Ubwandilo 27:1 - IBAYIBOLO 2024

¹ Bo u Yisaki aghosipa nkani, sona bo amaso ghache ghafuye, umwakuti atakennyanga sona, akamwitizya umwana wache usongo u Esabu nukumubuzya ukuti, “Wee mwana wane.” Po akamula akati, “Indi pano.”

Ubwandilo 27:1 Iomraidhean Croise

Ubwandilo 25:33

Po u Yakobo akati, “Lapa tasi ukuti wangulizikizya naloli ubwakatote bwako.” U Esabu akalapa nukumughulizizya u Yakobo ubwakatote bwache.

Ubwandilo 48:10

Amaso agha Yakobo ghakennyanga akafobela pachifukwa icha bughosi. Po u Yosefu akabapalamizya abana bache kwa Yakobo, po akabakumbatila nukubafyofyonta.

1 Abamwene 14:4

Po umuchi uwa Yelobowamu akabomba vivyo akamubuzya nukubuka kunyumba iya Ahiya mu Shilo. Pakabalilo kalakala amaso gha Ahiya ghakafwa pachifukwa ichakuti akaba muntu umughosi nkani.

Umulumbilili 12:3

Bo abasungilili abanyumba bakutetema, sona bo abantu abamaka bakudedebala, bo abakusya palwala baba banandi nkani, sona babo bakunanamizya pibwindo bakwenennya akafobela,

Yohani 9:3

U Yesu akabamula akati, “Atakaba weyuyo yunuyu, pamo abapapi bache babo bakananga. Loli akapapiwa mufwamaso ukuti amaka agha Chala ghabonekelemo mumwache.

Ukukumbusya Amalamulo 34:7

U Mozesi akafwa bo ali na maka 120, loli pope bulo akaba na maka, sona amaso ghache ghakaba ghachili ghakwennya akiza bulo.

1 Samuweli 3:2

Amaso agha Eli ghakennyanga akafobela, umwakuti atakennyanga pabutali nkani. Po ubusiku bumo u Eli akalambalalagha muchipinda chache.