Ubwandilo 26:24 - IBAYIBOLO 2024

²⁴ Ubusiku bulabula u Mwene akamubonekela nukuti, “Ane ne Chala uwa ghuso u Abulahamu. Utakanyilaye pakuti indi nawe. Nkwiza pakukusaya, sona abaluko lwako bakwiza pakuba binji nkani pachifukwa icha layizyo lilyo nkamulayizya uwambombo wane u Abulahamu.”

Ubwandilo 26:24 Iomraidhean Croise

Ubwandilo 13:16

Nkwiza pakukupa abaluko abinji nkani umwakuti atalipo nayumoyumo yuyo angababelenga. Nanti umuntu angabelenga ulufumbi ulwa muchisu ichapasi, kokuti angababelenga abaluko lwako.

Ubwandilo 15:1

Pisinda pa zinizi, u Mwene akamubonekela Abulamu muchisetuka. Akamubuzya akati, “Wee Abulamu utakanyilaye, ane ne ngulu yako. Umuvwalo wako ghukwiza pakuba mukulu nkani.”

Ubwandilo 17:7

Ulufingo lwane ulwa bwila na bwila lukwiza pakwikala pakasi papako nane, sona napa baluko lwako ni nkulilo zyosi izya muntazi. Nkwiza pakuba ne Chala wako, sona nu Chala uwa baluko lwako.

Ubwandilo 17:8

Nkwiza pakukupa awe poka na baluko lwako ichisu ichi awe we muyeni. Ichisu chosi icha Kenani chikwiza pakuba cha baluko lwako bwila na bwila, sona nkwiza pakuba ne Chala wabo.”

Ubwandilo 21:17

U Chala akamwivwa umwana yula akulila, po uwantumi uwa Chala akamubuzya u Hagala akati, “Wee Hagala, nkimba choni chatamya? Utakanyilaye, u Chala ivwa ukulila ukwa mwana.

Ubwandilo 22:17

Naloliloli nkwiza pakukusaya nkani, sona nkwiza pakubapela abaluko lwako pakuba binji nkani ngati zyo ntondwa, sona ngati musesenga uwa mulubazu ulwa nyanja. Abaluko lwako bakwiza pakubapota abalwani babo bosi.

Ubwandilo 22:19

Po u Abulahamu akanyokela ku bambombo bache, po bosi poka bakanyamuka nukubwela ku Belisheba, kuko u Abulahamu akikalagha.

Ubwandilo 24:12

Po akiputa akati, “Wee Mwene, u Chala uwa mwene wane u Abulahamu, nkukulaba ukuti ivintu vinyendele akiza ilelo, nukubomba zizyo ukamulayizya u mwene wane.

Ubwandilo 28:13

Po u Mwene akimilila mulubazu lwache nukuti, “Ane ne Mwene u Chala uwa Abulahamu, sona nuwa Yisaki. Nkwiza pakukupa awe na baluko bako pachisu chicho ughonitepo.

Ubwandilo 28:15

Nkwiza pakuba nawe nukukusungilila kosi kuko ukubuka, sona nkwiza pakukunyosezya kuchisu chinichi. Ntakwiza pakukuleka nalumolumo mupaka papo nakubombela zyosi zizyo nkakulayizya.”

Ubwandilo 28:3

U Chala Uwamaka Ghosi ayisaye isendwa yako, nukukupa abana abinji nkani, umwakuti ubanje we munyenya uwa inko inyinji nkani.

Ubwandilo 30:27

Loli u Labani akamwamula akati, “Unyitikizye ukuti inene ivyakusingo. Ane nazimanya pachifukwa icha vimanyilo ukuti u Mwene ansaya pachifukwa icha wewe.

Ubwandilo 31:5

Po akababuzya akati, “Nazyaghannya ukuti ughuso akunyennya ni lyiso ichesamu. Loli u Chala uwise uwa tata wane akunyimila.

Ubwandilo 39:2

U Mwene akaba nu Yosefu po akamwavwa ukuti ivintu vyosi vimwendele akiza bulo. Akikalagha munyumba iya Potifala usongo uwamu Ijiputi,

Ubwandilo 39:3

yuyo akennya ukuti u Mwene akaba nawe u Yosefu, sona akamusaya muvintu vyosi vivyo akabombagha.

Ubwandilo 46:1

Po u Yakobo akabunganika utwache tosi nukubuka ku Belisheba kuko akabika ivyakwiyipa kwa Chala uwa wise wache u Yisaki.

1 Abamwene 17:13

U Eliya akamwamula akati, “Utakanyilaye. Buka upiye ichakulya chako. Loli unjanizizye tasi akachibama kanandi bulo aka busu bubo uli nabo nukwiza nako kuno, po pisinda pache wipiyile wemwene nu mwana wako.

Ukufuma 14:13

U Mozesi akabamula abantu bala akati, “Mutakanyilaye! Mwimaye bulo, ukuti ilelo mubwennye ubupoki ubwa Mwene. Aba Ijiputi babo mukubennya mutakwiza pakubennya sona.

Ukufuma 3:6

Po akati, “Ane ne Chala uwa banyenya bako, u Chala uwa Abulahamu nu Chala uwa Yisaki sona nu Chala uwa Yakobo.” U Mozesi akavwinka icheni chache, pachifukwa ichakuti akanyilagha pakumwennya u Chala.

Yesaya 12:2

U Chala we mupoki wane, nkwiza pakumusubila sona ntakwiza pakunyila. U Mwene, u Mwene we maka ghane, we bupoki bwane.”

Yesaya 41:10

Utakanyilaye, pakuti indi poka nawe, utakatetemaye pakuti ane ne Chala winyu. Nkwiza pakukupa amaka nukukwavwa, nkwiza pakukuvighilila ni nyobe yane indilo ingolosu.

Yesaya 44:2

Momumo akunenela u Mwene yuyo akakupela, nukukumata mulwanda, weyuyo akwiza pakukwavwa, wee Yakobo, utakanyilaye we mubombi wane, u Yeshulani yuyo imusalite.

Yesaya 51:12

Ane, nene nkubasangalusya. Nkimba wewenu ukuti, umunyilaye umuntu bulo, abantu babo bali ngati lisote bulo?

Yesaya 51:7

Nteghelezya, amwe mwe mubumenye ubugholosu, amwe mwe bantu mwe muli nu lulaghilo lwane mumoyo ghinyu. Mutakaghunyilaye umusamu uwa bantu pamo intuko zyabo.

Nkuto 3:57

Bo nakwitizya ukapalamila, po ukambuzya ukati, ‘Utakanyilaye.’

Aba Levi 26:42

po ane nkwiza pakulukumbuka ulufingo lwane lulo nkafingana nu Yakobo nu Yisaki nu Abulahamu, sona nkwiza pakuchikumbuka ni chisu chinyu.

Aba Levi 26:45

Loli pachifukwa icha chisa, nkwiza pakukumbuka ulufingo lwane lulo nkafingana na banyenya, babo nkabefya mu Ijiputi, bo abantu aba inko injeni bakwennya, umwakuti imbanje ne Chala wabo. Ane ne Mwene.”

Matayi 22:32

‘Ane ne Chala uwa Abulahamu nu Chala uwa Yisaki sona nu Chala uwa Yakobo.’ We Chala uwa bantu abumi, ate uwa bantu abafwe.”

Luka 12:32

“Amwe mwe kamudimo akanandi aka ng'ozi, mutakanyilaye pakuti chikamuhobosya Ughuso pakubapa Ubumwene bwache.

Imbombo 7:32

‘Ane ne Chala uwa banyenya binyu, u Chala uwa Abulahamu nuwa Yisaki sona nuwa Yakobo.’ U Mozesi akatetema nubogha, sona atakajimba ukwennyako.

Ukukumbusya Amalamulo 13:17

Mutakapalamasyanje nachimochimo ichintu icha vintu ivyamwiko vinivi umwakuti ubukali ubwa u Mwene butozoke. Po atakwiza pakubakalalila sona, akwiza pakubapelela ichisa nukubabalizya pakuba mwe binji nkani, ukuyana namumo akalapila kubanyenya binyu,

Ukukumbusya Amalamulo 31:6

Mubanje nu lweke, sona mujimbaye nkani. Mutakabanyilaye pamo ukutetema, pakuti u Mwene u Chala winyu akubuka namwe. Atakwiza pakubitikizya ukuti mupotwe, sona atakwiza pakubaleka mwebene.

Aba Hebeli 11:16

Loli bakachisamba ichisu ichiza nkani, chicho chisu icha kumwanya. Polelo u Chala atakukoziwa isoni ukwitiziwa ukuti we Chala wabo, pakuti abayanizizya akaya kabo akakulu nkani.

Aba Hebeli 13:6

Po zagha tunene nu bujivu ukuti, “U Mwene we mwavwilizi wane, po ntakwiza pakunyila. Nkimba umuntu angabomba choni nane?”

Ubuvumbuli 1:17

Bo namwennya, nkawa pasi munyayo zyache ngati ne muntu umufwe. Loli akabika inyobe yache indilo papane nukuti, “Utakanyilaye! Ane ne bwandilo. Ane ne bumalilo.

Luti 3:11

Wee mwana wane, losi ulu utakanyilaye. Nkwiza pakukubombela vyosi vivyo walaba, pakuti abamwitu bosi aba mukaya aka bazimenye ukuti we mukolo uwa nkalo inyiza.