Ubwandilo 28:18 - IBAYIBOLO 2024

¹⁸ Pandabindabi nkani u Yakobo akasenda ibwe lilyo akinulila kumutu wache. Akalyimika pakuba chikumbusyo nukulipungulila amafuta gha syunguti, po akalipaghulila kwa Chala.

Ubwandilo 28:18 Iomraidhean Croise

Ubwandilo 21:14

Pandabindabi nkani u Abulahamu akasenda ichakulya ni nyambi iyikwela iya mizi nukumupa u Hagala. Akamubaghalizya ivyakulya pavipunko nukumubuzya ukuti abukaye poka numwana wache. U Hagala akanyamuka, akendakendagha bulo munkolongo iya Belisheba.

Ubwandilo 22:3

Pandabindabi nkani u Abulahamu, akayannya apakwikalapo pampunda yache nukudumulannya inkwi izyakochela ichakwiyipa. Akanyamuka ubulendo bwache ubwakubuka kuko u Chala akamubuzya. Pabulendo bwache akabuka nu mwana wache u Yisaki poka na bambombo bache babili.

Ubwandilo 28:11

Pachamabwila bo izuba lyinjila, akafika pabuzilo bumo ubuzelu, akazenga ivisakasa vyache palapala ukuti aghone ubusiku bulabula. Akinulila ibwe kumutu wache.

Ubwandilo 31:13

Ane ne Chala, nene nkakubonekela pa Beteli kuko ukimika ibwe pakuba chikumbusyo pakulipungulila amafuta gha syunguti, sona kuko ukalapa ichilapo ukuti ukwiza pakumbombela. Po losi ulu epamo muchisu ichi nukunyokela kuchisu chinyu.’ ”

Ubwandilo 31:45

Po u Yakobo akasenda ibwe nukulyimika pakuba chikumbusyo.

Ubwandilo 35:14

Po u Yakobo akimikapo ibwe pakuba chikumbusyo pabuzilo bubo akanena nawe. Akalipaghula pakulipungulila uvinyo na mafuta agha misyunguti.

Ubwandilo 35:20

Po u Yakobo akimikapo ibwe pipumpa ilya Lakelo pakuba chikumbusyo. Nilelo bulo ibwe lila lichili lilipo.

2 Samuweli 18:18

Bo u Abisalomu achili mumi, akizengela mwene impanda mwikombe ilya mwene pakuba chikumbusyo chache, pakuti akati, “Ane inte nu mwana umulumendo ukuti abanje wampyana yane.” Po akayita impanda yila itabwa lyache, sona yikwitiziwanga ukuti Ichikumbusyo icha Abisalomu mupaka nilelo bulo.

Masalimo 119:60

Ne mwengo nkani, sona intakuzyela pakughakonka amalamulo ghako.

Umulumbilili 9:10

Chosi chicho winong'ona pakuchibomba wiyulaye nkani pakuchibomba, pakuti nanti wasyiliwa mwipumpa kutaliko ukubomba imbombo pamo ukubatika, pamo ubumanyi pamo amahala.

Yesaya 19:19

Pisiku lilalila chikwiza pakubapo ichighemo kwa Mwene mukasi muchisu icha Ijiputi, ni chikumbusyo pa mpaka iya Mwene.

Ukubelengiwa 7:1

Bo u Mozesi amala pakwimika Ichisakasa icha Mwene, akachipakazya na mafuta pakuchipaghula, poka ni vibombelo vyache vyosi. Akachipakazya sona ichighemo, poka ni vibombelo vyache vyosi.

Yoshwa 4:9

U Yoshwa akaghimika amabwe 12, ghagho ghakaba pakasi na pakasi mulusoko ulwa Yolodani, pabuzilo bubo abaputi babo bakanyamula Ibokosi ilya Lufingo bakimililapo. Amabwe ghanagha ghachili ghalipo palapala mupaka nilelo bulo.

1 Samuweli 7:12

Po u Samuweli akimika ibwe pakasi pa kaya akakulu aka Mizipa naka Sheni. Akalyita ibwe lila ukuti Ebenezeli nukuti, “U Mwene atwavwa mupaka pakabalilo aka.”