Ubwandilo 28:14 - IBAYIBOLO 2024

¹⁴ Abaluko lwako bakwiza pakuba binji nkani ngati lufumbi ulwa pachisu ichapasi. Impaka zyabo zikwiza pakufika kunkuto zyosi. Ukwendela mumwako na baluko lwako nkwiza pakubasaya abantu aba inko zyosi.

Ubwandilo 28:14 Iomraidhean Croise

Ubwandilo 12:3

Nkwiza pakubasaya bosi babo bakukusaya. Loli bosi babo bakukughuna nane nkwiza pakubaghuna. Inko zyosi pachisu ichapasi nkwiza pakuzisaya ukwendela mumwako.”

Ubwandilo 13:14

Bo u Loti abuka, u Mwene akamubuzya u Abulamu akati, “Talankannya akiza nkani, kumitu na kuntende, sona kubufumilo na kubwinjililo bwizuba.

Ubwandilo 13:15

Nkwiza pakukupa awe na baluko lwako ichisu chosi chicho ukuchennya, po chikwiza pakuba chako ni chako bwila na bwila.

Ubwandilo 13:16

Nkwiza pakukupa abaluko abinji nkani umwakuti atalipo nayumoyumo yuyo angababelenga. Nanti umuntu angabelenga ulufumbi ulwa muchisu ichapasi, kokuti angababelenga abaluko lwako.

Ubwandilo 18:18

Abaluko lwache bakwiza pakuba luko ulukulu nkani, sona ulwamaka. Inko zyosi pachisu ichapasi nkwiza pakuzisaya ukwendela mumwache.

Ubwandilo 22:17

Naloliloli nkwiza pakukusaya nkani, sona nkwiza pakubapela abaluko lwako pakuba binji nkani ngati zyo ntondwa, sona ngati musesenga uwa mulubazu ulwa nyanja. Abaluko lwako bakwiza pakubapota abalwani babo bosi.

Ubwandilo 22:18

Inko zyosi pachisu ichapasi nkwiza pakuzisaya ukwendela mubaluko lwako, pachifukwa ichakuti awe wanyivwila.’ ”

Ubwandilo 26:4

Nkwiza pakukupa abaluko abinji nkani ngati zyo ntondwa, sona nkwiza pakubapa ichisu chosi chinichi. Abantu aba inko zyosi bakwiza pakundaba ukuti imbasaye ukuyana namumo nkabasayila abaluko lwako.

Ubwandilo 32:12

Kumbuka, ukandayizya ukati, ‘Nkwiza pakukupela ukuti ivintu vikwendelaye akiza nukukupa abaluko abinji nkani ngati musesenga uwa mulubazu ulwa nyanja.’ ”

Ubwandilo 48:16

Uwantumi yuyo akampoka ane kububibi bosi, abasaye abana babili banaba. Itabwa lyane ni tabwa ilya batata bane u Abulahamu nu Yisaki lyendelele pakubapo ukwendela mubana banaba. Bapapaye nkani, nukuba baluko ulukulu nkani.”

Ubwandilo 48:19

Loli uwise akakana akati, “Inzimenye mwana wane. Inzimenye ukuti abaluko ulwa Manase bope bulo bakwiza pakuba luko ulukulu nkani. Loli umuzuna wache akwiza pakuba mukulu nkani ukumuchila, sona abaluko lwache bakwiza pakuba lwa inko inyinji nkani.”

2 Imbili 1:9

Wee Mwene u Chala wane, polelo kwanilisya zizyo ukamulayizya utata wane u Devedi, pakuti wanyimika pakuba ne mwene uwa bantu babo binji nkani ngati lufumbi ulwa pachisu ichapasi.

Masalimo 72:17

Itabwa lyache libanjeko bwila na bwila, sona libanjeko ngati mumo izuba likubelaghako. Abantu aba inko zyosi bakwiza pakusayiwa ukwendela mumwache, sona bakwiza pakumwitizya ukuti musayiwa.

Ukufuma 32:13

Kumbuka ukuti ukalapa ku mubombi wako u Abulahamu nu Yisaki nu Izilayeli ukuti, ‘Nkwiza pakubalizya abaluko lwinyu ngati zyo ntondwa, sona nkwiza pakubapa abaluko lwabo ichisu chosi chinichi ukuti chibanje chabo ni chabo bwila na bwila.’ ”

Yesaya 54:3

Pakuti ukwiza pakuvikuzulila kundilo na kumongo, abaluko lwako bakwiza pakufyula ichisu icha inko izinji, nukwikala mutwaya twabo utukulu nkani tuto tukalekiwa.

Ukubelengiwa 23:10

Nkimba wewenu angababelenga abaluko ulwa Yakobo, babo ubwinji bwabo buyanite nu lufumbi? Leka imfwe ukuyana namumo abantu abagholosu bakufwila, buleke ubumalilo bwane buyane nu bwabo!”

Matayi 8:11

Naloli nkubabuzya ukuti abantu abinji abakubufumilo naba kubwinjililo bwizuba bakwiza pakwiza nukwikala pasi poka nu Abulahamu nu Yisaki nu Yakobo palusekelo mu Bumwene ubwa Kumwanya.

Imbombo 3:25

Zizyo u Chala akalayizya ukwendela mu balaghuzi bache, zyinyu. Mwebenecho aba lufingo lulo u Chala akafinga na banyenya binyu ukuyana namumo akanenela kwa Abulahamu ukuti, ‘Ukwendela mu baluko lwako nkwiza pakubasaya abantu aba inko zyosi muchisu ichapasi.’

Aba Galatiya 3:16

U Chala akamulayizya u Abulahamu nu waluko lwache. Amasimbo ghatakunena ukuti, “Abaluko lwako,” chicho chitakung'anamula ukuti abantu abinji, awe. Loli ghakuti, “Sona nu waluko lwako,” chicho chikung'anamula ukuti umuntu weka yuyo we Kilisitu.

Aba Galatiya 3:8

Amasimbo ghakenezya zila ukuti u Chala akwiza pakubanena abantu babo bate ba Yuda pakuba bagholosu pantazi papache ukwendela mu lwitiko nukufumusizya zila Amazyu Amiza kwa Abulahamu ukuti, “Inko zyosi pachisu ichapasi nkwiza pakuzisaya ukwendela mumwako.”

Aba Efeso 1:3

Amapalo ghabanje kwa Chala, Uwise uwa Mwene witu u Yesu Kilisitu, yuyo atusayite aswe mwa Kilisitu pakutupa ulusayo ulwakulekanalekana ulwa buzimu kumwanya.

Ukukumbusya Amalamulo 12:20

Bo u Mwene u Chala winyu akuchonjelezya ichisu chinyu ukuyana namumo akabalayizizya, sona nanti mwaba nikwilu nukuti, “Mwebaya, indi nikwilu,” mungalya inyama nukwikuta ukuyana namumo mukulondela.

Ukukumbusya Amalamulo 13:17

Mutakapalamasyanje nachimochimo ichintu icha vintu ivyamwiko vinivi umwakuti ubukali ubwa u Mwene butozoke. Po atakwiza pakubakalalila sona, akwiza pakubapelela ichisa nukubabalizya pakuba mwe binji nkani, ukuyana namumo akalapila kubanyenya binyu,

Ubuvumbuli 7:4

Po nkabuziwa ukuti ubwinji ubwa bantu babo badindiwa pa vyeni vyabo bukaba 144,000. Abantu bosi banaba bakaba inko 12 izya ba Izilayeli.

Ubuvumbuli 7:9

Pisinda pazinizi nkenelezya, po nkennya ichilundilo ichikulu icha bantu ichakuti nayumo umuntu yuyo angabelenga. Bakaba bantu aba muchisu chosi, na bantu abaluko losi, na bantu abaneno zyosi nukwimilila pantazi pachitengo icha bumwene, sona na pamaso pa Mwana uwa ng'ozi. Bakavwala inkazo inswepu nukulema isamba izya mabale munyobe zyabo.