Ubwandilo 3:23 - IBAYIBOLO 2024

²³ U Mwene u Chala akamwefyamo mumughunda uwa Edeni nukumupela ukuti alimaye mwitope lilyo akamatiwako.

Ubwandilo 3:23 Iomraidhean Croise

Ubwandilo 2:5

pachisu ichapasi patakabapo nachimo ichibyalwa. Imbeyu zikaba zichili zitamelite, pakuti u Mwene u Chala akaba achili atatumite nayimo ivula, sona patakabapo nayumo umuntu uwakuti angalima ichisu chilachila.

Ubwandilo 2:7

Po u Mwene u Chala akasenda itope nukumata umuntu. Akamufutila umuyi uwakupa ubumi mumpuno zyache, po umuntu yula akaba nubumi.

Ubwandilo 2:8

U Mwene u Chala akalima umughunda uwa makwi mu Edeni kubufumilo bwizuba, po umuntu yuyo akamata nukumubika mulamula.

Ubwandilo 3:19

Ukwiza pakutwinkagha nkani mubumi bwako bosi ukuti uchaghe ichakulya, mupaka unyokele sona kwitope. Pakuti ukafumila kwitope, po ukwiza pakunyokela kwitope.”

Ubwandilo 3:22

Po u Mwene u Chala akati, “Ilelo umuntu aba ngati sweswe, amanya ubwiza nu bubibi. Atakwitikiziwa pakulya ivikomwa ivya mwikwi ilyakupa ubumi nukuba nubumi bwila na bwila.”

Ubwandilo 3:24

Bo amwefyamo u Adamu mumughunda ghula, u Chala akabika abakelubi kubufumilo bwizuba uwa mughunda ghula. Akabika sona upanga uwakwaka yuyo akazyungulila kosi na kosi pakwighalila izila ukuti nayumo umuntu atakapalamilaye kwikwi ilyakupa ubumi lila.

Ubwandilo 4:12

Nanti ukuyezya pakupesa imbeyu, itope litakwiza pakumezya nalumo imbeyu. Ukwiza pakuba muntu uwakwendakwenda bulo, sona nu musita kwikalana pachisu ichapasi.”

Ubwandilo 4:2

Pisinda pache akapapa sona umwana umulumendo yuyo akamwita ukuti we Abeli. U Abeli akaba mudimi, loli u Kayini akaba mulimi.

Ubwandilo 9:20

U Nowa akaba muntu mulimi, sona akaba wakwanda pakulima umughunda uwa mampesya.

Umulumbilili 5:9

Pakuti abantu bosi aba mukaya bakusenda inyinulo, nkaninkani u mwene weyuyo akukaba nkani ni nyinulo yilayila.