Ubwandilo 26:12 - IBAYIBOLO 2024

¹² U Yisaki akalima umughunda, umwakuti umwaka ghulaghula akinula ivyakulya ivyinji pakuti u Mwene akamusaya.

Ubwandilo 26:12 Iomraidhean Croise

Ubwandilo 24:1

Pakabalilo kalakala u Abulahamu akaghosipa nkani, sona u Mwene akamusaya muvyosi vivyo akabombagha.

Ubwandilo 24:35

U Mwene amusaya nkani u mwene wane, sona muntu umukabi nkani. Amupa ing'ozi ni ng'ombe nu siliva nu golide, na bambombo abanavuli na bakolo, ni ngamila, sona ni mpunda.

Ubwandilo 25:11

Bo u Abulahamu afwa, u Chala akamusaya umwana wache u Yisaki, yuyo pakabalilo kalakala akikalagha papipi ni chiziba chicho chikitiziwanga ukuti, “Ichiziba icha Mumi yuyo Akunyennya Ane.”

Ubwandilo 26:29

Po lapa ukuti utakwiza pakutubombela nachimo ichibibi ukuyana namumo naswe tutakakubombela nachimo ichibibi. Loli tukakubombela ubwiza bwene sona tukakusindikila mumutende. Polelo u Mwene akusaya.”

Ubwandilo 26:3

Ikala tasi muchisu chinichi, po nkwiza pakuba nawe sona nkwiza pakukusaya. Pakuti nkwiza pakukupa awe sona na baluko lwako ichisu chosi chinichi. Nkwiza pakusunga ichilapo chicho nkalapa kwa ghuso u Abulahamu.

Ubwandilo 30:30

Utunandi tuto ukaba nato bo intizite kuno, ilelo twanyamana umwakuchilapo, sona u Mwene akusaya pachifukwa icha nene. Loli ilelo ko kabalilo akakuti nane niyimile pa nemwene?”

Yobu 42:12

U Mwene Akabusaya ubumi ubwa Yobu ubwa pisinda ukuchila ubwa pabwandilo. Akaba ning'ozi 14,000, ni ngamila 6,000 ni nkambaku izyakulima 1,000, ni mpunda 1,000.

Masalimo 67:6

Po ichisu chikwiza pakwela ivikomwa vyache, sona u Chala witu akwiza pakutusaya.

Masalimo 72:16

Muchisu chosi mubanje ni vyakulya ivyinji nkani, sona na pamwanya patughamba bulo pope pabanje ivintu ivyinji nkani. Ivikomwa vyache vyelaye nkani ngati vikomwa ivya mu Lebanoni, sona abantu bache aba mukaya akakulu nkani banyamaye ngati lisote.

Ivyili 10:22

Ulusayo ulwa Mwene lo lulo lukupa ubukabi, sona atakonjelezyapo ichitima.

Umulumbilili 11:6

Pesa imbeyu zyako pandabindabi, sona pachamabwila utakalepekaye inyobe. Pakuti utayimenye yiyo yingakula akiza, pamo yo iyi pamo yo yila, pamo zyosi zikwiza pakukula akiza bulo.

Zekaliya 8:12

“Imbeyu zikwiza pakukula akiza, amampesya ghakwiza pakwela ivikomwa vyache, itope likwiza pakumezya ivibyalwa, sona yope inganda yikwiza pakuwa. Nkwiza pakubapa ivintu vyosi vinivi pakuba mpyana iya bantu abakusyalako banaba.

Matayi 13:23

Imbeyu zizyo zikapesiwa mwitope ilyiza zikwimilila abantu babo bakwivwa amazyu nukughivwisya: Bakupa ivikomwa, bamo 100, abanji 60, sona bamo 30.”

Matayi 13:8

Loli imbeyu zimo zikawila pitope ilyiza, po imbeyu zikela ivikomwa, zimo zikela ivikomwa 100, zimo 60, izinji 30.”

Maliko 4:8

Loli imbeyu zimo zikawila pitope ilyiza, zikamela nukukula, po nukwela ivikomwa; zimo zikela ivikomwa 30, zimo 60, izinji 100.”

1 Aba Kolinti 3:6

Ane nkabyala imbeyu, wepe u Apolo akasembelela amizi, loli akaba we Chala yuyo akayimezya imbeyu yila.