Ubwandilo 30:43 - IBAYIBOLO 2024

⁴³ Pakubomba bunubu u Yakobo akaba muntu mukabi nkani. Akaba ni vitekwa ivyinji nkani, na bazya abanavuli na bakolo abinji nkani, ni ngamila, sona ni mpunda.

Ubwandilo 30:43 Iomraidhean Croise

Ubwandilo 12:16

U Falabo akamusungilila akiza nkani u Abulamu pachifukwa icha Salayi. Akamupa ing'ozi, ni mbuzi, ni ng'ombe, ni mpunda, na bazya, sona ni ngamila.

Ubwandilo 13:2

U Abulamu akaba muntu umukabi nkani. Akaba ni ng'ozi, ni mbuzi ni ng'ombe nu siliva, sona nu golide.

Ubwandilo 24:35

U Mwene amusaya nkani u mwene wane, sona muntu umukabi nkani. Amupa ing'ozi ni ng'ombe nu siliva nu golide, na bambombo abanavuli na bakolo, ni ngamila, sona ni mpunda.

Ubwandilo 28:15

Nkwiza pakuba nawe nukukusungilila kosi kuko ukubuka, sona nkwiza pakukunyosezya kuchisu chinichi. Ntakwiza pakukuleka nalumolumo mupaka papo nakubombela zyosi zizyo nkakulayizya.”

Ubwandilo 30:30

Utunandi tuto ukaba nato bo intizite kuno, ilelo twanyamana umwakuchilapo, sona u Mwene akusaya pachifukwa icha nene. Loli ilelo ko kabalilo akakuti nane niyimile pa nemwene?”

Ubwandilo 30:42

Loli ing'ozi ni mbuzi zizyo zikaghanda, u Yakobo atakalambalika isamba. Po ivitekwa vyosi ivighande vikaba vya Labani, sona ivitekwa vyosi ivyine vikaba vya Yakobo.

Ubwandilo 31:1

U Yakobo akivwa ukuti abana aba Labani bakuti, “U Yakobo afyula ivintu vyosi ivya tata witu, sona ubukabi bosi bubo ali nabo bwafuma kwa tata witu.”

Ubwandilo 31:42

Nanti u Chala uwa batata bane, u Chala uwa Abulahamu, nuwa Yisaki atakanyimilagha, ilelo ngali wambwezya nyobe zyene. Loli u Chala akennya intamyo zyane, sona ni mbombo izya nyobe zyane. Ichi cho chifukwa akakuchemela ubusiku bubo bwamalagha.”

Ubwandilo 32:10

Ane ntabaghiye napo panandi ukuti undanjizye ichisa nu busubiliwa bwako kune mubombi wako. Bo nkuloboka ulusoko ulwa Yolodani, ntakaba nako nakamokamo, loli indisa yene. Ilelo nanyokela nu tubukatila tubili utu.

Ubwandilo 32:14

Imbuzi inkolo 200 na basabwe 20, ing'ozi inkolo 200 na badubi 20,

Ubwandilo 32:5

Indi ni ng'ombe ni mpunda ni mbuzi ni ng'ozi na bazya abanavuli na bakolo. Wee mwene, ilelo nkutuma amazyu ukuti umpelele ichisa.’ ”

Ubwandilo 33:11

Nalamba pokela ivyabupi vivyo niza navyo, pakuti u Chala ampelela ichisa, sona ampa ivyakusobelwa vyane vyosi.” U Yakobo akamulambilizya nkani u Esabu, mupaka pabumalilo akatonta nukupokela.

Ubwandilo 36:7

Akabomba bunubu pachifukwa ichakuti ubuzilo bubo bakikalagha nu Yakobo bukaba bunandi nkani pakuti bosi bakaba ni vitekwa ivyinji nkani. Po batakaba bakuti bangikala poka nu wamwabo yula.

Umulumbilili 2:7

Nkaghula abazya abanavuli na bakolo, sona nkaba na bazya abanji, babo bakapapiliwa munyumba yane. Nkaba sona ni midimo imyinji iya ng'ombe ni ng'ozi ukubachila abantu bosi babo bakabapo kale mu Yelusalemu.

Ezekiyeli 39:10

Pakuti batakwiza pakubunganika inkwi ukufuma munkolongo pamo pakudumula mumusitu, pachifukwa ichakuti bakwiza pakubombezya ivilwilo pakuba nkwi. Sona bakwiza pakubafyula babo bakabafyulagha sona nukubazompola babo bakabazompolagha, u Mwene Uwamaka Ghosi anena.

Luka 12:45

“Loli nanti uwambombo yula mubibi, akunena mwene ukuti, ‘U mwene wane akukaba nkani pakubwela.’ Po akwanda pakubakoma abambombo abanji, bosi abanavuli na bakolo bulo, sona akulya, akung'wela nukukolwa.