Ubwandilo 29:30 - IBAYIBOLO 2024

³⁰ Po u Yakobo akaghona nu Lakelo, sona akamughana nkani ukuchila nu Leya. Po akamubombela u Labani amaka aghanji seveni.

Ubwandilo 29:30 Iomraidhean Croise

Ubwandilo 29:17

U Leya akaba na maso amiza, loli u Lakelo akaba wakuboneka akiza nkani ukuchila abalindu bosi.

Ubwandilo 29:18

U Yakobo akamughana nkani u Lakelo, po akati, “Nkwiza pakukubombela amaka seveni nanti unganyitikizya pakumusenda u Lakelo.”

Ubwandilo 29:20

Po u Yakobo akamubombela amaka seveni pachifukwa icha Lakelo. Loli amaka seveni ghala ghakaboneka ngati masiku manandi nkani pachifukwa ichakuti akamughana nkani u Lakelo.

Ubwandilo 29:29

U Labani akamupa umwana wache u Lakelo, u Biliha uwambombo, yuyo pakwanda akaba muzya uwa Labani.

Ubwandilo 29:31

Bo u Mwene ennya ukuti u Yakobo atamughanite nkani u Leya, akighula impapo yache, loli u Lakelo akaba mughumba.

Ubwandilo 31:15

Utata witu akutusenda ngati po twe bayeni? Pakuti akatughulizya, sona aliye indalama zyosi zizyo akazyaghila papitu.

Ubwandilo 31:41

Umu momumo nkikalila amaka ghosi 20, bo indi munyumba yako. Nkakubombela amaka 14 pachifukwa icha bana bako abalindu babili, nukukudimila ing'ozi ni mbuzi zyako amaka sikisi. Pope bulo ukandulannya amalipilo ghane aka teni.

Ubwandilo 44:20

Po aswe tukakwamula ukuti, ‘Naloli tuli nu tata yuyo muntu mughosi, sona mubughosi bwache apapite umwana umulumendo umwana yuyo akapapiwa bo muntu mughosi kale. Uwamwabo uwa mulumendo uyu akafwa, po weyuyo mwene asyalite mumi pa bana bosi aba nyina sona uwise amughanite nkani.’

Ubwandilo 44:27

“Po utata witu akati, ‘Muzimenye ukuti umuchi wane akampapila abana babili.

Hoseya 12:12

U Yakobo akachimbilila kuchisu icha Alamu. U Izilayeli akabomba imbombo, ukuti asende umuchi wache, sona akadima ing'ozi ukuti imale umuchi wache.

Matayi 10:37

“Umuntu wesi yuyo amughanite nkani uwise pamo unyina ukunchila, atabaghiye pakuba mumanyili wane; umuntu wesi yuyo amughanite nkani umwana umulumendo pamo umulindu ukunchila, atabaghiye pakuba mumanyili wane.

Matayi 6:24

“Atalipo uwambombo yuyo angababombela imbombo abamwene babili pakabalilo koka. Pakuti angamughana weka nukumubenga uyunji, pamo angamwivwila weka nukumusula uyunji. Utangabombela vyosi vibili akabalilo koka, u Chala ni ndalama.

Luka 14:26

“Umuntu wesi yuyo akwiza kukwane atangaba mumanyili wane, pene papo nanti anganite nkani ukuchila uwise nu nyina, umuchi na bana bache, abawamwabo na bayemba bache, sona na yuyo mwene.

Yohani 12:25

Umuntu yuyo abughanite ubumi bwache, akwiza pakubutagha, sona yuyo abubengite ubumi bwache muchisu ichapasi, akwiza pakubusungilila, umwakuti abanje nubumi ubwa bwila na bwila.

Ukukumbusya Amalamulo 21:15

Buli nanti umuntu ali na bachi babili, sona nanti amughanite nkani weka ukumuchila uyunji. Nanti bosi babili bamupapila abana abalumendo, loli nanti umwana ukatote uwa muchi wache yuyo atamughanite,