Ubwandilo 28:16 - IBAYIBOLO 2024

¹⁶ Bo u Yakobo alamusya mutulo akati, “Naloliloli u Mwene ali panapa, sona ane intakazimanya.”

Ubwandilo 28:16 Iomraidhean Croise

1 Abamwene 3:15

U Solomoni akalamusya mutulo, akazyaghannya ukuti akaba mutulo. Po akanyokela ku Yelusalemu, akimilila pantazi pa Bokosi ilya Lufingo ilya Mwene, nukubika ivyakwiyipa ivyakocha ni vyakwiyipa ivyabupoka. Po akaghayanizizya ulusekelo amakambala ghache.

Yobu 33:14

Pakuti u Chala akunena muzila izyakulekanalekana, napapo umuntu atangazyaghannya.

Yobu 9:11

Nanti akudumusannya papipi nane, ane intangamwennya. Nanti akwenda papipi nane, amaso ghane ghatangamwennya.

Masalimo 139:7

Nkimba ningabuka kwiyi pakughuchimbila u Muzimu wako? Nkimba ningachimbilila kwiyi ukuti nepepo pamaso papako?

Masalimo 68:35

Wee Chala, we wakoghofya mubuzilo bwako ubuzelu nkani, sona u Chala uwa ba Izilayeli akubapa amaka abantu bache. U Chala apaliwanje.

Ukufuma 15:11

“Wee Mwene, nkimba alipo u chala uyunji, yuyo ayanite nawe? Nkimba wewenu ayanite nawe, we muchindikiwa sona we muzelu? Nkimba wewenu angayana nawe, pakupela ivyika ni viswigho?

Ukufuma 3:4

Bo u Mwene amwennya u Mozesi ukuti akupalamila, akamwitizya muchivwati chila akati, “Wee Mozesi! Mozesi!” U Mozesi akamula akati, “Indi pano.”

Ukufuma 3:5

U Chala akati, “Utakapalamilaye, vula inkwato zyako, pakuti ubuzilo bubo wimitepo buzelu.”

Yesaya 8:13

U Mwene Uwamaka Ghosi weyuyo ubaghiye pakumupima pakuba muzelu, weyuyo ubaghiye pakumunyila weyuyo ubaghiye pakumutetema,

Yelemiya 31:26

Nkalamusya mutulo nukutalankannya po nkazyaghannya ukuti name mutulo utunonu nkani.

Ukubelengiwa 12:6

U Mwene akati, “Ivwa kuno! Nanti umulaghuzi uwa Mwene ali pakasi papinyu, ane nkwilanjizya nemwene kukwache muvisetuka, sona nkunena nawe muvilota.

Yoshwa 5:13

Bo u Yoshwa apalamila ku Yeliko, akinusya icheni chache nukumwennya umuntu yumo imite kuntazi kukwache, bo alemite upanga munyobe yache. Po u Yoshwa akabuka pakumulalusya ukuti, “Nkimba we mumanyani, pamo we mulwani?”

Yoshwa 5:15

Usongo uwa basilikali aba Mwene yula akamwamula u Yoshwa akati, “Vula inkwato zyako, pakuti ubuzilo bubo wimitepo buzelu.” Po u Yoshwa akabomba bunubu.