Ubwandilo 26:31 - IBAYIBOLO 2024

³¹ Pandabindabi nkani bosi bala bakalapilana ichilapo. U Yisaki akalaghana nabo, po bakalekana mumutende.

Ubwandilo 26:31 Iomraidhean Croise

Ubwandilo 14:22

U Abulamu akamwamula akati, “Nkulapa pamaso pa Mwene u Chala Uwakumwanya Nkani, Umupeli uwakumwanya ni chisu ichapasi,

Ubwandilo 19:2

“Mwee bamwene bane, nalamba, twende kunyumba yane, musukusule munyayo zyinyu nukutuzya ubusiku bunubu. Pandabindabi nkani mungendelela nu bulendo bwinyu.” Bakamula bakati, “Awe, aswe tukwiza pakughona kuzi pamunalo uwa mukaya akakulu nkani kanaka.”

Ubwandilo 21:14

Pandabindabi nkani u Abulahamu akasenda ichakulya ni nyambi iyikwela iya mizi nukumupa u Hagala. Akamubaghalizya ivyakulya pavipunko nukumubuzya ukuti abukaye poka numwana wache. U Hagala akanyamuka, akendakendagha bulo munkolongo iya Belisheba.

Ubwandilo 21:23

Polelo lapa pano pamaso pa Chala ukuti utakwiza pakunzimbula ane, pamo abana bane, pamo abaluko lwane. Ane nkaba ne muntu umusubiliwa pamaso papako, po nawe lapa ukuti ukwiza pakuba we muntu umusubiliwa pamaso papane muchisu chicho mukwikalamo.”

Ubwandilo 21:27

Po u Abulahamu akamupa u Abimeleki ing'ozi ni ng'ombe, sona abantu babili aba bakafingana ulufingo.

Ubwandilo 22:3

Pandabindabi nkani u Abulahamu, akayannya apakwikalapo pampunda yache nukudumulannya inkwi izyakochela ichakwiyipa. Akanyamuka ubulendo bwache ubwakubuka kuko u Chala akamubuzya. Pabulendo bwache akabuka nu mwana wache u Yisaki poka na bambombo bache babili.

Ubwandilo 25:33

Po u Yakobo akati, “Lapa tasi ukuti wangulizikizya naloli ubwakatote bwako.” U Esabu akalapa nukumughulizizya u Yakobo ubwakatote bwache.

Ubwandilo 26:32

Isiku lilalila abambombo aba Yisaki bakiza nukumubuzya nizya chiziba chicho bakakumba. Bakati, “Twaghagha amizi!”

Ubwandilo 31:44

Po zagha ilelo tufinge ulufingo awe nane, sona chibanje ngati chikumbusyo pakasi papitu.”

Ubwandilo 31:55

Pandabindabi nkani u Labani akabakukila abizukulu bache na bana bache abalindu bala. Bo abasaya, akanyamuka nukubwela.

Aba Hebeli 6:16

Bo abantu bakulapa, bakulapa mwitabwa ilya muntu uyunji yuyo mukulupo ukuchila abene, po ichilapo chila chikumazya ukudalinkana kosi.

1 Samuweli 14:24

Aba Izilayeli bakayimba nkani pisiku lilalila, pachifukwa ichakuti u Sabuli akalapa ichilapo pamaso pabantu bala akati, “Aghuniwanje umuntu wesi yuyo akulya ichakulya chimo bo kuchili pakwila, sona bo intabatanizizye abalwani bane.” Po patakabapo nayumoyumo yuyo akalabukapo ichakulya pisiku lyosi lilalila.

1 Samuweli 20:3

Loli u Devedi akalapa akati, “Ughuso azimenye akiza nkani ukuti awe unganite, po akati, ‘U Yonatani atakazimanye zinizi, lumo angaba ni chitima.’ Loli nkulapa pamaso pa Mwene umumi, sona na pamaso papako ukuti ubufwe buli pampuno.”

1 Samuweli 30:15

U Devedi akamulalusya akati, “Nkimba ungandangizyako kuko kuli akabukatila aka mavyondongo ghanagha?” Umuntu yula akamwamula akati, “Lapa pamaso pa Chala ukuti utakwiza pakungogha pamo ukumbika munyobe izya mwene wane, po nkwiza pakukulanjizya kuko kuli abantu banaba.”