Ubwandilo 25:30 - IBAYIBOLO 2024

³⁰ Akamubuzya umuzuna wache u Yakobo akati, “Wee muzuna, izala yikumbaba, umpeko amalima amachesamu.” Ichi cho chifukwa bakamwita ukuti we Edomu.

Ubwandilo 25:30 Iomraidhean Croise

Ubwandilo 25:29

Isiku limo bo u Yakobo akupiya amalima amachesamu, u Esabu akabwelako pakubinga, po izala yikamubaba nkani.

Ubwandilo 25:31

U Yakobo akamwamula akati, “Wande tasi ungulizikizye ubwakatote bwako.”

Ubwandilo 32:3

Po u Yakobo akazilongolezya intumi zyache pakukomana nu mukulu wache u Esabu mu Seyili muchisu icha Edomu.

Ubwandilo 32:4

Akababuzya akati, “Mumubuzye umukulu wane u Esabu muti, ‘Ane ne mubombi wako u Yakobo. Nikalagha nu Labani, sona nikalagha nawe mupaka akabalilo aka.

Ubwandilo 36:1

Aba bo abaluko aba Esabu, sona yuyo akitiziwanga ukuti Edomu.

Ubwandilo 36:19

Abamwene bosi banaba bakafuma mwa Esabu.

Ubwandilo 36:43

nu Magidiyeli nu Ilamu. Aba bo bamwene aba mu Edomu kokuti Esabu umunyenya uwa bantu aba mu Edomu, ukuyana nu buzilo bubo bakikalako pakuba bwabo nu bwabo.

Ubwandilo 36:8

Po u Esabu akikala muchisu icha maghamba icha Edomu.

Ubwandilo 36:9

Aba bo abaluko ulwa Esabu umunyenya uwa bantu aba Edomu babo bakikala muchisu icha maghamba icha Edomu.

2 Abamwene 8:20

Bo u Yeholamu akulaghila, aba Edomu bakachisambukila ichisu icha Yuda, sona bakiyimikila bene u mwene.

Ukufuma 15:15

Abamwene aba mu Edomu ubogha bwabalema, abalongozi aba mu Mowabu bakutetema nubogha. Abantu bosi aba mu Kenani basunguluka nubogha.

Yelemiya 49:7

Pakunena nizya Edomu, U Mwene Uwamaka Ghosi akuti, “Nkimba mutalimo amahala mu Temani? Nkimba abantu abamahala ubulongozi bwabo bwamala? Nkimba amahala ghabo ghabamaliye?

Obadiya 1:1

Ichisetuka icha Obadiya. Agha gho mazyu agha Mwene Uwamaka Ghosi ghagho ghakunena nizya chisu icha Edomu gho agha: Twivuye amazyu aghakufuma kwa Mwene. Intumi yikatumiwa ku inko izinji na mazyu aghakuti, “Nyamuka, twende pakulwa ubwite, na bantu aba mu Edomu.”

Ukukumbusya Amalamulo 23:7

Mutakabasamule aba Edomu, pachifukwa ichakuti bo bakamu binyu. Mutakabasamule aba Ijiputi pachifukwa ichakuti pakabalilo kamo mukaba mwe bayeni muchisu chabo.