Ubwandilo 27:29 - IBAYIBOLO 2024

²⁹ Inko izya bantu zikubombelaye, sona abantu bakufughamililaye. Ubanje we mulaghili uwa bakamu bako bosi, sona abaluko ulwa nyoko bakufughamililaye. Abantu bosi babo bakukughuna, bope baghuniwanje, sona abantu bosi babo bakukusaya, bope basayiwanje.”

Ubwandilo 27:29 Iomraidhean Croise

Ubwandilo 12:3

Nkwiza pakubasaya bosi babo bakukusaya. Loli bosi babo bakukughuna nane nkwiza pakubaghuna. Inko zyosi pachisu ichapasi nkwiza pakuzisaya ukwendela mumwako.”

Ubwandilo 25:33

Po u Yakobo akati, “Lapa tasi ukuti wangulizikizya naloli ubwakatote bwako.” U Esabu akalapa nukumughulizizya u Yakobo ubwakatote bwache.

Ubwandilo 27:30

Bo u Yisaki amala bulo pakumusaya u Yakobo akepapo. Po u Esabu akabwelako pakubinga.

Ubwandilo 27:37

U Yisaki akamwamula u Esabu akati, “Namwimika pakuba we mwene wako, sona abakamu bache nabapela bambombo bache. Namupa ingano nu vinyo. Wee mwana wane, chitalipo nachimochimo chicho ningakubombela.”

Ubwandilo 27:40

Mubumi bwako bosi ukwiza, pakulwanga bulo ubwite, sona ukwiza pakumubombelagha umuzuna wako. Loli nanti akabalilo kakwana akakumusambukila ukwiza pakwepapo pasi pabulaghili bwache.”

Ubwandilo 37:10

Akabalilo aka akamubuzya sona nu wise poka na abawamwabo. Po uwise akamuchemela akati, “Nkimba chilota choni chicho walotite? Fwandi, ane nu nyoko poka na bawamwinyu tukwiza pakukufughamilila bati?”

Ubwandilo 37:7

Twebosi tukaba mumughunda twapinyagha inkose izya ngano. Bo tukuzipinya, inkose yane yikimilila, po inkose zyinyu zikaghuzyungulila, nukuyifughamilila inkose yane yila.”

Ubwandilo 9:27

U Chala akuzye impaka izya Yafeti. Abaluko lwache bagabanaye ulusayo na baluko ulwa Shemu! U Kenani akwiza pakuba muzya uwa Yafeti.”

1 Abamwene 22:47

Pakabalilo kalakala mu Edomu mutakabamo u mwene, po uwabubili uwa mwene weyuyo akalaghilagha.

1 Abamwene 4:21

U mwene u Solomoni akalaghilagha mubumwene bosi bunubu ukwandila kulusoko ulwa Yufuleti mupaka kuchisu icha ba Filisiti nukufika kumpaka iya chisu icha Ijiputi. Abantu aba muvyisu vinivi bakamupa umusonko u Solomoni, sona bosi bakaba pasi pabulaghili bwache mubumi bwache bosi.

1 Imbili 5:2

Napapo uluko ulwa Yuda lukaba lwamaka nkani ukubachila bosi, sona nukuti pakasi papabo pakafuma umulongozi uwamaka nkani uwa inko zyosi, loli ubwakatote bukaba ubwa Yosefu.

Masalimo 72:8

Akwiza pakulaghila ukwandila ko kunyanja mupaka ku kunyanja inkulu nkani, sona ukwandila ko kulusoko ulwa Yufuleti mupaka kubumalilo ubwa chisu ichapasi.

Yesaya 45:14

U Mwene akuti, “Ubukabi ubwa chisu icha Ijiputi ni chisu icha Etiyopiya, bukwiza pakuba bwinyu, abantu abatalitali bakwiza pakuba bazya binyu, nukubakonka bo bapinyiwe ni minyololo. Bakwiza pakufughamila nukulambilizya ukuti, ‘Naloli u Chala ali nawe, sona atalipo uyunji, atalipo u chala uwamwabo.’ ”

Yesaya 49:23

Abamwene bakwiza pakuba ngati bo baghuso, sona abamwene babo bakolo bakwiza pakuba boba nyoko. Bakwiza ukwinama pantazi papako bo vyeni vyabo vikotamiye pasi, bakwiza pakumyanta ulufumbi ulwa kunyayo zyinyu. Po mukwiza pakuzimanya ukuti ane ne Mwene, babo bakunsubila batakwiza pakukoziwa isoni.”

Yesaya 49:7

U Mwene Umutabuli Umuzelu uwa Izilayeli, akumubuzya yuyo asuliwe nukukaniwa ninko, sona mubombi uwa balaghili akuti, “Abamwene bakwiza pakukwennya nukwimilila, amakambala ghakwiza pakukwennya nukufughamila, pachifukwa ichakuti u Mwene yuyo musubiliwa, Umuzelu uwa Izilayeli weyuyo akakusala.”

Yesaya 60:12

Pakuti uluko pamo ubumwene, bubo butakukubombela bukwiza pakuzimila, ubumwene bukwiza pakumalila zila.

Yesaya 60:14

Abana babo bakukukanyilila, bakwiza pakukufughamilila pantazi papako, bosi babo bakukuyivya bakwiza pakukufughamilila, sona bakwiza pakukwitizya pakuba we kaya akakulu nkani aka Mwene, u Ziyoni akaya aka Muzelu uwa Izilayeli.

Yesaya 9:7

Ukonjeleziwa ukwa bulaghili bwache nu mutende butakwiza pakumala. Akwiza pakulaghila pachitengo icha Devedi napabumwene bwache, pakubwikazya nukubukuzya mubwanaloli nu bugholosu ukwanda pakabalilo kalakala sona bwila na bwila. Ulweke ulwa Mwene Uwamaka Ghosi lukwiza pakuzimalizya zinizi.

Ukubelengiwa 23:8

Nkimba ningamughuna bulibuli umuntu yuyo u Chala atamughunite? Nkimba ningamusamula bulibuli umuntu yuyo u Mwene atamusamuye?

Ukubelengiwa 24:18

Ichisu icha Edomu chikwiza pakufyuliwa, u Seyili, yuyo mulwani wache akwiza pakupotiwa, loli u Izilayeli akwiza pakwendelela ukuba wamaka.

Ukubelengiwa 24:9

Mukwiza pakuba ngati nkalamu, inkalamu inkolo, nkimba wewenu angachela pakukulamusya? Musayiwa umuntu yuyo akubasaya, mughuniwa umuntu yuyo akubaghuna.”

Matayi 25:40

U Mwene akwiza pakwamula ukuti, ‘Naloli nkubabuzya ukuti akabalilo kosi kako ukamubombela ichiza umuntu weka uwa bakamu bane yuyo munandi nkani, ukambombela nene!’

Matayi 25:45

U Mwene akwiza pakwamula ukuti, ‘Naloli nkubabuzya ukuti akabalilo kosi kako mukukana pakumwavwa umuntu weka uwa bakamu bane yuyo munandi nkani, po mukakana pakunyavwa.’

Aba Loma 9:12

U Chala akamubuzya u Labeka akati, “Umukulu akwiza pakumubombela umuzuna.”

Ubuvumbuli 19:16

Pa nkazo yache sona na pantapatapa pakasimbiwapo itabwa ilyakuti, “Umwene uwa bamwene, sona Umulaghili uwa balaghili.”