Ubwandilo 3:13 - IBAYIBOLO 2024

¹³ U Mwene u Chala akamulalusya umukolo yula akati, “Nkimba choni chicho ukabomba bunubu?” Umukolo yula akamula akati, “Injoka yo yiyo yikanzimbula, po nkalya.”

Ubwandilo 3:13 Iomraidhean Croise

Ubwandilo 12:18

Po u Falabo akamwitizya u Abulamu nukumulalusya ukuti, “Nkimba cho choni chicho wambombela? Nkimba choni chicho utakambuzya ukuti muchi wako?

Ubwandilo 44:15

U Yosefu akati, “Nkimba mwabomba chintu choni? Fwandi mutakazimanya ukuti umuntu ngati ane ningabombezya ubulaghuzi?”

2 Samuweli 3:24

Po u Yowabu akabuka kwa mwene nukumubuzya ukuti, “Wee mwene, nkimba wabomba choni? U Abinala izite kuno, po nkimba choni chicho wamwitikizya ukuti abukaye? Ilelo abukite!

1 Abamwene 13:18

Umulaghuzi umughosi yula akati, “Nane bulo ne mulaghuzi. Uwantumi uwa Mwene akambuzya akati, ‘Buka poka nawe kunyumba yako pakulya ivibama nukung'wela amizi.’ ” Loli umulaghuzi yula akatamantagha.

Aba Levi 12:5

Loli nanti umukolo yula asayiwa umwana umulindu, umukolo yulayula akuba munyazu abasabata babili, ukuyana namumo akubelagha munyazu pakabalilo aka kuchakumwezi. Po alindilile amasiku 66 umwakuti aswefiwe pachifukwa ichakutagha ibanda.

Yona 1:10

Po abendezya ubwato bala bakanyila nkani, bakamulalusya bakati, “Wabomba choni?” Bakanena bunubu pachifukwa ichakuti bakazimanya ukuti akamuchimbilagha u Mwene, pakuti akababuzya kale.

Yohani 18:35

U Pilati akamula akati, “Nkimba ukwinong'ona ukuti ane ne mu Yuda? Bakaba baluko lwako na baputi abasongo babo bakakubika kukwane. Nkimba unangite ichoni?”

Aba Loma 7:11

Pakuti imbibi yikalwagha ulusako, sona ukwendela mu malamulo, imbibi yikanzimbula nukungogha.

2 Aba Kolinti 11:3

Indi nubogha ukuti inyinong'ono zyinyu zikwiza pakuzimbuliwa ukuyana namumo u Eva akazimbuliliwa nu buchevu ubwa njoka ukuti mutakabe bantu aba bwanaloli, sona nukwiyipa kwa Kilisitu.

1 Timoti 2:14

Po atakaba we Adamu yuyo akazimbuliwa, loli akaba mukolo yuyo akazimbuliwa nukunanga indaghilo izya Chala.

1 Samuweli 13:11

U Samuweli akalalusya akati, “Nkimba wabomba choni?” U Sabuli akamula akati, “Bo nennya ukuti abantu bakuntoloka, nukuti utakiza pakabalilo kako kache, sona nukuti aba Filisiti bakabungana mu Mikimashi,

1 Samuweli 15:15

U Sabuli akamula akati, “Abasilikali bavisendite kuba Amaleki, sona basungiteko ing'ozi ni ng'ombe inyiza nkani ukuti zibanje chakwiyipa kwa Mwene u Chala wako, loli ivintu ivyinji vyosi twavinangannya.”