Ubwandilo 28:12 - IBAYIBOLO 2024

¹² Akalota ukuti ikwelelo likufuma pasi mupaka kumwanya. Akabennya abantumi aba Chala bakwika nukukwela pikwelelo lila.

Ubwandilo 28:12 Iomraidhean Croise

Ubwandilo 15:1

Pisinda pa zinizi, u Mwene akamubonekela Abulamu muchisetuka. Akamubuzya akati, “Wee Abulamu utakanyilaye, ane ne ngulu yako. Umuvwalo wako ghukwiza pakuba mukulu nkani.”

Ubwandilo 15:12

Bo izuba likwinjila, u Abulamu akaghona utulo utwa kufwa nato, sona ichisi ichakoghofya chikamuwila.

Ubwandilo 20:3

Ubusiku bumo u Chala akamubonekela u Abimeleki muchilota nukuti, “Awe ukwiza pakufwa pachifukwa ichakuti wasenda umuchi uwa muntu.”

Ubwandilo 41:1

Bo ghachilapo amaka mabili, u Falabo akalota ukuti imite mulubazu umwalusoko ulwa Nayilo.

1 Abamwene 19:5

Po akalambalala mukazundila aka makwi agha vyisilo ghala nukughona utulo. Panapo na panapo uwantumi akamupalamasya nukumubuzya ukuti, “Lamusya, ulye.”

2 Imbili 16:9

Pakuti amaso agha Mwene ghakwennya posi na posi pachisu ichapasi umwakuti abakazyanje abantu babo bakumwivwila na moyo ghabo ghosi. Awe wabomba ichintu ichabupunganu nkani, po ukwanda ilelo ukwiza pakulwa ubwite.”

Yesaya 41:10

Utakanyilaye, pakuti indi poka nawe, utakatetemaye pakuti ane ne Chala winyu. Nkwiza pakukupa amaka nukukwavwa, nkwiza pakukuvighilila ni nyobe yane indilo ingolosu.

Daniyeli 7:1

Mumwaka uwakwanda bo u mwene u Belishazala akulaghila mu Babiloni, u Daniyeli akalota ichilota, sona akennya ivisetuka bo alambalaye pachitala chache pabusiku. Po akachisimba ichilota chache chila umwabupimpa bulo ngati ulu:

Ukubelengiwa 12:6

U Mwene akati, “Ivwa kuno! Nanti umulaghuzi uwa Mwene ali pakasi papinyu, ane nkwilanjizya nemwene kukwache muvisetuka, sona nkunena nawe muvilota.

Matayi 1:20

Bo akwinong'ona zinizi, uwantumi uwa Mwene akamwizila muchilota nukuti, “Wee Yosefu, uwaluko ulwa Devedi, utakanyilaye pakumusenda u Maliya pakuba muchi wako, pakuti ulwanda lulo ali nalo lwa Muzimu Umuzelu.

Matayi 2:19

Bo u Helodi afwa bulo, uwantumi uwa Mwene akamubonekela u Yosefu muchilota mu Ijiputi.

Yohani 1:51

Akanena nabo akati, “Naloli nkubabuzya ukuti mukwiza pakwennya kumwanya kwighukite, sona abantumi aba Chala aba kumwanya bakukwela nukwika pa Mwana uwa Muntu.”

Aba Hebeli 1:1

Kale u Chala akanena na banyenya bitu ukwendela mu balaghuzi mutubalilo utwinji, sona na muzila izyakulekanalekana.

Aba Hebeli 1:14

Loli abantumi aba kumwanya babombi bulo. Abene yo mizimu yiyo yikumubombela u Chala, sona yiyo yitumiwe pakubabombela abantu, babo bakwiza pakupokiwa.