Ubwandilo 30:30 - IBAYIBOLO 2024

³⁰ Utunandi tuto ukaba nato bo intizite kuno, ilelo twanyamana umwakuchilapo, sona u Mwene akusaya pachifukwa icha nene. Loli ilelo ko kabalilo akakuti nane niyimile pa nemwene?”

Ubwandilo 30:30 Iomraidhean Croise

Ubwandilo 30:29

Po u Yakobo akamwamula akati, “Uzimenye namumo nachesezya, sona umenye namumo ivitekwa vyako vyanyamila, bo nkuvidima.

Ubwandilo 30:31

U Labani akamulalusya akati, “Nkimba ukulonda malipilo ghoni?” U Yakobo akamwamula akati, “Ntakulonda naghamoghamo amalipilo, loli nkwiza pakudima ing'ozi ni mbuzi zyako, nanti ungitikizya amasakizyo ghane.

Ubwandilo 30:43

Pakubomba bunubu u Yakobo akaba muntu mukabi nkani. Akaba ni vitekwa ivyinji nkani, na bazya abanavuli na bakolo abinji nkani, ni ngamila, sona ni mpunda.

Umulumbilili 3:6

Pali akabalilo akakulondela, na kabalilo akakutaghila. Pali akabalilo akakusungila na kabalilo akakusumbila.

2 Aba Kolinti 12:14

Ennya, aka kabutatu ukuti niyanizye pakubendela. Po ntakwiza pakubatamya pakuti chicho nkulonda, vite vintu vivyo muli navyo, awe, loli nkulonda amwe. Pakuti yite mbombo iya bana iyakubasungila abapapi babo ivyuma, awe, loli yo mbombo iya bapapi pakubasungila abana babo ivyuma.

Ukukumbusya Amalamulo 11:10

Pakuti ichisu chicho mukubuka pakwikalamo chitayanite ni chisu icha Ijiputi kuko mukikalaghako, awe. Kulakula mukabyalagha imbeyu zyinyu nukuzisembelela ngati mumo bantu bakusembelela mumakombe.

1 Timoti 5:8

Loli nanti umuntu wesi atakubavwa abakamu bache, nkaninkani abamunyumba yache, atagha ulwitiko lwache, sona we mubibi nkani nukuchila umuntu yuyo ate mwitiki.