Ubwandilo 27:41 - IBAYIBOLO 2024

⁴¹ U Esabu akamubenga nkani u Yakobo pachifukwa ichakuti uwise akamusaya u Yakobo mubuzilo bwache. Po akati, “Amasiku aghakulila ubufwe ubwa tata ghali papipi, po nkwiza pakumughogha umuzuna wane u Yakobo.”

Ubwandilo 27:41 Iomraidhean Croise

Ubwandilo 27:42

Loli bo u Labeka ivwa zyosi zizyo u Esabu akalondagha pakubomba, akamwitizya u Yakobo nukumubuzya ukuti, “Ivwa kuno, umukulu wako akubatika pakutanizya.

Ubwandilo 32:11

Nalamba, mpoka munyobe izya mukulu wane u Esabu pakuti nkunyila ukuti lumo akwiza pakulwa nane, sona na bachi bane poka na bana.

Ubwandilo 32:3

Po u Yakobo akazilongolezya intumi zyache pakukomana nu mukulu wache u Esabu mu Seyili muchisu icha Edomu.

Ubwandilo 32:6

Bo intumi zila zyanyokako zikamupangila u Yakobo ukuti, “Tukafika kumukulu wako u Esabu, losi ulu akwiza pakukomane nawe, sona akwiza na bantu 400.”

Ubwandilo 35:29

Po akafwa nukubikiwa mwipumpa bo mughosi nkani. Po abana bache u Esabu nu Yakobo bakamusyila.

Ubwandilo 37:18

Abawamwabo bala bakamwenezyapo pabutali bo achili nkani nukuti afike papipi nabo. Bakanda pakubatika ukuti bamughoghe.

Ubwandilo 37:4

Loli bo abawamwabo bennya ukuti amughanite nkani u Yosefu ukubachila abene, bakamubenga, sona batakanena nawe nachimochimo mumutende.

Ubwandilo 37:8

Po abawamwabo bala bakamulalusya bakati, “Nkimba ukwinong'ona ukuti ukwiza pakuba we mwene witu? Pamo naloli ukwiza pakutulaghila aswe?” Bunubu bakamubenga nkani ukuchila napo pabwandilo pachifukwa icha chilota chache chila poka na mazyu ghagho akababuzya.

Ubwandilo 50:15

Bo abakamu aba Yosefu bennya ukuti uwise afwa bakati, “Nkimba buli nanti u Yosefu anda pakutubenga nukubatika pakutanizya pabubibi bubo tukamubombela?”

Ubwandilo 50:2

Po u Yosefu akabalamula abaghanga babo bakamubombelagha ukuti baghuyannye umuvimba uwa wise na malembo.

2 Imbili 35:24

Po bakamwefyamo mungolo yache iya bwite, nukumubika mungolo iyinji yiyo akaba nayo, sona bakabuka nawe ku Yelusalemu. Kulakula akafwa nukusyiliwa mumapumpa agha banyenya bache, po abantu bosi aba mu Yuda naba mu Yelusalemu bakamulila.

Masalimo 142:3

Nanti umuzimu wane wadedebala, awe akwiza pakumanya zizyo imbaghiye pakubomba. Po muzila zizyo nkwendamo, abantu bateghitemo ivipingo.

Masalimo 35:14

Nkaba ngati po nkulilila umumanyani pamo uwamwitu, nkendendekagha ngati po muntu yuyo akulila unyina.

Masalimo 37:16

Utunandi tuto umugholosu ali nato, tukubuchila ubukabi bubo umuntu umubibi ali nabo.

Ivyili 1:16

Pakuti ivinama vyabo vikuchimbilila kumbibi, sona bengo nkani pakubaghogha abantu.

Ivyili 18:19

Ukumwavwa uwa mwinyu akuba ngati linga ilya maka, loli ukulwana nawe kukwighalila ubwavwilizi bosi.

Ivyili 6:14

Akubatika pakubomba ububibi mumoyo wache, sona imbombo yache yo yakubalumannya abantu.

Umulumbilili 7:9

Utakakalalaye lubilolubilo, pakuti ukukalala kwa bapunganu.

Ezekiyeli 35:5

“ ‘Pachifukwa ichakuti ukalanjizya ulubengo paba Izilayeli ulusita kumala nukubaghoghela kubwite pakabalilo akantamyo zyabo, sona pakabalilo kako ulufundo lwabo lwafika pabumalilo,

Ukukumbusya Amalamulo 34:8

Aba Izilayeli bakamulila u Mozesi amasiku 30 mwikombe ilya Mowabu mupaka ukumala ukwa kabalilo aka chililo.

Titi 3:3

Pakuti naswe bulo akabalilo kamo tukaba bapunganu, abasita ukwivwila, sona na bakusobela. Tukaba bazya aba vinyonywa ivibibi, sona ni vintu vyosi ivyakulekanalekana ivyakuhobosya umubili. Tukalindagha mumbibi na mukabini. Abantu abanji bakatubenga, sona naswe bulo tukababenga.