Ubwandilo 25:23 - IBAYIBOLO 2024

²³ Po u Mwene akamubuzya akati, “Mulwanda lwako muli inko izya bantu babili. Ukwiza pakupapa inko zibili izya bantu babo bakwiza pakubengana. Weka akwiza pakuba wamaka nkani ukumuchila uyunji, sona ukatote akwiza pakumubombelagha umunandi.”

Ubwandilo 25:23 Iomraidhean Croise

Ubwandilo 17:16

Nkwiza pakumusaya, sona akwiza pakukupapila umwana umulumendo. Nkwiza pakumusaya umwakuti akwiza pakuba we mayi uwa baluko abinji. Pakasi pa baluko lwache bakwiza pakufumamo abamwene.”

Ubwandilo 17:4

“Ulufingo lulo indi pakufingana nawe lo ulu: Nkukulayizya ukuti ukwiza pakuba we munyenya uwa inko inyinji nkani.

Ubwandilo 24:60

Bakamusaya u Labeka ukuti, “Wee muyemba witu, u Chala akusaye ukuti ubanje we nyina uwa bantu amasabuzani na masabuzani. Abaluko lwako babapotaye abalwani babo.”

Ubwandilo 25:24

Bo akabalilo kakwana akakuti u Labeka asayiwe, akapapa abana abalumendo abamapasa.

Ubwandilo 25:27

Bo abana bala bakula, u Esabu akaba muntu umubingi uwamaka nkani, yuyo akighana nkani pakwendakwenda. Loli u Yakobo akaba muntu umololo, yuyo akighana nkani pakwikala panyumba.

Ubwandilo 27:29

Inko izya bantu zikubombelaye, sona abantu bakufughamililaye. Ubanje we mulaghili uwa bakamu bako bosi, sona abaluko ulwa nyoko bakufughamililaye. Abantu bosi babo bakukughuna, bope baghuniwanje, sona abantu bosi babo bakukusaya, bope basayiwanje.”

Ubwandilo 27:33

Po u Yisaki akanda pakutetema umubili ghosi nukulalusya ukuti, “Nkimba akaba wewenu akambingila inyama nukwiza nayo kuno? Nkayilya bo awe uchili nukwiza, sona namusaya, naloli akwiza pakuba musayiwa bwila na bwila.”

Ubwandilo 27:37

U Yisaki akamwamula u Esabu akati, “Namwimika pakuba we mwene wako, sona abakamu bache nabapela bambombo bache. Namupa ingano nu vinyo. Wee mwana wane, chitalipo nachimochimo chicho ningakubombela.”

Ubwandilo 27:40

Mubumi bwako bosi ukwiza, pakulwanga bulo ubwite, sona ukwiza pakumubombelagha umuzuna wako. Loli nanti akabalilo kakwana akakumusambukila ukwiza pakwepapo pasi pabulaghili bwache.”

Ubwandilo 32:6

Bo intumi zila zyanyokako zikamupangila u Yakobo ukuti, “Tukafika kumukulu wako u Esabu, losi ulu akwiza pakukomane nawe, sona akwiza na bantu 400.”

Ubwandilo 33:3

Po u Yakobo umwene akalongolela kuntazi nukufughama akaseveni bo akumupalamila umukulu wache u Esabu.

Ubwandilo 36:31

Aba bo bamwene babo bakalaghilagha muchisu icha Edomu, bo abamwene aba ba Izilayeli batandite pakulaghila:

Ubwandilo 48:19

Loli uwise akakana akati, “Inzimenye mwana wane. Inzimenye ukuti abaluko ulwa Manase bope bulo bakwiza pakuba luko ulukulu nkani. Loli umuzuna wache akwiza pakuba mukulu nkani ukumuchila, sona abaluko lwache bakwiza pakuba lwa inko inyinji nkani.”

2 Samuweli 8:14

U Devedi akazenga ubuzilo ubwa bwite muchisu chosi icha Edomu, umwakuti aba Edomu bosi bakaba pasi pabulaghili ubwa Devedi. Po u Mwene akamupa u Devedi ubupoti kosi kuko akabukagha.

1 Abamwene 22:47

Pakabalilo kalakala mu Edomu mutakabamo u mwene, po uwabubili uwa mwene weyuyo akalaghilagha.

1 Imbili 18:13

U Devedi akazenga ubuzilo ubwa bwite mu Edomu, umwakuti aba Edomu bosi bakaba pasi pabulaghili ubwa Devedi. Po u Mwene akamupa u Devedi ubupoti kosi kuko akabukagha.

Obadiya 1:21

Abakupona bakwiza pakukwela ighamba, ilya Ziyoni pakulaghila pighamba ilya Esabu. Sona ubumwene bukwiza pakuba bwa Mwene.”

Ukubelengiwa 20:14

Bo bali pa Kadeshi, u Mozesi akatuma intumi kwa mwene uwa chisu icha Edomu na mazyu aghakuti, “Abakamu bako aba Izilayeli bakuti, uzimenye intamyo zyosi zizyo twakomanite nazyo.

Ukukumbusya Amalamulo 2:4

Ubape abantu amalamulo aghakuti: Amwe muli papipi pakuchidumusannya ichisu icha bakamu binyu abaluko ulwa Esabu, babo bakwikala mu Seyili. Abantu banaba bakwiza pakubanyila nkani, loli amwe muchebaye nkani.

Ukukumbusya Amalamulo 2:8

Po tukendelela nu bulendo bwitu nukudumusannya muchisu icha bakamu bitu abaluko ulwa Esabu, babo bakikalagha mu Seyili. Tukaghuleka umusebo uwaku Alaba, ghugho ghukaba umusebo waku Elati nu Eziyoni Gebeli, nukwenda mulubazu ulwa musebo uwa munkolongo iya Mowabu.

1 Samuweli 17:14

U Devedi akaba we nkwangu. Abana bache batatu abasongo bala bakaba poka nu Sabuli kubwite.