Ubwandilo 3:15 - IBAYIBOLO 2024

¹⁵ Nkwiza pakubika ubulwani pakasi papako nu mukolo; pakasi pa bana bache na bana bako. Abana bache bakwiza pakutizannya umutu wako, sona nawe ukwiza pakuluma ichitende icha mwana wache.”

Ubwandilo 3:15 Iomraidhean Croise

Ubwandilo 49:17

U Dani akwiza pakuba ngati njoka mumusebo, ngati we chipili mulubazu ulwa zila, yiyo yikuluma kuchitende icha falasi, umwakuti yuyo akwelite papo awile umusana.

Masalimo 132:11

U Mwene akalapa kwa Devedi po atakwiza pakuchandula ichilapo chache akati, “Nkwiza pakumwikazya pachitengo icha bumwene weka uwa bana bako abalumendo.

Yesaya 53:12

Po nkwiza pakumupa ichigaba pakasi pabantu abapamwanya po akwiza pakugabana ivyakufyula na bantu abamaka, pakuti akatagha ubumi bwache nukubelengiwa poka na babomba imbibi. Akanyamula imbibi izya bantu abinji, sona akabiputila ababomba mbibi.

Yesaya 7:14

Polelo u Mwene umwenecho akwiza pakukupa ichimanyilo, umulindu yuyo atamumenye umwanavuli akwiza pakupapa umwana umulumendo, nukumwita ukuti Imaniweli.

Yelemiya 31:22

Nkimba mukwiza pakwendakwenda mupaka liyi, mwee bana bane basita busubiliwa? U Mwene akwiza pakupela ichintu ichipya pachisu ichapasi, umukolo weyuyo akumusungilila umwanavuli.”

Daniyeli 9:26

Bo ghachilapo amaka 7 aghatubalilo aka 62, umupakiwa yula akwiza pakughoghiwa sona atakwiza pakusenda ichintu nachimochimo. Umulongozi poka na basilikali ababwite bakwiza pakukanangannya akaya akakulu nkani kala poka nu Buzilo Ubuzelu. Ubumalilo bwache bukwiza pakuba ngati ko kwizula ukwa mizi. Ubwite bukwiza pakubangako mupaka bo bumalilo bwache. Vinivi u Chala aviyanizizye zila.

Amosi 9:3

Napapo bangavwama pamwanya pighamba ilya Kalimeli, nkwiza pakubalonda nukubalema. Napapo banganvwama pasi panyanja, nkwiza pakuyilamula injoka ukuti yibalume.

Mika 5:3

Polelo u Mwene akwiza pakubabika aba Izilayeli munyobe izya balwani, mupaka pakabalilo kako umukolo yuyo ali nulwanda asayiwe, sona abanji bosi abaluko lwache bakwiza pakunyokela nukwikala poka naba Izilayeli.

Matayi 1:23

“Umulindu yuyo atamumenye nalumo umwanavuli akwiza pakumela ulwanda nukupapa umwana umulumendo nukumwita ukuti we Imaniweli.” (Itabwa ili likung'anamula ukuti u Chala ali naswe).

Matayi 1:25

Loli atakakomanapo nawe nalumolumo mupaka papo akapapila umwana umulumendo. Po u Yosefu akamwita ukuti we Yesu.

Matayi 12:34

Amwe mwe bana aba njoka, munganena bulibuli ubwiza, bo mwe babibi? Pakuti umulomo ghukunena vivyo vyizuye mumoyo.

Matayi 13:38

umughunda cho chisu ichapasi, imbeyu inyiza bo bantu aba mu Bumwene, indezye bo bantu aba Mubibi yula;

Matayi 23:33

“Mwe njoka, abana aba chipili! Nkimba po mungapona bulibuli ukufundiwa mu Gehena?

Matayi 3:7

U Yohani akabennya aba Falisayi naba Sadukayi abinji bakwiza kukwache ukuti boziwe. Po akababuzya akati, “Amwe mwe bana aba njoka! Nkimba wewenu abasokite pakuluchimbila ulufundo ulwa Chala lulo lukwiza?

Maliko 16:18

Nanti balema injoka pamo bang'wela chimo chicho chikughogha, bate bakavulale. Bakwiza pakubika inyobe zyabo pa babine, po bakwiza pakupola.”

Luka 1:76

Wee mwana wane, ukwiza pakwitiziwa mulaghuzi uwa Chala Uwakumwanya Nkani. Ukwiza pakulongolela kuntazi ukwa Mwene pakumuyanizya umusebo wache.

Luka 10:19

Teghelezya, nabapa ubulaghili ubwakuti mungakanya injoka na bankonya nukupota amaka agha mulwani yula, po nachimochimo chicho chikwiza pakubavulazya.

Luka 22:53

Isiku ni siku nabanga namwe mu Nyumba iya Chala, loli mutakandema. Loli akabalilo aka chisi ko kabalilo kinyu akakubombela.”

Luka 24:27

Sona u Yesu akalingannya kukwabo zizyo zikaneniwa nizya yuyo mu Masimbo ghosi, ukwandila mu mabuku agha Mozesi mupaka na mumasimbo ghosi agha balaghuzi.

Yohani 8:44

Amwe mwe bana aba Satana, po mukulonda pakukonka ivinyonywa ivya ghuso. Ukwandila ko kubwandilo umwene akaba mughoghi, sona ate nalumolumo kulubazu ulwa bwanaloli pakuti ubwanaloli mumwache butalimo. Umwene pakunena ubumyasi, cho chakulya chache pakuti umwene we mumyasi, sona wemwenecho uwa bumyasi bosi.

Imbombo 13:10

nukuti, “We mwana uwa Satana! We mulwani uwa chintu chosi ichigholosu, sona wizuye nuluko losi ulwa bumyasi nu buzimbuli. Bwila na bwila ukuyezya ukwandula ubwanaloli ubwa Mwene pakuba bumyasi!

Aba Loma 16:20

Po u Chala umwenecho uwa mutende akwiza pakumusya u Satana ni nyayo zyinyu. Ichisa icha Mwene witu u Yesu Kilisitu chibanje namwe.

Aba Loma 3:13

Amamilo ghabo ghasamite ngati gho mapumpa, indimi zyabo zyizuye nu buzimbuli. Amazyu aghakoghofya ghagho ghakufuma mumalomo ghabo ghayanite bulo nubwanga ubwa bachipili.

Aba Galatiya 4:4

Loli bo akabalilo kakwana, u Chala akatuma u Mwana wache uwakupapiwa mu mukolo, sona yuyo akapapiwa pasi pa Ndaghilo izya Mozesi,

Aba Efeso 4:8

Amasimbo ghakuti, “Bo akukwela kumwanya, akasenda akabukatila aka bakayidi abinji nukukwela nabo, sona akabapa abantu ivyabupi.”

Aba Kolosi 2:15

Pachipinjika palapala u Kilisitu akabafyula ivilwilo abamwene na balaghili. Akabalema pakuba bakayidi nukubalongolela pamaso pabantu bosi ukulanjizya ubupoti bwache.

Aba Hebeli 2:18

Pakuti akayeliwa ukwendela mu mayimba ghache, kokuti angabavwa abantu babo bakuyeliwa.

Aba Hebeli 5:7

Mumasiku agha bumi bwache muchisu ichapasi, u Yesu akiputa nukulambilizya kwa Chala umwakukolomoka ukukulu nkani, sona na masozi pakumulilila yuyo angamupoka kubufwe. U Chala akamwivwa pachifukwa ichakwiyisya nukwiyipa kwache.

1 Yohani 3:10

Umu momumo Abana aba Chala na bana aba Satana balekaniye: Umuntu wesi yuyo atakubomba chicho chigholosu, pamo umuntu yuyo atamughanite umukamu wache, ate mwana uwa Chala.

1 Yohani 3:8

Umuntu wesi yuyo akwendelela pakubomba imbibi, mwana uwa Satana, pachifukwa ichakuti u Satana mubibi ukwandila ko kubwandilo. Pakuti u Mwana uwa Chala akiza umwakuti anangannye imbombo izya Satana yula.

1 Yohani 5:5

Nkimba wewenu angachipota ichisu ichapasi? Loli mwene umuntu yuyo akusubila ukuti u Yesu Mwana uwa Chala.

Ubuvumbuli 12:17

Inyivwila yikamukalalila umukolo yula, po yikabuka pakulwana na baluko lwache abanji bosi babo bakasyalako, babo bakukonka amalamulo agha Chala, sona basubiliwa aba bwanaloli bubo bukavumbuliwa nu Yesu.

Ubuvumbuli 13:7

Chikitikiziwa pakulwa ubwite na bantu aba Chala nukubapota. Chikapeghiwa ubulaghili pakubalaghila abantu bosi, na baluko losi, na bantu aba inko zyosi, sona na bantu abaneno zyosi.

Ubuvumbuli 2:10

Utakanyilaye amayimba ghagho uli papipi pakukomana nagho. Naloli nkubabuzya ukuti u Satana akwiza pakubayela pakubasumbila bamo mumwinyu mujele, sona mukwiza pakuvwimiwa amasiku teni. Mwendelele pakuba basubiliwa mupaka kubufwe, po nkwiza pakubapa impumpu iyabumi.

Ubuvumbuli 20:10

Po u Satana yuyo akabazimbulagha, akasumbiwa munyanja iya moto uwa sulufule, kuko ichinyamana nu mulaghuzi umumyasi yula bakasumbiwako kale. Bakwiza pakuyiviwa pamusanya na pabusiku bwila na bwila.