Ubwandilo 28:5 - IBAYIBOLO 2024

⁵ U Yisaki akamutuma u Yakobo kwa Labani umwana uwa Betuweli umu Alamu, umuyemba uwa Labeka kuchisu icha Mesopotamiya yuyo akaba we nyina uwa Esabu nu Yakobo.

Ubwandilo 28:5 Iomraidhean Croise

Ubwandilo 22:23

U Betuweli akaba we wise uwa Labeka. U Milika akamupapila abana bosi eyiti banaba u Naholi, umuzuna uwa Abulahamu.

Ubwandilo 24:54

Uwambombo yula poka na bantu babo akaba nabo bakalya nukung'wela nukughona kulakula ubusiku bula. Bo balamusya pandabindabi akati, “Munyitikizye ukuti inyokele kwa mwene wane.”

Ubwandilo 25:20

Bo u Yisaki ali na maka 40, akumusenda u Labeka, umwana uwa Betuweli, uwamu Alamu muchisu icha Mesopotamiya, sona yuyo akaba muyemba uwa Labani.

Ubwandilo 27:43

Wee mwana wane, losi ulu bomba zizyo nkukubuzya. Nyamuka nukuchimbilila kwa Labani umuyemba wane kukaya aka Halani.

Ubwandilo 28:2

Loli bukagha kuchisu icha Mesopotamiya, kukaya aka ghusokulu u Betuweli. Kulakula umusende weka uwa bana abalindu aba Labani, unalume wako.

Ubwandilo 29:1

U Yakobo akendelela nu bulendo bwache nukufika kuchisu icha bantu abakubufumilo bwizuba.

Ubwandilo 29:12

Akamubuzya u Lakelo akati, “Ane ne muvyala wako, ne mwana uwa Labeka.” Po u Lakelo akachimbila pakumupangila uwise.

Ubwandilo 31:24

Loli ubusiku bulabula u Chala akamubonekela muchilota u Labani umu Alamu nukumusoka ukuti, “Uchebaye nkani ukuti utakamubombele u Yakobo ichintu chimo ichibibi.”

Ubwandilo 35:27

U Yakobo akabuka kwa wise u Yisaki ku Mamule, papipi nu Kiliyati Aliba (kokuti Hebuloni), kuko u Abulahamu nu Yisaki bakikalagha kale

Ezekiyeli 27:16

“ ‘Ichisu icha Siliya chikaghulizannyanga nawe pachifukwa icha bwinji ubwa katundu wako. Chikaghulizannyanga nawe amabwe aghamutengo agha emeladi na menda amachesamile na menda aghakulabiwa na menda amatonte na mabwe amakafu nkani aghamutengo.

Hoseya 12:12

U Yakobo akachimbilila kuchisu icha Alamu. U Izilayeli akabomba imbombo, ukuti asende umuchi wache, sona akadima ing'ozi ukuti imale umuchi wache.

Ukukumbusya Amalamulo 26:5

Po munenaye pamaso pa Mwene, u Chala winyu mutinji, “Umunyenya witu akaba mu Alamu uwakwendakwenda, yuyo akabuka ku Ijiputi na bamunyumba yache, babo bakaba banandi nkani nukwikala kulakula. Pisinda pache lukaba luko lukulu nu lwamaka, sona bakaba binji nkani.