Ubwandilo 26:3 - IBAYIBOLO 2024

³ Ikala tasi muchisu chinichi, po nkwiza pakuba nawe sona nkwiza pakukusaya. Pakuti nkwiza pakukupa awe sona na baluko lwako ichisu chosi chinichi. Nkwiza pakusunga ichilapo chicho nkalapa kwa ghuso u Abulahamu.

Ubwandilo 26:3 Iomraidhean Croise

Ubwandilo 12:7

U Mwene akamubonekela u Abulamu nukumubuzya ukuti, “Ichi cho chisu chicho nkwiza pakubapa abaluko lwako.” Palapala u Abulamu akamuzengela ichighemo u Mwene yuyo akamubonekela.

Ubwandilo 13:15

Nkwiza pakukupa awe na baluko lwako ichisu chosi chicho ukuchennya, po chikwiza pakuba chako ni chako bwila na bwila.

Ubwandilo 13:17

Nyamuka endela ichisu chosi chinichi pakuti nakupacho.”

Ubwandilo 15:18

Pisiku lilalila, u Mwene akafinga ulufingo nu Abulamu akati, “Nkwiza pakubapa abaluko lwako ichisu chinichi, ukwandila ko kumpaka iya chisu icha Ijiputi mupaka kulusoko ulukulu nkani ulwa Yufuleti.

Ubwandilo 17:19

Loli u Chala akamwamula akati, “Awe, umuchi wako u Sala weyuyo akwiza pakukupapila umwana umulumendo, po ukwiza pakumwita ukuti we Yisaki. Nkwiza pakusunga ulufingo lwane nawe, sona na baluko lwache. Ulufingo lunulu ulwa bwila na bwila.

Ubwandilo 17:8

Nkwiza pakukupa awe poka na baluko lwako ichisu ichi awe we muyeni. Ichisu chosi icha Kenani chikwiza pakuba cha baluko lwako bwila na bwila, sona nkwiza pakuba ne Chala wabo.”

Ubwandilo 20:1

U Abulahamu akasamila ku Negebu chicho chikaba chigaba icha kuntende. Akikalagha pakasi pa kaya akakulu nkani aka Kadeshi naka Shuli muchisu icha Gelala.

Ubwandilo 25:11

Bo u Abulahamu afwa, u Chala akamusaya umwana wache u Yisaki, yuyo pakabalilo kalakala akikalagha papipi ni chiziba chicho chikitiziwanga ukuti, “Ichiziba icha Mumi yuyo Akunyennya Ane.”

Ubwandilo 26:12

U Yisaki akalima umughunda, umwakuti umwaka ghulaghula akinula ivyakulya ivyinji pakuti u Mwene akamusaya.

Ubwandilo 26:14

Pachifukwa ichakuti akaba ni midimo imyinji nkani, sona na bambombo abinji, aba Filisiti bakanda pakumubikila akabini.

Ubwandilo 26:24

Ubusiku bulabula u Mwene akamubonekela nukuti, “Ane ne Chala uwa ghuso u Abulahamu. Utakanyilaye pakuti indi nawe. Nkwiza pakukusaya, sona abaluko lwako bakwiza pakuba binji nkani pachifukwa icha layizyo lilyo nkamulayizya uwambombo wane u Abulahamu.”

Ubwandilo 28:13

Po u Mwene akimilila mulubazu lwache nukuti, “Ane ne Mwene u Chala uwa Abulahamu, sona nuwa Yisaki. Nkwiza pakukupa awe na baluko bako pachisu chicho ughonitepo.

Ubwandilo 28:15

Nkwiza pakuba nawe nukukusungilila kosi kuko ukubuka, sona nkwiza pakukunyosezya kuchisu chinichi. Ntakwiza pakukuleka nalumolumo mupaka papo nakubombela zyosi zizyo nkakulayizya.”

Ubwandilo 31:3

Po u Mwene akamubuzya u Yakobo akati, “Nyokela kuchisu icha ghuso na bakamu bako, po nkwiza pakuba nawe.”

Ubwandilo 35:12

Nkwiza pakukupa nawe ichisu chicho nkamupa u Abulahamu nu Yisaki, nukubapa sona abaluko lwako babo bakwiza pisinda papako.”

Ubwandilo 39:2

U Mwene akaba nu Yosefu po akamwavwa ukuti ivintu vyosi vimwendele akiza bulo. Akikalagha munyumba iya Potifala usongo uwamu Ijiputi,

Ubwandilo 39:21

u Mwene akaba nawe. Akamupelela ichisa umwakuti umulindilili uwa jele akahoboka nawe.

Ubwandilo 48:21

Po u Yakobo akamubuzya u Yosefu akati, “Ukunyennya, indi papipi pakufwa, loli u Chala akwiza pakuba nawe, sona akwiza pakukunyosezya awe kuchisu icha banyenya bako.

Ubwandilo 50:24

Po u Yosefu akababuzya abawamwabo akati, “Indi papipi pakufwa; loli u Chala akwiza pa pakubasungilila nukubefyamo muchisu ichi ukubuka kuchisu chicho akamulayizya u Abulahamu nu Yisaki, sona nu Yakobo.”

1 Imbili 16:16

Akwiza pakulukumbukagha ulufingo lulo akafingana nu Abulahamu, sona ni chilapo chicho akalapa kwa Yisaki.

Masalimo 105:8

Akulukumbuka ulufingo lwache bwila na bwila, akughakumbukagha amalamulo ghache ku nkulilo sabuzani weka.

Masalimo 105:9

Ulu lukaba lufingo lulo akafingana nu Abulahamu, sona lulo akalapa kwa Yisaki.

Masalimo 32:8

Nkwiza pakukulanjizya nukukumanyisya izila izyakuti wendayemo, sona nkwiza pakukulongozya nukukwenelezya.

Masalimo 39:12

“Wee Mwene, ivwa inyiputo zyane. Teghelezya ukulila kwane ukuti unyavwe, sona utakabanje ngati we mapuli bo nkulila. Pakuti nkwikala nawe ngati ne mwendazila, sona ngati ne muyeni ukuyana namumo abanyenya bitu bakabela.

Ukufuma 2:24

U Chala akivwa ukukoloma kwabo nukukumbuka ulufingo lwache, lulo akafingana nu Abulahamu nu Yisaki sona nu Yakobo.

Ukufuma 3:12

Po u Chala akamwamula akati, “Nkwiza pakuba nawe. Ichi cho chimanyilo ichakuti naloli nene nakutuma. Bo wabefyamo abantu bane mu Ijiputi, mukwiza pakunyiputa pighamba ili.”

Ukufuma 6:4

Nkafingana nabo ulufingo nukubalayizya pakubapa ichisu icha Kenani, mumo bakikalagha ngati bayeni.

Ukufuma 6:7

Amwe mukwiza pakuba mwe bantu bane, nane nkwiza pakuba ne Chala winyu. Po mukwiza pakumanya ukuti ane ne Mwene, u Chala winyu, ne nkababula kumbombo inkafu zizyo aba Ijiputi bakabafyenga pakubomba.

Ukufuma 6:8

Nkwiza pakubinjizya muchisu chicho nkalapa nu Abulahamu nu Yisaki, sona nu Yakobo. Nkwiza pakubapacho pakuba chisu chinyu ni chinyu. Ane ne Mwene.’ ”

Yesaya 43:2

Bo ukuloboka pamizi, nkwiza pakuba nawe, sona bo ukuloboka isoko, zitakwiza pakukudwibizya. Bo ukwenda pamoto, utakwiza pakupya, ghutakwiza pakukulungulizya, indimi izya moto zitakwiza pakubazimizya.

Yesaya 43:5

Utakanyilaye, pakuti indi nawe poka, nkwiza pakukwizila nabana bako, ukufumila kubufumilo bwizuba, nukubabungannya amwe kubwinjililo bwizuba.

Mika 7:20

Ukwiza pakuba musubiliwa kwa Yakobo, nukuba wachisa kwa Abulahamu, ngati mumo ukalapila ichilapo na banyenya bitu mumasiku aghakale.

Ukubelengiwa 23:19

U Chala te muntu uwakuti angatamanta, pamo te mwana uwa muntu uwakuti angandula inyinong'ono zyache. Nkimba anenitepo chimo ukusita pakuchibomba? Nkimba alayizizyepo chimo ukusita pakuchikwanilisya?

Ukukumbusya Amalamulo 1:8

Nkubapa ichisu chosi chinichi. Bukagha pakuchifyula ichisu nukwikalamo muchisu chicho u Mwene akamulayizya umunyenya winyu u Abulahamu nu Yisaki nu Yakobo sona na baluko lwabo.’ ”

Ukukumbusya Amalamulo 34:4

Po u Mwene akamubuzya u Mozesi akati, “Ichi cho chisu chicho nkamulayizya u Abulahamu nu Yisaki, sona nu Yakobo ukuti nkwiza pakubapa abaluko lwako. Nakwitikizya ukuti uchennye bulo na maso ghako, loli utakwiza pakwinjilamo.”

Aba Filipi 4:9

Bombezya imbombo vyosi vivyo mwamanyila pamo ukupokela, pamo ukwivwa kukwane, pamo vivyo mwavyennya mumwane. Po u Chala umwenecho uwa mutende akwiza pakuba namwe.

Aba Hebeli 11:9

Lukaba lwitiko lulo lukamupela ukwikala ngati muyeni muchisu chicho u Chala akamulayizya. Akikalagha muchisakasa. Wepe u Yisaki nu Yakobo bakikalagha muvisakasa ukuyana namumo u Abulahamu akabombelagha, napapo ichilingo chicho u Chala akabalayizya chikaba chabo.

Aba Hebeli 6:17

Abantu babo bakabaghila pakupyana zizyo u Chala akabalayizya, u Chala akalondagha pakubalanjizya pabuzelu nkani ukuti atakwiza pakwandulapo nalumolumo inyinong'ono zyache. Po akonjelezyapo ichilapo kwilayizyo lyache.