16:44

U Mwene akambuzya akati, “Mubuzye u Yelusalemu ukuti, ‘Umuntu wesi yuyo akunena ivyili akwiza pakunena ukuti, “Mumo abeleye unyina momumo wepe u mwana wache umulindu abeleye.”

Matayi 4:8

Pabumalilo u Satana akamusendela u Yesu pighamba itali nkani nukumulanjizya ubumwene bosi ubwa muchisu ichapasi nu buchindamu bwache.

1 Timoti 6:4

Umuntu wesi yuyo akumanyisya ivintu vinivi wamituvyo, sona atamenye nachimochimo. Umoyo wache mubine, akudalinkanadalinkana nizya mazyu, zizyo zikwiza na kabini, ni vyongo, ni ntuko, nukwinong'onelana ivibibi.

Titi 3:3

Pakuti naswe bulo akabalilo kamo tukaba bapunganu, abasita ukwivwila, sona na bakusobela. Tukaba bazya aba vinyonywa ivibibi, sona ni vintu vyosi ivyakulekanalekana ivyakuhobosya umubili. Tukalindagha mumbibi na mukabini. Abantu abanji bakatubenga, sona naswe bulo tukababenga.

1 Pitala 1:24

Amasimbo ghakuti, “Abantu bosi bali ngati lisote, sona ubuchindamu bwabo buli ngati bwezya ubwa muzi. Isote likufoka, sona ubwezya bukulaghala.