Ubwandilo 3:16 - IBAYIBOLO 2024

¹⁶ Po u Chala akamubuzya umukolo akati, “Nkwiza pakonjelezya intamyo pabung'wamu bwako, sona nu bubavu pakusayiwa umwana. Loli pope bulo ukwiza pakumunyonywa umulume wako, po akwiza pakukulamulila.”

Ubwandilo 3:16 Iomraidhean Croise

Ubwandilo 4:7

Nanti ukabombagha chicho chiza, nkimba ngali intakahoboka nawe? Loli pachifukwa ichakuti wabomba ichintu ichibibi, imbibi yinyonyotaye pamulyango ngati chinyamana ichikali. Yikulonda ukuti yikuleme, loli awe uyipotaye.”

1 Imbili 4:9

U Yabezi akaba muntu umuchindikiwa nkani ukubachila abawamwabo. Unyina akamwita ukuti we Yabezi, pachifukwa akati, “Nkivwa ububavu nkani bo nkusayiwa umwana yunuyu.”

Esitele 1:20

Nanti ululaghilo lulo wabika lwafumuziwa muchisu chako chosi, abakolo bosi bakwiza pakubachindika abalume manyi bakabi, manyi bapina.”

Masalimo 48:6

Bakatetema nkani sona bakivwa ububavu, ngati mukolo yuyo ali pakusayiwa umwana.

Yesaya 13:8

Ivyakoghofya nivyakubaba vikwiza pakubalema, bakwiza pakuba mububavu ngati, mukolo yuyo ali pakupapa. Bakwiza pakuswighanagha, ivyeni vyabo vikwiza pakuba ni soni.

Yesaya 21:3

Zizyo nkazyennya nukuzyivwa muchisetuka zikampelela ubogha nu bubavu, ububavu ngati ubwa mukolo yuyo ali pakusayiwa. Nkutantalila nazizyo nkwivwa, sona zizyo nkuzyennya zinkuvulungannya.

Yesaya 53:11

Bo ghachilapo amayimba ghache, akwiza pakwennya ulukozyo ulwa bumi nukwikutiziwa. Mubumanyi bwache umubombi wane umugholosu akwiza pakubanena abantu abinji ukuti bagholosu, po akwiza pakuzinyamula imbibi zyabo.

Yelemiya 13:21

Nkimba mukwiza pakunena choni, nanti u Mwene abimika abantu banaba pakuba balaghili binyu? Nkimba chitakwiza pakubababa, ngati mukolo yuyo akusayiwa?

Yelemiya 22:23

Amwe mwe mukwikala munyumba zizyo zizengiwe na makwi agha mwale aghakufuma ku Lebanoni, mukwiza pakulila ngati mukolo yuyo ali mububavu pakabalilo akakupapila.”

Yelemiya 4:31

Nkivwa ukulila ngati po kwa mukolo yuyo ali pakusayiwa, ukukoloma ukwa yuyo akupapa umwana ukatote. Ukulila ukwa bantu aba mu Ziyoni bo bali pakubulonda ubumi bwabo, bakugholosya inyobe zyabo bakuti, “Mwee nkuzilika! Ubumi bwane bwabikiwa munyobe izya baghoghi.”

Yelemiya 49:24

U Damasika mudedebazu, sona achimbila pachifukwa icha bogha, ububavu ni chitima vyamulema, ngati mukolo yuyo akusayiwa.

Yelemiya 6:24

Twivwa imbili yako, sona amaka ghamumalila. Ubogha bwamulema ngati bubavu ubwa mukolo yuyo akusayiwa.

Ukubelengiwa 30:13

Umulume ali na maka aghakusimikizya pamo aghakukanila ichilapo pamo ulufingo lula.

Yohani 16:21

Nanti umukolo ali papipi pakusayiwa, akulwika pakuti akabalilo kache akantamyo kakwana, loli nanti umwana apapiwa, akuluvya intamyo zyache zila pakuti akuhoboka nkani ukuti umwana apapiwa muchisu.

1 Aba Kolinti 11:3

Loli nkulonda mumanye ukuti u Kilisitu we mutu uwa mwanavuli wesi, umwanavuli wepe we mutu uwa mukolo, sona u Chala wepe we mutu uwa Kilisitu.

1 Aba Kolinti 14:34

abakolo babanje myee muvipanga. Pakuti batakwitikiziwa pakunena, loli babanje bakwivwila, ukuyana ni Ndaghilo izya Chiyuda.

1 Aba Kolinti 7:4

Pakuti umubili uwa mukolo ghute wache nu wache, loli wa mulume wache. Umwakuyana bulo, ghope umubili uwa mwanavuli ghute wache nu wache, loli wa muchi wache.

Aba Kolosi 3:18

Mwe bachi, mubivwilaye abalume binyu, pakuti zyo zizyo mubaghiye pakubomba pakuti mwe bantu aba Mwene.

1 Aba Tesalonika 5:3

Bo abantu bakunena ukuti, “Pali umutende, vyosi vili akiza bulo”, panapo ukumongoka kukwiza pakubawila lubilolubilo. Chikwiza pakubachenusya bulo ukuyana nu bubavu bubo umukolo akwivwa pakupapa, po bate bakalyeghe napo panandi.

1 Timoti 2:13

Pakuti u Adamu weyuyo akaba wakwanda pakupeliwa, po pakiza u Eva.

1 Timoti 2:15

Loli umukolo akwiza pakupokiwa ukwendela pakupapa abana nanti akwendelela pakuba nu lwitiko nu lughano nu moyo umuzelu, sona nu wakwichindika.

Titi 2:5

Ubamanyisyanje ukuti babanje bantu abakwilema, na bazelu, sona nukuba bakolo abakusungilila akiza inyumba zyabo, babo bololo, sona bakwivwila abalume, umwakuti nayumo umuntu atakaghasamule amazyu agha Chala.