Ubwandilo 30:27 - IBAYIBOLO 2024

²⁷ Loli u Labani akamwamula akati, “Unyitikizye ukuti inene ivyakusingo. Ane nazimanya pachifukwa icha vimanyilo ukuti u Mwene ansaya pachifukwa icha wewe.

Ubwandilo 30:27 Iomraidhean Croise

Ubwandilo 12:3

Nkwiza pakubasaya bosi babo bakukusaya. Loli bosi babo bakukughuna nane nkwiza pakubaghuna. Inko zyosi pachisu ichapasi nkwiza pakuzisaya ukwendela mumwako.”

Ubwandilo 18:3

nukuti, “Mwee bamwene bane, nanti chingabahobosya, mutakadumusannyanje bulo pakaya aka mubombi winyu. Ane nkwiza pakubabombela.

Ubwandilo 26:24

Ubusiku bulabula u Mwene akamubonekela nukuti, “Ane ne Chala uwa ghuso u Abulahamu. Utakanyilaye pakuti indi nawe. Nkwiza pakukusaya, sona abaluko lwako bakwiza pakuba binji nkani pachifukwa icha layizyo lilyo nkamulayizya uwambombo wane u Abulahamu.”

Ubwandilo 30:30

Utunandi tuto ukaba nato bo intizite kuno, ilelo twanyamana umwakuchilapo, sona u Mwene akusaya pachifukwa icha nene. Loli ilelo ko kabalilo akakuti nane niyimile pa nemwene?”

Ubwandilo 33:15

Po u Esabu akati, “Unyitikizye ukuti nkulekele abantu bane bamo.” Loli u Yakobo akamwamula akati, “Awe mwene wane, nkimba bangalondiwa ba choni? Chene chicho nalondagha ichakuti umpelele ichisa.”

Ubwandilo 34:11

Po wepe u Shekemu akamubuzya uwise uwa Dina na bayemba akati, “Munhobokele, nkwiza pakubapa chosi chicho mukulonda.

Ubwandilo 44:5

Nkimba choni chicho mwiba ulubako ulwa siliva ulwa mwene, lulo u mwene wane akung'welelamo, sona lulo akulaghulilamo? Mwabomba ichintu ichibibi nkani.’ ”

Ubwandilo 47:25

Po bakamula bakati, “Songo, ndagha wabomba. Tukwiza pakuba twe bazya ba Falabo, pachifukwa ichakuti ukaba muntu umwiza nkani kukwitu, sona wabupoka ubumi bwitu.”

2 Samuweli 6:11

Ibokosi ilya Lufingo ilya Mwene likikala na bamunyumba iya Obedi Edomu umu Giti yula amezi matatu, po u Mwene akamusaya u Obedi Edomu poka na bamunyumba yache bosi.

1 Abamwene 11:19

U Falabo akahoboka nkani nu Hadadi umwakuti akamupa umukoyi wache, u mwene umukolo u Tapenesi pakuba muchi wache.

Nehemiya 1:11

Wee Mwene ivwa ulwiputo lwane ne mubombi wako sona nulwa babombi bako, babo bakulichindika itabwa lyako. Itikizya ukuti ivintu vinyendelaye akiza ne mubombi wako pakumpelela ichisa pamaso pa mwene.” Pakabalilo kalakala nkaba ne wakumupa uvinyo u mwene.

Nehemiya 2:5

po nkamwamula nkati, “Wee mwene wane, nanti chingakuhobosya, sona nanti ungampelela ichisa ne mubombi wako, unyitikizye ukuti imbukaye kukaya akakulu nkani mu Yuda, kuko kuli amapumpa agha banyenya bane umwakuti nkazenge sona akaya akakulu nkani kala.”

Masalimo 1:3

Umuntu yunuyu ayanite bulo nikwi ilya mulubazu ulwalusoko, lilyo likwela ivikomwa pakabalilo kache, amani ghache ghatakufoka. Vyosi vivyo akubomba vikumwendela akiza.

Ukufuma 3:21

“Nkwiza pakubapela aba Ijiputi ukuti babachindikaye abantu bane, umwakuti bo bakubuka, batakabuke nyobe zyene.

Yesaya 6:13

Napapo ichigaba icha bantu 10 chingalekiwa muchisu, pope bulo chikwiza pakuba chisami. Ngati mumo ibanga nu mupandapanda ghakuleka ichisinko bo ghadumuliwa. Ichisinko chila yo mbeyu izelu muchisu.”

Yesaya 61:9

Abaluko lwabo bakwiza pakumanyikwa pakasi pa inko, sona abana babo pakasi pabantu. Bosi babo bakubennya bakwiza pakwitika, ukuti aba bo bantu babo u Mwene abasaya.”

Yesaya 65:8

Izi zyo zizyo u Mwene akunena akuti, “Ngati mumo u vinyo akwaghiwa, mukankose aka mampesya abantu bakuti, ‘Mutakamunangannye, pakuti muchili muli ubwiza mumo,’ po nkwiza pakubomba mubuzilo ubwa babombi bane, ntakwiza pakughanangannya ghosi.

Daniyeli 1:9

U Chala akamupa usongo uwa makambala yula u moyo uwakuti amupelele ichisa u Daniyeli.

Ukubelengiwa 11:11

U Mozesi akamulalusya u Mwene akati, “Nkimba choni chicho wampelela intamyo bunubu ne mubombi wako? Nkimba nakubombela chibibi choni ukuti unyamulisye ukatundu uwa bantu bosi banaba?

Ukubelengiwa 11:15

Nanti umu momumo ukwiza pakumbombela, po nalamba ungoghe bulo losi ulu, ukuti ntakendelele pakukomana nintamyo zinizi.”

Imbombo 7:10

nukumupoka muntamyo zyache zyosi. Bo u Yosefu aboneka pamaso pa Falabo, u mwene uwamu Ijiputi, u Chala akamupa inkalo inyiza na mahala. Po u mwene akamubika u Yosefu pakuba mulaghili uwamu Ijiputi, sona usongo uwa kunyumba iya bumwene.

Luti 2:13

U Luti akamula akati, “Wee mwene wane, naloli wampelela ichisa, sona wansangalusya nkani, napapo inte ne yumo uwa bambombo bako.”

1 Samuweli 16:22

Po u Sabuli akamutumila amazyu u Yese aghakuti, “Umwitikizye u Devedi ukuti ambombelaye, pakuti nahoboka nawe nkani.”