Ubwandilo 25:5 - IBAYIBOLO 2024

⁵ U Yisaki akapyana vyosi vivyo u Abulahamu akaba navyo.

Ubwandilo 25:5 Iomraidhean Croise

Ubwandilo 24:35

U Mwene amusaya nkani u mwene wane, sona muntu umukabi nkani. Amupa ing'ozi ni ng'ombe nu siliva nu golide, na bambombo abanavuli na bakolo, ni ngamila, sona ni mpunda.

Ubwandilo 24:36

U Sala, umuchi uwa mwene wane akamupapila umwana umulumendo bo aghosipite, yuyo akwiza pakupyana ivintu vyache vyosi.

Ubwandilo 25:4

Abana aba Midiyani bakaba bo aba: U Efa nu Efeli nu Hanoki nu Abida, sona nu Elida. Bosi banaba bakaba baluko ulwa Ketula.

Ubwandilo 26:14

Pachifukwa ichakuti akaba ni midimo imyinji nkani, sona na bambombo abinji, aba Filisiti bakanda pakumubikila akabini.

Masalimo 68:18

Bo akukwela kumwanya, ukabalongolela abakayidi abanji, po abantu bakakupa ivyabupi ivyinji nkani. Bope abantu abakusambuka bakakupa ivyabupi, umwakuti awe we Mwene u Chala wikalayemo.

Matayi 11:27

“Utata wane ampiye ubulaghili ubwa vintu vyosi. Nayumo umuntu yuyo amumenye u Mwana, loli Uwise mwene, sona atalipo umuntu yuyo amumenye Uwise, loli u Mwana mwene, sona na bantu babo u Mwana akubasala ukuti abavumbulile Uwise.

Matayi 28:18

U Yesu akapalamila nukubabuzya ukuti, “Napeghiwa ubulaghili bosi kumwanya na pasi pano.

Yohani 17:2

Pakuti ukamupa ubulaghili ubwakulaghilila abantu bosi, umwakuti abape ubumi ubwa bwila na bwila bosi babo ukamupa.

Yohani 3:35

Uwise amughanite u Mwana sona abikite ivintu vyosi munyobe zyache.

Aba Loma 8:17

Po nanti aswe twe bana aba Chala, tukwiza pakupokela nabo ulusayo lulo abasungiye abantu bache. Sona tukwiza pakupokela poka nu Kilisitu ulusayo lulo u Chala amusungiye. Pakuti nanti tukugabana intamyo nu Kilisitu, tukwiza pakugabana poka nawe ubuchindamu bwache.

Aba Loma 8:32

Ate we Chala, awe, yuyo atakatwima u Mwana wache, loli akamubika ukuti chibanje chakwiyipa pachifukwa icha twebosi! Akatupa u Mwana wache, nkimba atangatupa sona pabulo ivintu vyosi?

Aba Galatiya 3:29

Nanti mwe bantu aba Kilisitu, kokuti mwe baluko ulwa Abulahamu, sona mubaghiye pakupokela ichilingo chicho u Chala akalayizya.

Aba Galatiya 4:28

Ilelo bakamu bane, mwe bana bilayizyo ilya Chala ukuyana namumo u Yisaki akabela.

Aba Kolosi 1:19

Pakuti chikamuhobosya u Chala ukuti ubwachala bwache bosi bubanje mu Mwana wache.

Aba Hebeli 1:2

Loli mumasiku aghabumalilo agha anena namwe ukwendela mu Mwana wache, yuyo akamwimika ukuti apyane ivintu vyosi, sona akapela ichisu ichapasi ukwendela mumwache.