Ubwandilo 28:4 - IBAYIBOLO 2024

⁴ Akusaye awe poka na baluko lwako ukuyana namumo akamusayila u Abulahamu, umwakuti ufyule ichisu chicho ukwiza pakwikalaghamo pakuba we muyeni, ichisu chicho u Chala akamupa u Abulahamu.”

Ubwandilo 28:4 Iomraidhean Croise

Ubwandilo 12:7

U Mwene akamubonekela u Abulamu nukumubuzya ukuti, “Ichi cho chisu chicho nkwiza pakubapa abaluko lwako.” Palapala u Abulamu akamuzengela ichighemo u Mwene yuyo akamubonekela.

Ubwandilo 15:8

U Abulamu akamulalusya akati, “Wee Mwene Uwamaka Ghosi, nkimba ningazimanya bulibuli ukuti ichisu chinichi naloli chikwiza pakuba chane?”

Ubwandilo 27:33

Po u Yisaki akanda pakutetema umubili ghosi nukulalusya ukuti, “Nkimba akaba wewenu akambingila inyama nukwiza nayo kuno? Nkayilya bo awe uchili nukwiza, sona namusaya, naloli akwiza pakuba musayiwa bwila na bwila.”

Ubwandilo 37:1

U Yakobo akendelela pakwikala muchisu icha Kenani, chicho uwise akikalaghamo.

1 Imbili 29:15

Wee Mwene uzimenye ukuti aswe twe bayeni bulo pachisu ichapasi ngati banyenya bitu. Amasiku ghitu pachisu ichapasi ghali ngati chizyezye chicho chikuzyebeluka bulo.

Masalimo 39:12

“Wee Mwene, ivwa inyiputo zyane. Teghelezya ukulila kwane ukuti unyavwe, sona utakabanje ngati we mapuli bo nkulila. Pakuti nkwikala nawe ngati ne mwendazila, sona ngati ne muyeni ukuyana namumo abanyenya bitu bakabela.

Masalimo 72:17

Itabwa lyache libanjeko bwila na bwila, sona libanjeko ngati mumo izuba likubelaghako. Abantu aba inko zyosi bakwiza pakusayiwa ukwendela mumwache, sona bakwiza pakumwitizya ukuti musayiwa.

Ukufuma 6:4

Nkafingana nabo ulufingo nukubalayizya pakubapa ichisu icha Kenani, mumo bakikalagha ngati bayeni.

Aba Galatiya 3:14

Akatwabula aswe ukuti ulusayo lulo lukapeghiwa kwa Abulahamu lungiza pabantu babo bate ba Yuda ukwendela mwa Kilisitu u Yesu, umwakuti ukwendela mu lwitiko tungapokela u Muzimu Umuzelu yuyo akalayiziwa nu Chala.

Aba Galatiya 3:8

Amasimbo ghakenezya zila ukuti u Chala akwiza pakubanena abantu babo bate ba Yuda pakuba bagholosu pantazi papache ukwendela mu lwitiko nukufumusizya zila Amazyu Amiza kwa Abulahamu ukuti, “Inko zyosi pachisu ichapasi nkwiza pakuzisaya ukwendela mumwako.”

Aba Efeso 1:3

Amapalo ghabanje kwa Chala, Uwise uwa Mwene witu u Yesu Kilisitu, yuyo atusayite aswe mwa Kilisitu pakutupa ulusayo ulwakulekanalekana ulwa buzimu kumwanya.