Ubwandilo 27:13 - IBAYIBOLO 2024

¹³ Unyina akamwamula akati, “Wee mwana wane, chileke ichighune chingwile ane. Awe bomba bulo zizyo nakubuzya, kansendele abana aba mbuzi.”

Ubwandilo 27:13 Iomraidhean Croise

Ubwandilo 25:23

Po u Mwene akamubuzya akati, “Mulwanda lwako muli inko izya bantu babili. Ukwiza pakupapa inko zibili izya bantu babo bakwiza pakubengana. Weka akwiza pakuba wamaka nkani ukumuchila uyunji, sona ukatote akwiza pakumubombelagha umunandi.”

Ubwandilo 25:33

Po u Yakobo akati, “Lapa tasi ukuti wangulizikizya naloli ubwakatote bwako.” U Esabu akalapa nukumughulizizya u Yakobo ubwakatote bwache.

Ubwandilo 27:14

Po akabuka pakumusendela unyina abana aba mbuzi bala, po unyina akapiya ichakulya ichinonu nkani chicho uwise akachighana nkani.

Ubwandilo 27:43

Wee mwana wane, losi ulu bomba zizyo nkukubuzya. Nyamuka nukuchimbilila kwa Labani umuyemba wane kukaya aka Halani.

Ubwandilo 27:8

Losi ulu, mwana wane, ivwa kuno, sona bomba zizyo nkukubuzya.

Ubwandilo 43:9

Ane nkwiza pakuba chikole icha bumi ubwa Benjamini. Nanti ntakunyokela nawe mumi, po inongwa yosi yibanje pamutu papane bwila na bwila.

2 Samuweli 14:9

Umukolo uwamu Tekowa yula akamubuzya u mwene akati, “Wee mwene wane, leka inongwa yiniyi yibanje papane, na bamunyumba iya tata. Loli awe we mwene, poka na bamunyumba yako mubanje mwe basita nongwa.”

2 Imbili 22:3

Wepe u Ahaziya akananga pakubomba zizyo abamunyumba iya Ahabu bakabombagha, pakuti unyina weyuyo akamumanyisya pakubomba bunubu.

Matayi 27:25

Ichilundilo chosi icha bantu chikamula chikati, “Lileke ibanda ilya umuntu uyu libanje papitu na bana bitu.”

1 Samuweli 25:24

Bo achili ali pasi munyayo izya Devedi akanena akati, “Wee mwene wane, nalamba unteghelezye, leka inongwa yiniyi yibanje pamutu wane. Unyitikizye ne wambombo wako ukuti inene nawe, sona unteghelezye zizyo nkulonda pakunena.