Ubwandilo 28:15 - IBAYIBOLO 2024

¹⁵ Nkwiza pakuba nawe nukukusungilila kosi kuko ukubuka, sona nkwiza pakukunyosezya kuchisu chinichi. Ntakwiza pakukuleka nalumolumo mupaka papo nakubombela zyosi zizyo nkakulayizya.”

Ubwandilo 28:15 Iomraidhean Croise

Ubwandilo 21:20

U Chala akamusungilila akiza umwana yula, bo akukula munkolongo iya Palani. Po akaba muntu umubingi umukulu nkani.

Ubwandilo 26:24

Ubusiku bulabula u Mwene akamubonekela nukuti, “Ane ne Chala uwa ghuso u Abulahamu. Utakanyilaye pakuti indi nawe. Nkwiza pakukusaya, sona abaluko lwako bakwiza pakuba binji nkani pachifukwa icha layizyo lilyo nkamulayizya uwambombo wane u Abulahamu.”

Ubwandilo 26:3

Ikala tasi muchisu chinichi, po nkwiza pakuba nawe sona nkwiza pakukusaya. Pakuti nkwiza pakukupa awe sona na baluko lwako ichisu chosi chinichi. Nkwiza pakusunga ichilapo chicho nkalapa kwa ghuso u Abulahamu.

Ubwandilo 30:25

Bo u Lakelo apapa u Yosefu, u Yakobo akamulaba u Labani akati, “Unyitikizye ukuti inyokele kuchisu chitu.

Ubwandilo 31:13

Ane ne Chala, nene nkakubonekela pa Beteli kuko ukimika ibwe pakuba chikumbusyo pakulipungulila amafuta gha syunguti, sona kuko ukalapa ichilapo ukuti ukwiza pakumbombela. Po losi ulu epamo muchisu ichi nukunyokela kuchisu chinyu.’ ”

Ubwandilo 31:3

Po u Mwene akamubuzya u Yakobo akati, “Nyokela kuchisu icha ghuso na bakamu bako, po nkwiza pakuba nawe.”

Ubwandilo 31:5

Po akababuzya akati, “Nazyaghannya ukuti ughuso akunyennya ni lyiso ichesamu. Loli u Chala uwise uwa tata wane akunyimila.

Ubwandilo 32:9

U Yakobo akiputa akati, “Wee Chala uwa munyenya wane u Abulahamu, sona nu Chala uwa wise u Yisaki, wee Mwene, ukambuzya ukati, ‘Nyokela kuchisu chako nicha bakamu bako nukundayizya ukuti ivintu vikwiza pakunyendela akiza.’

Ubwandilo 35:3

Tukwiza pakwepamo muno nukubuka ku Beteli, kuko nkwiza pakumuzengela ichighemo u Chala, yuyo akanyavwa muntamyo zyane, sona yuyo akaba nane kosi kuko nkabukagha.”

Ubwandilo 39:2

U Mwene akaba nu Yosefu po akamwavwa ukuti ivintu vyosi vimwendele akiza bulo. Akikalagha munyumba iya Potifala usongo uwamu Ijiputi,

Ubwandilo 39:21

u Mwene akaba nawe. Akamupelela ichisa umwakuti umulindilili uwa jele akahoboka nawe.

Ubwandilo 46:4

Ane nkwiza pakubuka nawe ku Ijiputi, sona nkwiza pakunyokako nawe. Bo wafwa u Yosefu akwiza pakuba kulakula.”

Ubwandilo 48:16

Uwantumi yuyo akampoka ane kububibi bosi, abasaye abana babili banaba. Itabwa lyane ni tabwa ilya batata bane u Abulahamu nu Yisaki lyendelele pakubapo ukwendela mubana banaba. Bapapaye nkani, nukuba baluko ulukulu nkani.”

Ubwandilo 48:21

Po u Yakobo akamubuzya u Yosefu akati, “Ukunyennya, indi papipi pakufwa, loli u Chala akwiza pakuba nawe, sona akwiza pakukunyosezya awe kuchisu icha banyenya bako.

1 Abamwene 8:57

U Mwene u Chala witu abe naswe ukuyana namumo akabela na banyenya bitu. Atakatuleke pamo ukutukana nalumolumo.

Masalimo 46:11

U Mwene Uwamaka Ghosi ali naswe, sona u Chala uwa Yakobo we lilinga lyitu.

Masalimo 46:7

U Mwene Uwamaka Ghosi ali naswe, sona u Chala uwa Yakobo we lilinga lyitu.

Masalimo 91:11

Pakuti akwiza pakubalamula abantumi bache, ukuti bakuvighililaye kosi kuko ukubuka.

Ukufuma 13:11

“Bo u Mwene abinjizya muchisu icha ba Kenani, ichisu chicho akalapa ku banyenya binyu,

Ukufuma 3:12

Po u Chala akamwamula akati, “Nkwiza pakuba nawe. Ichi cho chimanyilo ichakuti naloli nene nakutuma. Bo wabefyamo abantu bane mu Ijiputi, mukwiza pakunyiputa pighamba ili.”

Yesaya 41:10

Utakanyilaye, pakuti indi poka nawe, utakatetemaye pakuti ane ne Chala winyu. Nkwiza pakukupa amaka nukukwavwa, nkwiza pakukuvighilila ni nyobe yane indilo ingolosu.

Yesaya 43:2

Bo ukuloboka pamizi, nkwiza pakuba nawe, sona bo ukuloboka isoko, zitakwiza pakukudwibizya. Bo ukwenda pamoto, utakwiza pakupya, ghutakwiza pakukulungulizya, indimi izya moto zitakwiza pakubazimizya.

Yesaya 7:14

Polelo u Mwene umwenecho akwiza pakukupa ichimanyilo, umulindu yuyo atamumenye umwanavuli akwiza pakupapa umwana umulumendo, nukumwita ukuti Imaniweli.

Yesaya 8:10

Munene zyosi zizyo mukulonda pakunena, loli zikwiza pakuba zyabulo sakizya imbatiko zyinyu, loli zitakwiza pakubomba pakuti u Chala ali naswe.

Yelemiya 1:19

Bakwiza pakulwa nawe, loli batakwiza pa kukupota, pakuti ane indi nawe, sona nkwiza pakukupoka. Ane ne Mwene nanena.”

Yelemiya 16:15

loli bakwiza pakunena ukuti, ‘Nkulapila mwa Mwene umumi, yuyo akabefya abantu bache muchisu icha kumitu na muvyisu vyosi vivyo akabachimbizizyako.’ Pakuti nkwiza pakubanyosezyamo muchisu chicho nkabapa abanyenya babo.”

Aba Levi 26:42

po ane nkwiza pakulukumbuka ulufingo lwane lulo nkafingana nu Yakobo nu Yisaki nu Abulahamu, sona nkwiza pakuchikumbuka ni chisu chinyu.

Aba Levi 26:45

Loli pachifukwa icha chisa, nkwiza pakukumbuka ulufingo lwane lulo nkafingana na banyenya, babo nkabefya mu Ijiputi, bo abantu aba inko injeni bakwennya, umwakuti imbanje ne Chala wabo. Ane ne Mwene.”

Ukubelengiwa 23:19

U Chala te muntu uwakuti angatamanta, pamo te mwana uwa muntu uwakuti angandula inyinong'ono zyache. Nkimba anenitepo chimo ukusita pakuchibomba? Nkimba alayizizyepo chimo ukusita pakuchikwanilisya?

Ukubelengiwa 6:24

U Mwene abasaye nukubasungilila.

Matayi 18:20

Pakuti nanti babili pamo batatu bakuba poka mwitabwa lyane, indi poka nabo.”

Matayi 24:35

Kumwanya ni chisu ichapasi vikwiza pakumala, loli amazyu ghane ghakwiza pakuba na maka bwila na bwila.

Matayi 28:20

Mubamanyisyanje ukwivwila vyosi vivyo nabalamula, sona nkwiza pakuba namwe akabalilo kosi mupaka kubumalilo ubwa chisu ichapasi.”

Ukukumbusya Amalamulo 30:3

u Mwene u Chala winyu akwiza pakubanyosya nukubapepela ichisa. Akwiza pakubabungannya mwebosi muvyisu vyosi vivyo akabanyampanikizizyako.

Ukukumbusya Amalamulo 31:6

Mubanje nu lweke, sona mujimbaye nkani. Mutakabanyilaye pamo ukutetema, pakuti u Mwene u Chala winyu akubuka namwe. Atakwiza pakubitikizya ukuti mupotwe, sona atakwiza pakubaleka mwebene.

Ukukumbusya Amalamulo 31:8

U Mwene umwenecho akwiza pakukulongolela, sona akwiza pakuba nawe. Atakwiza pakwitikizya ukuti upotwe, sona atakwiza pakukuleka wemwene. Po utakanyilaye pamo ukuwa amaka.”

Ukukumbusya Amalamulo 7:9

Polelo mumanye ukuti u Mwene u Chala winyu we Chala, sona we musubiliwa umwakuti akwiza pakulusunga ulufingo ulwakulanjizya ulughano lwache pa nkulilo amasabuzani izya bantu babo bamughanite nukukonka amalamulo ghache.

1 Timoti 4:8

Ukwizubizya umubili kukumwavwa umuntu panandi, loli pakuba nubumi ubwakumuchindika u Chala kukumwavwa nkani umuntu muvintu vyosi, pakuti bukutupa aswe ilayizyo ilya bumi ubwilelo nubwa muntazi.

Yoshwa 1:5

Atalipo nayumoyumo yuyo akwiza pakukupota mubumi bwako bosi. Ane nkwiza pakuba nawe akabalilo kosi ukuyana namumo nkabela nu Mozesi. Ntakwiza pakukukana nalumo pamo pakukuleka wemwene.

Yuda 1:1

Ane ne Yuda umubombi uwa Yesu Kilisitu, sona nu mukamu uwa Yakobo. Nkubasimbila abantu babo bitiziwa nu Chala, babo baghaniwe nu Chala u Tata nukusungililiwa nu Yesu Kilisitu.

Abalongi 6:16

U Mwene akamwamula akati, “Nkwiza pakuba nawe, po ukwiza pakubapota aba Midiyani bosi.”