Ubwandilo 28:17 - IBAYIBOLO 2024

¹⁷ Ubogha bukamulema, po akati, “Mwee, pano pakoghofya. Naloliloli ubuzilo ubu yo Nyumba iya Chala, sona gho mulyango uwakumwanya.”

Ubwandilo 28:17 Iomraidhean Croise

Ubwandilo 28:18

Pandabindabi nkani u Yakobo akasenda ibwe lilyo akinulila kumutu wache. Akalyimika pakuba chikumbusyo nukulipungulila amafuta gha syunguti, po akalipaghulila kwa Chala.

Ubwandilo 28:22

Ibwe ili lilyo nalyimika pakuba chikumbusyo, likwiza pakuba Nyumba iya Chala, sona nkwiza pakukupa ichigaba choka pa vigaba 10 ivya vintu vyane vyosi vivyo ukwiza pakumpa.”

2 Imbili 5:14

po abaputi bakapotwa pakubomba imbombo yabo pachifukwa icha libingu lila, pakuti ubuchindamu ubwa Mwene bukizula mu Nyumba iya Chala.

Masalimo 68:35

Wee Chala, we wakoghofya mubuzilo bwako ubuzelu nkani, sona u Chala uwa ba Izilayeli akubapa amaka abantu bache. U Chala apaliwanje.

Ukufuma 3:5

U Chala akati, “Utakapalamilaye, vula inkwato zyako, pakuti ubuzilo bubo wimitepo buzelu.”

Ukufuma 3:6

Po akati, “Ane ne Chala uwa banyenya bako, u Chala uwa Abulahamu nu Chala uwa Yisaki sona nu Chala uwa Yakobo.” U Mozesi akavwinka icheni chache, pachifukwa ichakuti akanyilagha pakumwennya u Chala.

Umulumbilili 5:1

Uchebaye nkani bo ukwinjila mu Nyumba iya Chala. Palamila ukuti uteghelezye ukuchila pakubika ichakwiyipa ichakuyana na chicho abapunganu bakubika, babo batakumanya ukuti bakunanga.

Matayi 17:6

Bo abamanyili bala bivwa izyu, bakanyila nkani, umwakuti bakakupamila pasi.

Luka 2:9

Uwantumi uwa Mwene akababonekela, sona ubuchindamu ubwa Mwene bukabalamila. Po bakanyila nkani,

Luka 8:35

Abantu bakabuka pakwennya chicho chikabombiwa, po bo biza kwa Yesu, bakamwagha umuntu yuyo imizimu imibibi yikepamo mumwache ikaye munyayo izya Yesu, bo avwalite, sona inyinong'ono zyache zikanyokelamo, po ubogha bukabalema bosi.

1 Timoti 3:15

Loli nanti nakaba, ukalata uyu akwiza pakukumanyisya mumo abantu babaghiye pakwikalilagha mu Nyumba iya Chala, yiyo chipanga icha Chala umumi, sona we mpanda nu lwalo ulwa bwanaloli.

Aba Hebeli 10:21

Sona pakuti tuli nu muputi usongo uwakwenelezya Inyumba iya Chala,

1 Pitala 4:17

Pakuti akabalilo kakwana akakuti u Chala ande pakulonga abantu bache. Nanti ubulongi bukwiza pakwandila naswe, nkimba kukwiza pakuba bulibuli na bantu babo batakusubila Amazyu Amiza agha Chala?

Ubuvumbuli 1:17

Bo namwennya, nkawa pasi munyayo zyache ngati ne muntu umufwe. Loli akabika inyobe yache indilo papane nukuti, “Utakanyilaye! Ane ne bwandilo. Ane ne bumalilo.

Abalongi 13:22

U Manowa akamubuzya umuchi akati, “Naloli tukwiza pakufwa, pachifukwa ichakuti twamwennya u Chala.”