Ubwandilo 29:25 - IBAYIBOLO 2024

²⁵ Pandabindabi, u Yakobo akazyaghannya ukuti umuchi wache yula akaba we Leya. Po u Yakobo akamulalusya u Labani akati, “Nkimba choni chicho wambombela zinizi? Nkachesya pachifukwa icha Lakelo. Nkimba choni chicho wanzimbula?”

Ubwandilo 29:25 Iomraidhean Croise

Ubwandilo 12:18

Po u Falabo akamwitizya u Abulamu nukumulalusya ukuti, “Nkimba cho choni chicho wambombela? Nkimba choni chicho utakambuzya ukuti muchi wako?

Ubwandilo 20:9

U Abimeleki akamwitizya u Abulahamu nukumulalusya ukuti, “Nkimba watubombela choni? Nkimba nakunangila choni ukuti wize nu lufundo ulukulu ulu papane, sona na pabumwene bwane? Wabomba ivintu vivyo vitambaghiye pakumbonekele.

Ubwandilo 26:10

U Abimeleki akamulalusya akati, “Nkimba choni chicho watubombela zinizi? Buli nanti weka uwa bantu bane akaghonagha nu muchi wako, nkimba ngali utatupiye inongwa?”

Ubwandilo 29:16

U Labani akaba na bana abalindu babili, usongo akaba we Leya, sona umunandi akaba we Lakelo.

Ubwandilo 29:24

U Labani akamupa umwana wache u Leya, u Zilipa uwambombo, yuyo pakwanda akaba muzya uwa Labani.

Ubwandilo 29:26

U Labani akamwamula akati, “Lute lwiho lwitu ukuti umwana umunandi asendiwe, bo usongo atasendizwe.

Ubwandilo 31:26

Po u Labani akamulalusya u Yakobo akati, “Nkimba choni chicho ukanzimbula, nukubasenda abana bane abakolo ngati po balemiwe pabwite?

Ubwandilo 31:7

Pope bulo anzimbula nukwandulannya amalipilo ghane aka teni, loli u Chala atakamwitikizya ukuti ambombele chimo ichibibi.

Ivyili 11:31

Umuntu umugholosu akupokelagha umuvwalo pachisu ichapasi, loli umuntu umubibi akupokelagha ulufundo.

Matayi 7:12

“Mubabombelaye abantu abanji vivyo amwe mukulonda ukuti bababombelaye. Ichi cho chicho Indaghilo izya Mozesi nu bumanyisi ubwa balaghuzi vikumanyisya.

Matayi 7:2

Pakuti mumo mukubalongela abantu abanji, momumo u Chala akwiza pakubalongela. Ichipimilo chicho mukubombezya pabantu abanji, cho chicho u Chala akwiza pakubombezya papinyu.

Yohani 21:17

U Yesu akanena akabutatu akati, “Simoni umwana uwa Yohani, nkimba unganite?” U Pitala akaba ni chitima pachifukwa ichakuti u Yesu akamulalusya akabutatu akati, “Nkimba unganite?” Po u Pitala akati, “Mwene, awe uzimenye zyosi. Uzimenye ukuti ane nkughanite.” U Yesu akamubuzya akati, “Lyesya ing'ozi zyane.

1 Aba Kolinti 3:13

imbombo izya muntu wesi zikwiza pakubonekela bulo pabuzelu, bo isiku ilya Kilisitu likwiza pakuzilanjizya pabuzelu. Pakuti pisiku lilalila umoto ghukwiza pakuzivumbula imbombo izya muntu wesi. Po umoto ghulaghula ghukwiza pakuziyela imbombo izya muntu wesi.

Ubuvumbuli 3:19

Nkumuchemela nukumufunda umuntu wesi yuyo imughanite. Polelo lamusya, upinduke nukuzileka imbibi zyako.

Abalongi 1:7

Po u Adonibezeki akati, “Abamwene 70 babo bakadumuliwa abachisumwe aba munyobe naba munyayo bulo bakasebagha utubululusya pasi pitebulo lyane. Ilelo u Chala antanizya pa zizyo nkababombela abantu balabala.” Bakamusenda nukubuka nawe ku Yelusalemu, po akafwila kulakula.

Luti 4:11

Po abasongo na bantu bosi babo bakaba pamulyango pala bakati, “Naloli twe bakaboni. U Mwene amusaye umukolo yuyo akwiza munyumba yako abe ngati we Lakelo nu Leya, abakolo babo bakamupapila u Yakobo abana abinji. Umuntu umusita kusobelwa ichintu nachimochimo mu Efulati, sona ubanje muntu umumanyikwe nkani mu Betelehemu.

1 Samuweli 28:12

Bo umukolo yula amwennya u Samuweli, akakolomoka nkani akati, “Nkimba choni chicho wanzimbula bunubu? Awe we mwene u Sabuli!”