Ubwandilo 28:20 - IBAYIBOLO 2024

²⁰ Po u Yakobo akalapa pamaso pa Chala nukuti, “Wee Mwene nanti ukwiza pakuba nane nukunsungilila pabulendo bwane ubu, sona nukumpa ichakulya na menda

Ubwandilo 28:20 Iomraidhean Croise

Ubwandilo 28:15

Nkwiza pakuba nawe nukukusungilila kosi kuko ukubuka, sona nkwiza pakukunyosezya kuchisu chinichi. Ntakwiza pakukuleka nalumolumo mupaka papo nakubombela zyosi zizyo nkakulayizya.”

Ubwandilo 31:13

Ane ne Chala, nene nkakubonekela pa Beteli kuko ukimika ibwe pakuba chikumbusyo pakulipungulila amafuta gha syunguti, sona kuko ukalapa ichilapo ukuti ukwiza pakumbombela. Po losi ulu epamo muchisu ichi nukunyokela kuchisu chinyu.’ ”

Ubwandilo 35:3

Tukwiza pakwepamo muno nukubuka ku Beteli, kuko nkwiza pakumuzengela ichighemo u Chala, yuyo akanyavwa muntamyo zyane, sona yuyo akaba nane kosi kuko nkabukagha.”

2 Samuweli 15:8

Ane ne wambombo wako bo inchili indi mu Geshuli muchisu icha Siliya, nkalapa ichilapo ichakuti, ‘Nanti u Mwene anyitikizya pakunyokela sona ku Yelusalemu, nkwiza pakumwiputa mu Hebuloni.’ ”

1 Imbili 4:10

U Yabezi akamulilila u Chala uwa Izilayeli akati, “Wee Chala, unsaye sona kuzya impaka izya chisu chane! Nalamba ubanje nane sona umpoke kuntamyo umwakuti indeke pakwivwa ububavu.” Po u Chala akamupa zizyo akalaba.

Masalimo 116:14

Nkwiza pakukwanilisya ivilapo ivya Mwene, pamaso pabantu bache bosi.

Masalimo 116:18

Nkwiza pakukwanilisya ivilapo vyane kwa Mwene, pamaso pabantu bache bosi.

Masalimo 119:106

Nalapa ichilapo sona nadumula, pakuzikonka indaghilo zyako ingolosu.

Masalimo 132:2

Akalapa ichilapo kwa Mwene, nukufingana nu Wamaka nkani uwa Yakobo ukuti,

Masalimo 22:25

Nkwiza pakukupalagha palukomano ulukulu nkani, sona nkwiza pakukwanilisya ichilapo chane pamaso pabantu babo bakukuchindika.

Masalimo 56:12

Wee Chala wane nkalapa kukwko, sona nkwiza pakubika ivyakwiyipa ivyakupalizikizya.

Masalimo 61:5

Wee Chala, wavyivwa ivilapo vyane, po wampa ichilingo chicho bakupokela abantu babo bakulichindika itabwa lyako.

Masalimo 61:8

Po akabalilo kosi nkwiza pakwimba inyimbo izyakulipala itabwa lyako, nukukwanilisya ivilapo vyane isiku ni siku.

Masalimo 66:13

Nkwiza pakwiza ku Nyumba yako ni vyakwiyipa ivyakocha, sona nkwiza pakukwanilisya ichilapo chane kukwako.

Masalimo 76:11

Mulapaye kwa Mwene u Chala witu, sona muvikwanilisyanje ivilapo vyinyu. Ivyisu vyosi ivipalamani vyizaghe ni vyabupi ku yuyo mubaghiye pakumunyila.

Yesaya 19:21

Po u Mwene akwiza pakwivumbula mwene kuba Ijiputi, sona pisiku lilalila bakwiza pakumwitika u Mwene. Bakwiza pakumwiputa pakubika ivyakwiyipa ivyakocha ni vyakwiyipa ivya busu, bakwiza pakupanga ivilapo nu Mwene nukuvisunga.

Yohani 1:16

Pachifukwa icha bukulu ubwa chisa chache, atusayite twebosi pakutupa ulusayo pamwanya pa lwamwabo.

Imbombo 18:18

U Pabuli akendelela ukwikala na bitiki mu Kolinti amasiku aminji. Po akabalagha nukukwela mubwato nukubuka ku Siliya poka nu Pulisika nu Akwila. Mu Kenkeleya akamwa isisi kumutu wache pachifukwa icha chilapo chache.

1 Timoti 6:8

Loli nanti tuli ni chakulya na menda, vyo twikutisiwanje navyo.

1 Samuweli 1:11

Po akalapa ichilapo akati, “Wee Mwene Uwamaka Ghosi, nanti wennya bulo intamyo zyane nukunkumbuka, sona nanti utakunduvya ane ne wambombo wako pakumpa umwana umulumendo, umwana yula nkwiza pakumupa u Mwene amasiku ghosi agha bumi bwache, sona atakwiza pakumwapo nalumo isisi zyache.”

1 Samuweli 1:28

Ichi cho chifukwa niza nawe pamaso pa Mwene. Pakuti umwana uyu akwiza pakuba wa Mwene mubumi bwache bosi.” Po u Eli akamwiputa u Mwene kulakula.

1 Samuweli 14:24

Aba Izilayeli bakayimba nkani pisiku lilalila, pachifukwa ichakuti u Sabuli akalapa ichilapo pamaso pabantu bala akati, “Aghuniwanje umuntu wesi yuyo akulya ichakulya chimo bo kuchili pakwila, sona bo intabatanizizye abalwani bane.” Po patakabapo nayumoyumo yuyo akalabukapo ichakulya pisiku lyosi lilalila.