Ubwandilo 3:5 - IBAYIBOLO 2024

⁵ U Chala akanena bunubu pachifukwa ichakuti akumanya ukuti nanti mwalya ivikomwa vila, amaso ghinyu ghakwiza pakwighuka, sona mukwiza pakuba ngati we Chala, mukwiza pakumanya ichiza ni chibibi.”

Ubwandilo 3:5 Iomraidhean Croise

Ubwandilo 2:17

Loli utakalyanje ivikomwa ivya mwikwi ilyakumanyila ubwiza nu bubibi. Pakuti nanti walyamo bulo, naloli ukwiza pakufwa.”

Ubwandilo 2:9

U Mwene u Chala akamezya amakwi amiza aghakulekanalekana nukupa ivikomwa ivyiza. Pakasikasi pa mughunda ghulaghula pakaba ikwi ilyakupa ubumi, sona nikwi ilyakumanyila ubwiza nu bubibi.

Ubwandilo 3:10

U Adamu akamwamula akati, “Nkawivwa umuswato wako mumughunda. Nkanyila, po nkavwama pachifukwa ichakuti nkaba nkule.”

Ubwandilo 3:22

Po u Mwene u Chala akati, “Ilelo umuntu aba ngati sweswe, amanya ubwiza nu bubibi. Atakwitikiziwa pakulya ivikomwa ivya mwikwi ilyakupa ubumi nukuba nubumi bwila na bwila.”

Ubwandilo 3:7

Bo balya bulo, amaso ghabo ghakighuka, nukuzyaghannya ukuti bakaba nkule. Bakasona amani agha chikuyu nukuvwala.

1 Abamwene 22:6

Po u mwene uwa Izilayeli yula akabitizya abalaghuzi pipipipi 400 nukubalalusya ukuti, “Nkimba imbukaye ku Lamoti Giliyadi pakulwa ubwite, pamo awe?” Abalaghuzi bala bakamwamula bakati, “Bukagha, pakuti u Mwene akwiza pakukabika munyobe zyako.”

2 Imbili 32:15

Polelo mutakitikizye ukuti u Hezekiya abazimbulaye nukubasovya bunubu. Mutakamusubilaye pakuti atalipo nayumoyumo uchala uwa inko pamo ubumwene, yuyo abapokitepo abantu bache munyobe zyane, pamo munyobe izya banyenya bane. Po uchala winyu atangabomba nachimochimo ukuti abapoke munyobe zyane!”

Masalimo 12:4

Abantu banaba bakutinji, “Tukwiza pakupota ni ndimi zyitu, po nkimba wewenu angatupota na malomo ghitu?”

Ukufuma 20:7

“Utakalitambulaye pabulo itabwa ilya Mwene u Chala wako, pakuti ane ne Mwene nkwiza pakumufunda umuntu wesi yuyo akulitambula pabulo itabwa lyane.

Ukufuma 5:2

Po u Falabo akamula akati, “Nkimba u Mwene yunuyu wewenu? Nkimba choni chicho imwivwilaye pakubitikizya aba Izilayeli ukuti babukaye? Ntamumenye u Mwene yunuyu, po ntakwiza pakubitikizya aba Izilayeli ukuti babukaye.”

Yesaya 14:14

Nkwiza pakukwela pamwanya pamabingu, nukwipela nemwene pakuyana bulo nu Wakumwanya Nkani.’

Ezekiyeli 13:22

Pachifukwa icha bumyasi bwinyu mwabawisya amaka abantu bane abagholosu napapo ane intakulonda ukubapelela ichitima awe, loli mwabakazya ababibi ukuti batakazileke izila zyabo imbibi, po pakubomba bunubu bakubupoka ubumi bwabo.

Ezekiyeli 28:12

“Wee mwana uwa muntu, mwimbile u mwene uwa mukaya akakulu nkani aka Tile ulwimbo ulwa nkuto ukuti, ‘U Mwene Uwamaka Ghosi ati: Ukaba we chimanyilo icha bwiza ubwakufikapo, nu wamahala aminji sona nu wakuboneka akiza.

Ezekiyeli 28:2

“Wee mwana uwa muntu, mubuzye umulaghili uwa kaya akakulu nkani aka Tile ukuti, ‘U Mwene Uwamaka Ghosi akuti: Pachifukwa icha moyo wako uwakwikwezya wati, “Ane ne chala, nkwikala pachitengo icha chala pakasi panyanja.” Loli we muntu bulo, ute we chala, napapo ukwinong'ona ukuti, we wamahala ngati we chala.

Ezekiyeli 28:9

Nkimba ukwiza pakunena pamaso pababo bakukughogha ukuti, “Ane ne chala?” Awe we muntu bulo, tewe chala, bo uli munyobe izya babo bakukughogha.

Ezekiyeli 29:3

Umubuzye ukuti, ‘U Mwene Uwamaka Ghosi akuti: Nkukususya awe we Falabo, u mwene uwamu Ijiputi, awe we nyivwila inkulu, yiyo yikughona pakasi patusoko. Ukuti, “Ulusoko ulwa Nayilo lwane, nkipangila ne mwene.”

Daniyeli 4:30

akalalusya akati, “Nkimba kanaka te kaya akakulu nkani aka Babiloni, kako nkakazenga na maka aghane na ghane pakuba kaya aka bumwene sona nukuba kaya aka buchindamu ubukulu nkani?”

Daniyeli 6:7

Aswe twebosi poka twe balongozi na balaghili na makambala sona na balaghili twivwana ukuti ubike ululaghilo ulwakuti nanti umuntu yumo aghiwa akubiputa abachala abanji, pamo umuntu uyunji mumasiku 30 ghagho ghakwiza, ukwefyako awe wemwene asumbiwanje muchiliba icha nkalamu.

Matayi 6:23

Loli nanti amaso ghako mabibi, kokuti nu mubili wako ghope ghukwiza pakuba muchisi. Po nanti ulukozyo mumwako lwipela pakuba chisi, ichisi chila chikwiza pakuba chakoghofya nkani.

Imbombo 26:18

ukuti ubighule amaso, sona nukubefyamo muchisi ukuti bize mulukozyo, pakubefyako kumaka agha Satana ukuti bize kwa Chala, umwakuti imbibi zyabo zihobokeliwe, sona nukupokela ubuzilo pakasi pabantu, babo basaliwa pachifukwa icha lwitiko lwabo mumwane.’

2 Aba Kolinti 11:3

Indi nubogha ukuti inyinong'ono zyinyu zikwiza pakuzimbuliwa ukuyana namumo u Eva akazimbuliliwa nu buchevu ubwa njoka ukuti mutakabe bantu aba bwanaloli, sona nukwiyipa kwa Kilisitu.

2 Aba Kolinti 4:4

Abene batakusubila pakuti u Satana, u chala uwa muchisu ichapasi azikite amoyo ghabo ukuti batakalwennyanje ulukozyo ulwa buchindamu ubwa Mazyu Amiza agha Kilisitu, yuyo nkozya bulo iya Chala.

2 Aba Tesalonika 2:4

Akwiza pakususya nukwikwezya mwene pamwanya pa bachala bosi sona na pamwanya pa vintu vyosi vivyo abantu bakuvyiputa. Akwiza pakwinjila nukwikala mu Nyumba iya Chala nukwiyitizya mwene ukuti we Chala.

Ubuvumbuli 13:14

Chikabazimbula abantu bosi abakwikala muchisu ichapasi pakupela iviswigho vivyo chikitikiziwa ukuti chibombaye pamaso pa chinyamana ichakwanda chila. Ichinyamana chila chikababuzya abantu ukuti babize ichifwani ichakuchindikila ichinyamana chicho chikavulaziwa nupanga, loli pope bulo chikaba nubumi.

Ubuvumbuli 13:4

Abantu bosi bakayiputa inyivwila yila, pachifukwa ichakuti yikachipa ubulaghili bwache ichinyamana chila. Bakachiputa sona ichinyamana chila ukuti, “Wewenu yuyo ayanite ni chinyamana chinichi? Wewenu yuyo angalwana nacho?”

Abalongi 3:2

U Mwene akabomba bunubu ukuti abamanyisye inkalo abaluko ulwa Izilayeli, babo batakabumanyapo nalumo ubwite.